المساعد الشخصي الرقمي

عرض الإصدار الكامل : قم للغريبه..امست سليبه؟؟كتبت وليدة لحظتها


ابو علي السعيدي
15/12/07, 11 :59 11:59:28 AM
بسم الله الرحمن الرحيم
السلام عليكم ورحمة الله وبركاته
(للأرض والعرض والدين)


بعد منكـول هـذا افـلان...زيـن ويستحـق مدحـه
لان كلهه عصابـه تبـوك...وخطيه الـوادم مسنحـه
قدر عالشيعي صار الموت...ليـش الخارجـي يذبحـه
تعبنه وفاض بينـه الكيـل...والكيـل شكبـر طفـحـه
نريـد العيـد دوم ايصيـر...موبس فطر لـو أضحـى
وطنه الغالـي ياهالنـاس...للكـل صـدره مفتـحـه
تعالـو وشوفـو هلايتـام...دمعهـه محـد يمسحـه
وتعالو وشوفو الحديثـات...نظرهه خايفـه اتشبحـه
مـنـريـد الانتـرنـيـت...نتونـس علـى السبحـه
وعلى الدله سهرنه يطول...ودك هــاون ورحــه
بيهن كـل عليـل ايطيـب...وبيهـن عافيـه وصحـه
جزعنه من الشعر والكول...والهوسـات والـردحـه
وخلـي الطابـك مغطـه...لا لتـبـوح وتفضـحـه
تدري انصابـت الاخـلاق...وسوك الطيب بيه شحـه
وتدري بدنيتـك مكلـوب...دوم المـايـل اترجـحـه
جاويـن النفـط منهـوب...ليـش انتانـي المنـحـه
والعالـم يشـوف الـوان...صور اجـرام متوضحـه
كـل ساعـه فضائـيـه...تبـث الخبـر وتصرحـه
ولو راد الوطـن ينهـض...يجي الارهـاب ويطيحـه
العراق ترابـه صايـر دم...والحـكـام متنـيـحـه
ومن امه الولـد يطلـع....يرجـع دمـه مسبـحـه
ياذنـب الجنـاه ياصـوج...بلكـي تكلـي وتوضحـه
كل شي بهالبلـد ممـرود...والطيـر انكسـر جنحـه
نشوف اوجوه موش اوجوه...اهلنـه البتعـب سمحـه
نشوف اغراب مدفوعيـن...لخراب الوطن مو صلحـه
من يعوض الصار اسنيـن...وجهـاد الوالـد وكدحـه
كظـت اعمارنـا بالظيـم...كلهه مصيحـه ومنيحـه
نفـك بــاب السـعـاده...انريد مشتاكيـن للفرحـه

أخوكم
أبو علي السعيدي

ابو علي السعيدي
20/04/08, 06 :49 06:49:56 AM
بسم الله الرحمن الرحيم
السلام عليكم ورحمة الله وبركاته
http://www.pic.alfrasha.com/data/media/57/981.gif

لبلدي العزيز .. اكتب




جم محنه المـرت ببـلادي حتى الطفل اليرضع شـاب

كل موجه اللي تلطـم بينـه تندار وي الريـح الهـاب
مانعـرف ياهـو الويانـه ومانعرف ياهـو الطـلاب
واللي يدافع النـه السانـه نص حجيه وعمرك جـذاب
يتبع قانـون اللـي سنـهم و حكم الله شـرع الغـاب
ميهمـه الماتـو باطفالـي ولايمه الطايـح وانصـاب
حتى النسـوان الماسلمـت من عدهم ذولـه الاجنـاب
ويـادم السبـح اطفـالـي حنتـهـم دم الاركـــاب
ياقانـون اليحكـم بيـنـهليش يسيرونـه الارهـاب
ليش تموت أبيـده ابنتـي وبته التلعب عده اصحـاب
وهو اللي ياكل من خيـري وانه الاكـل بـس اتـراب
خافن احجـي كالـو هـذا من صفحت ذوله الانسـاب
اسكـت والسكتـه تاذنـي تفرنـي فـرات الـدولاب
والشـكـوى لله نعلـنـه وشكوانه البيـه الاسبـاب
ليش تمرد جـاري عليـه وبوجهـي يسـد الابـواب
وليش النعرفهـم عافونـه لا غـزر دهـل وخنيـاب
عافو صحبتنـه وخوتهـم وياما وياما جنـه احبـاب
دارت دنيـانـه الـغـداره وصلت النه اهواي اسراب
من طير الشوم وصحبانـه وبوم وياهم جـم اغـراب
تنعـق ببـلادي وخيراتـه والجرح البعـده الماطـاب
نتحـزم لازم فـد هـمـه وننخه ويانه داحي البـاب
يزيـل المحنـه وشدتنـه واليسعى وياهـم ماخـاب
مـولاي الظالـم دمـرنـي وهـدم بيتـي والمحـراب
اصفن متحير على الصاير وانظر بيـه جـم صـواب
ياارضي الصارت مسرحهم وعم البينه بـس اخـراب
حسـرات المـرت يوميـه بضلوعي صـارن نشـاب
وارد العن كلمن طب داري وصدك بيـه مـو سبـاب
خلانـي الارهـاب اتكلـم وخلاني احجي على النصاب
مطول الحيته وريحه النتنه يفجربيـتـي والاكـبـاب
شرايد منـي هـذا الظالـم ببلاده اهـواي الاغـراب
يروح ويطردهـم احسلـه واحنه وياهم النه احسـاب
يحـرر بلـده اول مــره من اسنين وصارو البـاب
كبل اسنين اتغنه الصافـي وردد كــرره السـيـاب
بالعلم وعرفانـه النهضـه ولا بشـوده وذاك شجـاب
انوب ارجع وانه اسالكـم اهلي وناسي شيب وشـاب
ارد انشد كل هـذا العالـم ياهو العنده بكدنه احـزاب







http://www.pic.alfrasha.com/data/media/57/981.gif
اخوكم
ابو علي السعيدي

ابو علي السعيدي
18/05/08, 04 :01 04:01:52 PM
بسم الله الرحمن الرحيم
للزهراء (ع) ويوم الاستشهاد اقول

زهيري مع ابوذيه مع دارمي

اي وحك رب العرش لا واللذي ...سار اله
ربك خفاه الكبره حتـــــــما يظل ...سار اله
من حيث ياهو الاجه بهذا الدرب...سار اله

ومن عدهه يطلب رحم ظلم اللذي...شافته
حتى العناهه بحلــــم من المرض...شافته
ربك بســـــــــــره حجب هذا الكبر...شافته

بس للموالي بقه لشعية علي....سار اله

عظيمــــــه بكل معانيها...وسرهه
الرسول بحمكه كال اله...وسرهه
اليلوذ بفاطمه فكـــــــرا...وسرهه
يحيط بكل بشر يوم المنيه

اخوكم
ابو علي السعيدي

ابو علي السعيدي
18/05/08, 04 :22 04:22:30 PM
بسم الله الرحمن الرحيم

السلام عليكم ورحمة الله وبركاته

للزهراء لسيدة نساء العالمين(ع) اقول ..للاستشهاد؟؟اقول


كَبرج وينه. كَبرج وينه.. من اسنين احنه امضيعينه

مانرهم احنه يلبـاج........يالزهره ردي وحاجينــه

كبرج وينه


كبرج وينه اسنين انكول...... يالزهره مخفيه اثـاره

مجهول ومعلومه ارسومه...... لن الباري هو اختاره

رايد نتشرف ونــزوره...... والرحمه هي من اسراره

يا كَبرج هو اليحمينـه.....لوشنو بيه اكبر غــاره


غارة كفار وفجـــار...... ايهود ولو طبو لدار

ماتعرَك كَصته ولا جبينه
يم احسين ورايد طلبـه.....بجاه الكــــــرار واولاده

نتصافح كل احنه اخوان.....ونرجع خوان وكالعاده

لاسني وشيعي لهجتنـــه.....اهل البيت وبينه القـاده

وبلاد العتره موطنــــــــه.....يله انَكوم انعيد امجاده


نتكاتف على الزينه وشينه.... واللي طايح كون انعينه

وبهاي انريد اتبارينه


يم احسين واشكي الحاله .....وارويلج جزء من اعماله

الكافر ماخله ابـــــــلادي.....نهبو نفطه وكل امـــــــواله

وايهود اللي تامـــر بينه...... وياشبعي الاصبح بطــاله

واللي جاي وتحكم بينه......اصبحنه احنه اعليهم عاله


بايكني وبايك اموالي...... وجماله مكسف احوالي

وهو الصاير شيخ اعلينه
يالزهره لو اشكي اهوايه.....لجمات ونكبات البينه

ضربو كبه هادي الامـــه...... وردو تالي يم والينه

صار الشيعي اكبر مجرم......جيفنه رايح لحسينه

والادهى من هذا كلــــه.......الشعي كام يعادينـه


الشيعه صارت اقوام.....نوع المله الشرع القام

ودربج يالزهره ناسينه
ولو اشرح يالزهره اشجوني..... ماظن يالحره ايسرج

كله اجتمعت ولغايتــه.....تسكن ارض الطهر وارضج

الاف ودخلت محتــــله...... واتمســـكنه احنه بصبــرج

الناس التنهب ببلادي...... نفس الناس الكسرو ضلعج


الخانو مسلم خانونه......امريكي صاير قانونه

ولانسمع صوت ينادينه


وارويلج حادث وبعينـــــي..... شفته ولا واحـــد كَالالي

من صارت هوسه ببلادي.....شفت النازل صاعد عالي

والمايملك صاير تاجـــــر.....يتأمريلعب باحــــــــوالي

والتحكم بينه معروفــــــه......لا سلطه وجاه ولا والي


رايد يخدم بس اسياده...... ومحسوب وينعد بالساده

وهذا صاير شرعه ودينه
كبرج وينه.....يالزهره والله انذلينه


خادم اهل البيت

ابو علي السعيدي

ابو علي السعيدي
22/05/08, 03 :31 03:31:24 PM
بسم الله الرحمن الرحيم
لااستشهاد مولاتي الصديقه الطاهره فاطمة الزهراء (ع)
قصيده اقول؟؟

ألمن نشكي بهدم السور... لضلع الزهراء المكسور
من كسرو ضلعج بالباب...نندب وينك ياابو تراب
حكم الظالم والمأجور






الكسرو ضلعچ معروفين.... تعرفهم كل الاقــــوام
مابيهم من صان العشـــره... ولابيهم صاين ارحام
هذاالموقف كله انذكره ... من طاح المحسن كل عام
انعزي الکونین ابّضعتنه ... من گوم الامسوا ظـــلام

التاريخ يگول اصحاب... وظلع الزهره بيش انصاب
والموقف حتما مشهور

الزهره تندب وتنـــــادي .... هاي اوصيتي تظل تذكار
لاترحم كل واحد منــــهم.... وتبايع بس الاحــــــــــرار
ماعدهم ذمه ولارحمه .... ما صانوا عهد الكـــــــــــرار
خانوا حيدر اول مره .... وشوف بحال الزهره اشصار

عدنه وياهم احنه احساب .... ماعدهم غيره وانساب
متطهرهم سبع ابحور

خلينه انصوّر محنتـــها... وايام المرت عالزهــــــره
طاح المحسن يا حالتها .... چم اه وچم عبره وحسره
تنادي يابويه ومهضومه .... وبعبرتهه تخاطب گبــره
چتّفت الكرار بعهـــــــــدك.... واتحمل يامعظم صبـــره

عهدك نعرف بيه اسباب ... وسرك منطيه للاحباب
والعالم يوميه ايزور

بياحاله امست ام المحسن .... من عصروهه بباب الـدار
وشلون وجرعت هالقسوه .... من صوّب چفها البسمار
مسلوبه وممنوعه حگها .... واحتارت بعد المختــــــار
دارت كل الدنيه عليها ..... وحاطتهه عيون الاشـــرار

عدهه ويانه الزهره اعتاب .... من تذكر عصرات الباب
ومن تذكر حيدر مجرور

بضعه وچانت يم والدهه.... وانهضمت حيل بفرگاه
ماغابت عن عينه الزهره .... لو ما هالموت الوافـاه
انصابت وانهدمت بعده .... واتمنت بالموت اويـاه
تتبع اثار ارسومــــــه .... وتشم اهواها من اهواه

جان الهه الريح اللي هاب.... وشلون الوالد لوغاب
يتهدم ركن المعمور

گالت مااريدن هالدنيــــه .... وياعمري البعدك لاطال
ابتسمت لمّن سرها بسره .... من حضرت يمه الاجال
ومن شاف الموقف والدها.. وعالخد مدمعها اللي سال
گاللهه انتي البعدي بموتي .... يازهره وختمي الامـال

تحسب بالايام احساب ..... وجم جرح البيهه وماطاب
ماعاشت من بعده اشهور

لخادم اهل البيت
ابو علي السعيدي

خالد الفراتي
30/05/08, 07 :43 07:43:59 AM
الشاعر العزيز ابو علي السعيدي.. قصيدتك الرائعة من وزن( العكيلي)
كانت فيها لوحات جميلة.. رغم استخدامك لمصطلحات دخيلة على القصيدة لكن هذا لايمنع من انها كانت قصيدة واعية..
اشكر هذا القلم واتمنى ان ارى جديدك..
اخوك الفراتي

ابو علي السعيدي
10/06/08, 03 :29 03:29:28 PM
بسم الله الرحمن الرحيم
السلام عليكم ورحمة الله وبركاته
اكتب هذه القصيده لعلهل تنال رضاكم
( عجائب الزمن الصعب)
مو عجيبــــه اتشــــــــــــوف ينــــــــداس الضميـــــــر
ومو عجيبه اتشوف دينك والوطن نفس المصيـــــــــــر
ومو عجيبه البلبل محوط بقفصه وبالسمه غراب اليطير
ومو عجيبه يبيعك اللي ماتبيعه سمل دلال وزغيــــــــــر
ومو عجيبه تشــــــــوف ظالم وســـط واقعنه المريــــــر
ومو عجيبه من نرد للجاهليــــه وننسه فضلك يابشيـــر
ومو عجيبــــــــــــه ياوطن عد ظالمك تصبح اســـــــــير
ومو عجيبه اتظل وحيد بهالـــــــوكت مالك نصـــــــــــير
مو عجيبه يعرفك اللي ماتعرفه ويكصي وياك الحقــــــير
ومو عجيبه تشوف ناس بلايه دين ولا عهد عده وتجيــر
ومو عجيبه اكصار وكتك طالت وانت كصــــــــــــــــــــير
ومو عجيبه نكرو السيد البينه وسمو الخاين اميـــــــــــــر

ومو عجيبه الطينه البخده مسحه وينسى ايام السعيـــــــــر
ومو عجيبه الصاحي اعمى والدليل النه ضريـــــــــــــــــــــر
ومو عجيبه الضاك زادك ينكر النعمه الاكلهه ويحفر بأبره البير
ومو عجيبه الواوي يشرب ماي دهله والاسد شربه الغديـــــــر
هاي دنيــــــــه اشكال بيهه دوم غداره وتديــــــــــــــــــــــــــــر
صيح ياملة محمد ضيعوا سنـــــــة النذيــــــــــــــــــــــــــــــــــر
صيح ياملـــــــة محمد يا علي ويامن نصيـــــــــــــــــــــــــــــــــر
اخوكم
ابو علي السعيدي

ابو علي السعيدي
10/06/08, 03 :37 03:37:31 PM
بسم الله الرحمن الرحيم
السلام عليكم ورحمة الله وبركاته
رد على قصيدة الاخ الشاعر عدنان الغزي
( الى من صاحب الذيب)
خلّصت السوالف يالبگيت وحيد .. عثرات الاجدام اتهون عثرات اللسان تصيب
اجدامك لو وفت وياك خوش اجدام .. و ايدك لو شرخها البين ماهو عيـــب
لاترحل يخويه ومشيتك بالحال .. اعله مود الصار بيك او چيف خالي الجيـب
ماحسب دليلك من وفـــه ويّاه ... مثل حية تبن تلدغ غفل وتسيـــــب
چم مره نشدت الماي انت اعليه ... وشفت الماي عنك يوم راد ايجـــيب
حتى الماي غشك حسبيته بهاي ... ظنيته عدو من شرب منه الذيــــب
باعك بالرخص يمغرّب وي الروج ... ولا فزّع هلك من صار بيهه اثغيــب
لان طبع الذيابه ترافگ الغنــام ... و بنصّ الليالي اتداهمه بتسلـــيب
لايعرف خويّه ولا ملــح لا زاد ... ولا غزر بچه من صار عنده انحيــب
تاليها اطلعت خسران يالــرديت ... مترجي جروحك يالحزين اتطــيب
ماهمني نزف جرحك ولا مبچاك... بس همني المسوي الجرح موش الذيب
ابو علي السعيدي

ابو علي السعيدي
11/06/08, 01 :48 01:48:52 PM
بسم الله الرحمن الرحيم
السلام عليكم ورحمة الله وبركاته

ابوذيات؟؟

اخوتي اهواي هل باين...عللهم
وتعلمت الصبــــر غصبا...عللهم
طكات الدهـــــر تردف...عللهم
وعفى هامي شكثر طكات بيه

عفى هامي اشحمل لوعه ...وهامات
وروحي بحب علي ودت...وهامات
لغيره ماتطـــــخ ركبه ...وهامات
وتطخ لحسين والاولاد الزجيه

تطخ لحسين روحي وكلب ...والعين
ومنهم بس ردت نجواي ...والعين
اهناك الحوض يم احسين...والعين
وحور انواع والميه الهنيه

حواري انواع والمشروب...ماطاب
الينكرك ياعلي هيهات...ماطاب
عليل وعلته للمــوت ...ماطاب
النكر حيدر ولي بهل الدنيه

النكر حيدر امامــــه ...والولايه
باسمه ابيوتنه اتسمة...والولايه
السوره النزلت باسمه...والولايه
برهان الاله لكل تقيه


اخوكم
ابو علي السعيدي

خالد الفراتي
13/06/08, 07 :57 07:57:49 AM
قصيدة العجائب..
رغم بساطة مفردتها..وسهولة صياغتها..
الانها لاتخلو من الابداع والرصانة..
تسلم ياابوعلي السعيدي

اخوك الفراتي

ابو علي السعيدي
20/06/08, 04 :58 04:58:12 AM
بسم الله الرحمن الرحيم
السلام عليكم ورحمة الله وبركاته
الاخوه الاعزاء الكرام لااول مره اكتب؟

شمالك ياعظم بجفاه صليـــت
وادري يصل العظم لو تلتهب لحمته
اخوي وبالصله وياه صليــــت
ربك ذكر هذا الدرس امواصلة لحمته
كفرت ذنبي بسجن وانه اله صليت
من حيث ثوبي ركد صعب علي لحمته
اذنوبي كلهن محن واذنوبي هم يبرن

ياصاح لاتحركه ثوب العلي بالي
وادري اقلام الحقد بسنونهـــــن يبرن
وبقصته اكتبت هل منشـــــده بالي
يااهلي ضاك الخلك يمته الجروح يبرن
بس كلمه كمت ارد اي نعم اي بالي
مشيت لااهله اخيار انه وساده
ومن كتله كلمت نعم بهرشي هل يرعن
لبسني وكتي الجفن هم ابيض وساده
ويكلي خي انا تلبس جفـــــن يرعن
ونومتك بالكبر موجوده الوساده
وادري عذاب الكبر عن راوي يرعن
وبو سادتك بالكبر بنيرانها صليت
ونيران كبرك علي هذا الكبر لحمته


بجدر فاير اذب روحــي ... وصله
على الماعرف معدنهــه ... وصله
تعرف شنهي معناهــه ... وصلهه
الخوه هل السؤال الكم واليه
اخوكم
ابو علي السعيدي

ابو علي السعيدي
20/06/08, 05 :08 05:08:56 AM
بسم الله الرحمن الرحيم
السلام عليكم ورحمة الله وبركاته

بكلوب شيعت علي خط القلـم ... لافتى
رايات نحمل اله بيه الصــور ... لافتى
من حيث بيه انكتب عن الولي ... لافتى

لافتى غيرك علي سيف الله ول ... رايه
انت البليغ الحكم جثــير الطلب...رايه
لاتريد انت حكم لاتطمــــــع ب... رايه

يعزل الشيعه علي بيوم الحشر لافتى

الدنيه اخلاف شخصك ... من فتاهه
البلاغه بنهجه صارت ... من فتاهه
مهجتي ابيوم موتـي ... من فتاهه
لكو نص لعلي ونص الزجيه

خادم اهل البيت
ابو علي السعيدي

ابو علي السعيدي
24/06/08, 04 :08 04:08:55 PM
بسم الله الرحمن الرحيم
السلام عليكم ورحمة الله وبركاته
اليوم للزهراء ومولادها(ع) اكتب

اقدم هل التحيه...للباري ونبيه
يم الحسن وحسين...الج لو فرحت العين
احني اثنين اديه

اهني اليو م ميلادج...وازور رايــد اولادج
تحية محب لااحفـادج...اقدم فضل من زادج
اليوم انريد امــرادج...يوم ايصير ميعادج

يوم الهول والبين...يوم الطلب والدين
فزعتج كون اليه

اهني اليوم شيعتنه...بمولد حره نبعتنه
بيه تحله فرحتـــــنه...عام اتصيح سادتنه
اهني اليوم امتنــه...الهه تكون فرحتــنه

اليوم انهني سبطين...ونبوس اثنين جفين
رسول الله وبنيه

اهني قائم العـــــتره...بمولـــــــد امه الزهره
جذور الطيب والشجره...اهناك بمنتهى السدره
تحضر عسره ويســـــره...للشيعـــــــي لون يجره

من تثقل موازين...حمل كل ذيج الاسنين
تخففهن عليه

اهني بفرح ونهنــي...كل مســلم بدل عني
من الصين متعـــني...شعـــي الجان لو سني
يصيح بصوت ويغني...هذي البظعه هي مني

الرسول بصوت الحنين...يحي الناس صوبين
بالزهره الزجيه

امي اليوم مســـروره...جيفن حي الصوره
على الحيطان مسموره...بخور اتحط وزهوره
تشوف النور من نوره...الهه ارواح منذوره

صورتهه بدواوين...ماتنشاف بالعين
سيدة نسه هيه

اخوكم
ابو علي السعيدي

ابو علي السعيدي
24/06/08, 04 :12 04:12:35 PM
بسم الله الرحمن الرحيم
زهيري مع ابوذيه مع دارمي لولادة الزهراء(ع)
اقول؟؟

من بزغ نور الشمس لاح وصل...لاجلها
حار وفزع من عرف نور انولج... لاجلها
جل الاله العلي ومن قدرته ... لاجلها

اجلال من كرمه نور الشمس... نورها
حمكة الاله العرش كبر وعـرش...نورها
ضمه ليوم الحشر ولفاطمــــه ...نورها

من حيث يوم الحشر صارت لطم... لاجلها

وحك اللي خلق خمســه... لااجلها
ودمعتي اعليه ارخصنه... لااجلها
بيوت ال فاطمه احفظه... لااجلها
وانه الممنون خادم للزجيه
يالزهره هذا اليوم تفرح الشيعه...بمولد نجاة الناس هيه الشفيعه
اخوكم
ابو علي السعيدي

احمد ابو طبيخ
24/06/08, 10 :50 10:50:38 PM
السلام عليكم
**************
الاخ المحترم ابو علي السعيدي حياك الله
كل عام وانت بخير بمناسبة ذكرى ولادة الزهراء صلوات الله تعالى عليها نسأل الله ان يمن عليك وعلينا بشفاعتها يوم القيامه
قصيدة ولائية جميلة تغنت بحب الزهراء عليها السلام وان شاء الله نحني ادينه جميعا يوم نأخذ بثأرها مع امامنا عجل الله تعالى فرجه الشريف
احسنت كثيرا

ابو علي السعيدي
26/06/08, 11 :05 11:05:11 AM
بسم الله الرحمن الرحيم
السلام عليكم ورحمة الله وبركاته
ابوذيات للامام علي(ع) بالارقام

وحكك اللي تعبده الخلك...واحد
اله تشهد معــــارك بدر...واحد
عليه البس هدوم السود...واحد
يضل للموت حب الولي اليه

وحكك العرش واصحا به...والاثنين
المصايب مالــــون حيدر ...والاثنين
ندري حارب الكــــــــافر...والاثنين
وخل اركابهم ابكل نويه

وحكك اللي عرف بالعرش...ثالث
ندريبه بلــــــــب الهرش...ثالث
صبح للدين بذمته سند...ثالث
وبقت ثلثين ابذمة الزجيه

وحكك اللي بعرش الكون...رابع
خليفه نصـــــبه الرحمن ...رابع
حمل اللي حمـــله الكرار...رابع
ربع ربع الربع يصعب عليه

وحكك الفرض للاسلام ...خمسه
ومالك لو يــدور الحول...خمسه
علي المابان زلـــت قدم...خمسه
علي الفقار سيد اهل البريه

وحكك اللي ضرب ميه...بسته
شفافي للصـــحن تلهث...بسته
عندي اللي اله منزل... بسته
ودارك بالكلب صبحت هيه

وحكك الـــلي خلك ايام ...سبعه
فحل وامك علــيه انكول...سبعه
الطفل ايكول ابو الحسنين...سبعه
علمه على السباحه والفروسيه

وحكك رب الجـــــــــلاله ...من يثمن
وعلى اصدور العده كعده ...من يثمنه
الرجل ندري الرجل عدنه...من يثمنه
علي تثمين من رب البريه

وحكك اللي مشت لحسين ...تسعى
زين وبيــــــنه هاي الكاع...تسعى
اشهور احمـــــلت امه بيه...تسعى
جدار الكعبه ضل شاهد اليه

وحكك اللي ثبت على الراح...عشره
ابو الحســـــــنين وي النبي...عشره
بقت لليــــــــوم محد وصل ...عشره
ولا عشر العشر تنقاس هيه


اخوكم
ابو علي السعيدي

حيدر ال فتله السماوي
26/06/08, 11 :13 11:13:26 AM
السلام عليكم
احسنت حبيبي ابو علي السعيدي وجزيت خيرا عن امير المؤمنين
انتظرك مستقبلا بنشر ابوذيات اكثر دقّة في الوزن انشاء الله

ولكن هنا !!

خليفه نصـــــبه الرحمن ...اوّل

تحياتي واحترامي
حيدر

امجد الشمري
27/06/08, 03 :56 03:56:23 PM
الله الله ياابو علي السعيدي قصيده رائعه تغنت بحب حبيبتنا الزهراء سلام الله عليها جعل الله هذه الكلمات في ميزان حسناتك واثابنا واثابك والجميع بهذه المناسبه العطره
الف الف مبروك لك وللاداره الكريمه وكل الاخوان الموالين

ابو حسن الاحسائي
28/06/08, 08 :56 08:56:26 AM
احسنت اخي وصديقي العزيز ( ابو علي السعيدي ) ،،، وجعل الله هذا العمل في موازين اعمالكم والفاتحة لأمواتك ولقضاء حوائجنا جميعاً ،،، ببركة الصلوات على محمد وآل محمد.

ابو علي السعيدي
30/06/08, 04 :03 04:03:27 PM
السلام عليكم
الاخ الرائع الشاعر والناقد الاديب
احمد ابو طبيخ المحترم
مروركم الكريم اسعدني وكلمات الاطراء الجميل
بارك الله فيكم وجعلكم من موالي اهل البيت
تحيات
اخوكم
ابو علي السعيدي

ابو علي السعيدي
30/06/08, 04 :05 04:05:28 PM
الاخ امجد الشمري المحترم
مروركم الكريم واطراءكم الجميل
اسعدني
تحياتي
اخوكم
ابو علي السعيدي

ابو علي السعيدي
30/06/08, 04 :07 04:07:10 PM
الاخ الرادود الحسيني الرائع
ابو حسن الاحسائي المحترم
لكم دعواتي وزريارتي لمرقد الامام علي(ع)
مروركم الكريم اوالاطراء الجميل نابع من مولاتكم لااهل البيت
تحيات
اخوكم
ابو علي السعيدي

احمد ابو طبيخ
30/06/08, 09 :40 09:40:14 PM
السلام عليكم
*************
الاخ المحترم ابو علي السعيدي حياك الله
تكتمل معاني قصيدة الجواب او المجارات مع اصل النص
القصيدة اعلاه جميلة فيها معاني محترمة وتكتمل معانيها بنشرك لنص قصيدة الاخ عدنان الغزي ليتبين عند القاريء مقصود ردك الجميل اعلاه
احسنت كثيرا وانتظر منك نشر نص الاخ عدنان الغزي لتكون متعتنا اكبر .
تحياتي واحترامي لك

ابو علي السعيدي
15/07/08, 07 :03 07:03:23 AM
بسم الله الرحمن الرحيم
السلام عليكم ورحمة الله وبركاته
اليوم كتبتhttp://www.14noor.com/forum/smileys/smiyles/02.gifلولادة الامام علي (ع) اقولhttp://www.14noor.com/forum/smileys/smiyles/02.gifhttp://www.14noor.com/forum/smileys/smiyles/02.gif؟؟
الى مولاي وامامي ابو الحسنين(ع) بمناسبة ولادته اقولhttp://www.14noor.com/forum/smileys/smiyles/02.gifhttp://www.14noor.com/forum/smileys/smiyles/02.gif
حياك يابو المرجله
حياك ياسيف الله

انت الشفيع لاامتك****لشخصك تربي شيعتـك
رايد عفو للوالتك****رايد عفو للــــــوالاه
حياك ياحيدر علي****انت الشفيع انت الــولي
افدي عمامي وكل هلي*****من اسمعت منه الاه
اسمعت هل اليوم الخبر****مفرح وبيه سر النــظر
انهني احنه المنتظر******وجده وعترته ويــــاه
جده وعترته انهنيه****** للقائم احنه انوافيـــه
احلى التحايا نهديه*****مانسوه احنه ابلايـــــاه
مانسوه احنه بدونكم***** رايدشفاعه منــــكم
للموت نبقى نزوركم**** وحسينكم ماننســــاه
احسين ثابت بالكلب ***** غيره ابد لامانحـــب
شما جمعت لينه الغرب*****يبقى سفينة نجـــاه
انت السفينه ابو تراب***** والطلب منك ماخاب
كثرن يمولانه اسباب*****اي والفحل والسمـــاه
اي والفحل ياحيدره****** ابلادي هي مكـــدره
تنظر بعينك للجره****** ارهاب هو تــــــولاه
ارهاب وامريكي الحكم**** واعراق صاير بس اسم
ملحوظه عندي للعلم****** رايد فزعتك اهنـــاه
رايد فزعتك يالفحل*****باسم الله معقود الامـــل
امريكي طب النه ودخل****وايهودي صاير يمناه
ايهودي يحكم بالبلد***** ماظل مال ولا ولــــد
لاواحد المنهم صمد***** بس احنه ضكنه الاحاه
اخوكم
ابو علي السعيدي

ابو علي السعيدي
15/07/08, 07 :23 07:23:37 AM
بسم الله الرحمن الرحيم
السلام عليكم ورحمة الله وبركاته

ارجو الرد على الدارمي؟؟اقول


الينطلب للناس شنهو اليوفيه... لاعنده مال يعين لااخوه تحميه

اخوكم
ابو علي السعيدي

حاج فؤاد الرميثي
15/07/08, 05 :50 05:50:31 PM
الاخ ابو علي مع التحيات
((اذا ضاقت بك الدنيا فلا تقل يا ربي عندي هم كبيرولكن قل يا هم لي رب كبير ))

كلنه أخوتك بالضيج ابشر ينخاي
للباري لو مطلوب اعذرني عن هاي

مع الاعتذار

ابو علي السعيدي
17/07/08, 03 :37 03:37:53 PM
الاخ الحاج الرميثي المحترم
شكرا ومشاركتكم الرائع وتقبل مني الرد البسيط

ادري يبن شعلان تربات اجاويــــــــد
انت اكرب من العين مااحسبك ابعيد


اخوكم
ابو علي السعيدي

ابو علي السعيدي
18/07/08, 10 :05 10:05:40 PM
بِسْمِ اللهِ الْرَّحْمَنِ الرَّحِيِمِ
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ
الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ
في حرم عقيلة بني هاشم وعقيلة الطالبين زينب(ع) امام ضريحها اليوم اقول لها؟؟

جيت واشكيلك يالحـــــره
والربع وياي من البصره

جيت واشكيلك احوالـي
ظيم الغربه فت دلالـي
امريكي وصهيوني الوالي
والعين اتشوف ومنقهره
العين اتشوف وماتحجي
بس ادموع تكت وتبجي
يمته الحظ ويانه يلـجي
ونرجع وابلادي منتصره
ونرجع لبلادي اناديهه
ونضمد جرح الماذيهه
سنه وشعيه من نبنيهه
واللي اتهدم احنه انعمره
اللي اتهدم انعيد امجاده
سنه وشيعه ويانه الساده
والشارك اينول امراده
من داحي الباب من الزهره
داحي الباب ويانه ايشارك
ابوحدتنه هو ايبـــارك
جبل وهور وهاي انهارك
بالوطن الخير ومتبشره
ياوطن الخير المنعوفك
بعزم الله نرجع ونشوفك
مثل الكعبه بلهفه انطوفك
وانزور احسين وسامره
انزور احسين اووالينه
والطاح ودرعه وجفينه
امراد الكافل ينطينـه
ويزيل النار المستعره
ايزيل النار اللي بينه
بجاده السجاده وسبعينه
والناصر احسين بدينه
والتركي الدفونه بالحضره
والتركي وسلمان ويـاهم
العادانه هم عــــاداهم
حبيب وهاني تحت الواهم
واتظوي اكببهم متنوره
اتظل اكببهم للعـــازه
ممشه ازحوف لو عكازه
حي لو ميت وانه اجنازه
هل الدرب ولازم انمره
اخوكم
ابو علي السعيدي
سوريا 3/1/2006

ابو علي السعيدي
18/07/08, 10 :21 10:21:26 PM
بسم الله الرحمن الرحيم
السلام عليكم ورحمة الله وبركاته
هذا ماكتبته على لسان عقيلة بني هاشم الحوراء زينب(ع) بعد السبي ؟؟ثواب واجر مع قراءة الفاتحه لروحها الطاهره

كوم رجعنه يخويه لكربله
خل تشبع شوف كل العايله


خل نشبع شوف من جسم الحسين
والضحايا الاربعه لاأم البنيـــــــن
الكم بهل الساع هزاني الحنيــــن

ودم دمع عيني يخويه تهمله
..... ...... ..... ......
كوم رجعنه يبن حامي الحــــــــمه
حنة الوليان صارت بالـــــــــــدمه
اليوم حزنانه الارض واهل السمه

لفكد ابو السجادخوته وي هله
.... ...... ...... .......
من فكدت اهلي واخوتي وديرتــــي
عل الوجه ياحيف صارت لطمتي
بدمه الخوان صارت حنتــــــــــي

وانسبي وتالي اطبن للملـــه
...... ......... ...... .......
شلون اطبن للمله ومجلس يزيد
والعليل وياي ويقيده الحديـــــد
واسمع اهتافات تندد بالوعيــــد

من ابن مرجانه شمر وحرمله
..... ...... ....... .....
من ابن مرجانه شمر وشلـــته
من خطب ايزيد اشكال بخطبته
وكفت الحوراء يوم السمعتــه

كيد كيدك يايزيد واعملــــــــه
..... ...... ....... .........
كيد كيدك ربك اشكــاتب يصير
النه رب الحارس وهو النصير
يبقى السجاد من نسل الامـــير

هو زين اعباده يقره البسمله
...... ....... ....... .........
كام ابو محمد يخطب بالقصر
يايزيد انحذرك انهاية عمـــــر
هذا صوت الحق يشهد بالامر

اسم جدي بالشهاده اسمه اعتله
...... ...... ........ ......
اسم جدي من عله بصــوت الاذان
خلي يسمع حرمله وابنه سنــــان
تحرم اعليكم كل ذيج الجنـــــــان

تشهد اعليكم سبيا القافلــه
..... ...... ...... .......
تشهد اعليكم ساحات القتـــــال
ويشهد اعليكم هودج هالعيال
وتشهد اعليكم طعناة النبـــــال

وتشهد اعليكم دموعي السايله
...... ....... ...... .....
يادموع السالت بيوم الطفـــــــوف
وياكمر امخضب بلايه جفـــــوف
يوم عجت كربله أبهم وكــــسوف

مرمي ابو السجاد ظل اعل الفله
...... ...... ........ ......
مرمي ابو السجاد ابلايـــــــــه معين
وداس صدره ابن الزنا وابن اللعين
والعليل اخلافه مهـــــــموم وحزين

حاير بنسوان وبطفاله ابتلـــــــــه
............... [.................. ........... ...........
اخوكم
ابو علي السعيدي

سعد الياسري
19/07/08, 01 :47 01:47:01 PM
السلام عليكم ابو علي السعيدي احسنت يااخي جعلها الله في ميزان حسناتك ووفقك للكتابه اكثر واكثر لاظهار مظلومية اهل البيت ولاسيما العقيله عليها السلام

انمار شدود
20/07/08, 09 :41 09:41:41 PM
انه اعرف اليحتاج ينخه الصميده
كَط مانخا ملهوف ماحطهه بيده

ابو علي السعيدي
21/07/08, 09 :49 09:49:08 AM
بسم الله الرحمن الرحيم
السلام عليكم ورحمة الله وبركاته
الى سيدي ومولاي سجين الخلود( الامام الكاظم (ع) ) اقول؟؟؟


يامظلوم.....يامسموم

بسجن وانكطعت اخبارك.....العباده شغلت افكارك
يامظلوم.........يامسموم

بسجن مظلم يكاظمنه.....تصلي وتدعي رب الكـون
كظيت اسنين بالوحشه....راكع عابد ومسجـــــــون
وانت العارف بحتفك...... مارمشت عليك اجفـــون
تودع كمت بالطيبين ...... تكول الموت الي مسنون

ربك كرم زوارك....بقت تسكينه انهارك
يامظلوم ...يامحروم

امام العصر انت اتكول.... بيه تبلــــــــغ اولادك
تكلهم هذا مولاكــــــم.....الكاظم من اسيــــادك
ولد هارون علمو بيــه......بيهم صارت اشهــادك
وتكول العفو من عدهم.....تمســـي بغض وعنادك

ربك خيره اختارك.....تموت بساع اسرارك
يامظلوم .....يامحكوم

قصص للكاظم ارويلك ...... بيه انكتبت اروايه
دخلت من بنات ابليس......تريد اله الف غايه
تريد اغوائه رادوهه..... وعلي مدسوسه عنايه
تاليه اطلبت عفوه.......وعليه انقلبت الايـــــه

عفوهه صار محرابك.... وهي قدوة اصحابك
يامظلوم...يامرحوم

وارويلك بعد قصــه..... حدثت من زمن ما كـــــان
بشارع والامام ايسير.... سمع صوت الطبل رنـــان
قرع باب الشخص بيده..... المن؟هل الســكن عنوان
كالت جاريه بالبيــت..(1).. هو لسيدي عثمــــان
عبيد وموش باحرارك....ابسرعه صار بانصارك
يامظلوم .... يامعلوم

روايات الزمن يروي....جثيــــره وهاي اخرهه
شيخ الوائلي اتعرفوه....هاي جان شاهدهـــه
دعى لبته بسكون الليل....راده كون يحضرهه
شفت بالساع ناظرهه.... وعاد النوب مبصرهه

ربي يضوي انوارك.... وانت تحمي من جارك
يامظلوم... يامسموم

اخوكم
خادم اهل البيت
ابو علي السعيدي
(1) قصة بشر الحافي

ابو علي السعيدي
21/07/08, 09 :57 09:57:06 AM
بسم الله الرحمن الرحيم
السلام عليكم ورحمة الله ويركاته
كتبت هذه الو مضه
لسيدي ومولاي الامام الكاظم (ع) وشهداء الجسر

ياباب الحوائج على الجسر مطروح......وادريبك يكاظم تكرم احبــــابك
فك بابك يموسى واحظن الـــــــزوار.......مااظنك ترد اليوصل لبــــابك
كظيت الجسر من هوه راد ايطــيح......وارفعت الجسر كظيته باجتــافك
من شافك فزع جابته الغيره اعليك......ولهذا السبب عثمان ماعــــافك


اخوكم
ابو علي السعيدي

احمد ابو طبيخ
21/07/08, 01 :56 01:56:02 PM
السلام عليكم
***********
الاخ المحترم ابو علي السعيدي حياك الله
احسنت كثيرا على هذه القصيدة التي تروي لنا بعض المواقف التي حصلت للامام باب
الحوائج عليه السلام منها الجارية التي بعثوها لتغويه فوجدته راكعا ساجدا في محراب
صلاته فتابت الى الله وعندما دخلوا عليها وجدوها تصلي ورواية الشيخ المرحوم احمد
الوائلي عندما استنجد بالامام الكاظم عليه السلام عندما اصابت عين بنته زجاجه صغيره
فشفيت ببركات الامام بعد ان عجز الطب عن شفائها وروراية بشر الحافي .... الخ
احسنت كثيرا جزاك الله خير الجزاء

حاج فؤاد الرميثي
21/07/08, 02 :08 02:08:23 PM
الاخ ابو علي :
وفقك الله لتجسيد هذه الحقائق بمضمون القصيده
وتقبل الله دعواتك واعمالك بباب الحوائج ملك بغداد
شكرا

حاج فؤاد الرميثي
21/07/08, 05 :56 05:56:10 PM
الاخ الغالي ابو علي وفقت بحق باب الحوائج وال بيت المصطفى اللي ما عدنه غيرهم:



جسر الائمه وكع بس شاله جف موسى
حقد اوقاحه وظلم وارواح منحوسه
حسبالهم نمتنع ما نوصل انبوسه
ما دروا هذا الصرح بيبانه محروسه


مع خالص التحايا والاحترام

ابو علي السعيدي
21/07/08, 06 :39 06:39:10 PM
لاخ انمار الشدود المحترم
مروركم اسعدني
واقول لكم

كبلك نخيته اهواي ماقصر وياي
ماتدري انت اشلون وشكبر بلواي

اخوكم
ابو علي السعيدي

انمار شدود
22/07/08, 12 :12 12:12:17 AM
يابلوه الاكبر هاي من بلوة الموت
ايفضه الوصي وذالنون عبره النه والحوت

انمار شدود
22/07/08, 10 :21 10:21:39 AM
العزيز الشاعر
ابو علي السعيدي
احسنت واجدت واثابنا واثابكم الله
بمولد امام الهدى علي الحق عليه افضل الصلاة والسلام


ينز شما امش دمعي ونشفه
وعطش بالكَيض فركَاكم ونشفه
حكيمي الكَالي انه ابره ونشفه
لون كضّيت شبّاجك بديه
تقبل مروري
اخوك
انمار شدود

ابو علي السعيدي
22/07/08, 02 :39 02:39:14 PM
الاخ الشاعر الرائع
انمار الشدود المحترم
مروركم اسعدني كثيرا وبيتكم الرائع في حق امام الشعيه
اقول لك وليد اللحظه؟؟؟؟

ركض كلبي لشابجك... ويشفه
وندري اللي كصد كبتك... ويشفه
لاان حاضر علي بيه... ويشفه
ويشوف الراد من عنده الحميه
اخوكم
ابو علي السعيدي

ابو علي السعيدي
22/07/08, 02 :49 02:49:51 PM
السلام عليكم
الاخ الرائع احمد ابو طبيخ المحترم
مروركم الكريم وكلمات الاطراء الجميل
وفقكم الله لكل خير وجعلكم ممن ينهلون من منهل ال بيت النبوه
اخوكم
ابو علي السعيدي

ابو علي السعيدي
22/07/08, 02 :51 02:51:36 PM
السلام عليكم
الاخ الحاج فواد الرميثي المحترم
سلمت ايها المبدع شاعر المنبر الحسيني
مرور اسعدني
اخوكم
ابو علي السعيدي

ابو علي السعيدي
23/07/08, 04 :51 04:51:28 AM
الاخ الفاضل
الحاج فؤاد الرميثي المحترم
مروركم الكريم اسعدني
وفقكم الله بحق باب الحوائج وجعلنا وياكم ممكن يطالبون بثار اهل بيت النبوه
اخوكم
ابو علي السعيدي

ابو حسن الاحسائي
23/07/08, 12 :07 12:07:30 PM
احسنت ولافض فوك العزيز ابو علي السعيدي
ورحم الله والديكم ،،، وقد تشرفت بقرائتها

رحم الله والديكم حجينه ابو علي السعيدي.

حاج فؤاد الرميثي
23/07/08, 06 :47 06:47:21 PM
الا خ ابو علي المحترم بالعافيه عليك وموفق اذا نص لعلي ونص للزجيه

اعتبر نفسك فائز حياك الله

ابو علي السعيدي
24/07/08, 10 :42 10:42:21 AM
الاخ انمار شدود المحترم
شتظن بعد المـــوت هم تنفع اموال
ولا ولد ينفع بيك بس خير الاعمال

ابو علي السعيدي
29/07/08, 08 :33 08:33:11 AM
الاخ ابوحسن الاحسائي المحترم
عظم الله لك الاجر باستشهاد الامام الكاظم(ع)
جعلكم الله من اقام العزاء
اخوكم
ابو علي السعيدي

ابو علي السعيدي
31/07/08, 05 :19 05:19:13 PM
بسم الله الرحمن الرحيم
والصلاة والسلام على افضل الخلق ابو القاسم محمد وعلى اله الاطهار
الى رسول الانسانيه؟خاتم الانبياء والمرسلين الامين محمد
بيك مختومه النبوه… وبيك مختومه الرسل؟

جانت الدنيه ظلام ... وبيك ينزاح الجهل
ويه اقوام الضلاله ... بكل مكان وكل محل
وحد الاسلام هديك… واسمه دستور انحمل
شعت انوار الجزيره ...بمولدك اعظم امــــــل
قل اعوذ والحمــــــد ...وحتى ايات النمـ،ـــــل
وبيك دين الله ونعمته .. ياحبـــــيب الله اكتمـل
وطاحت اصنام الحجاره ... وساتر الشرك انسدل
بيك مختومه النبوه ... وبيك مختومه الرسل
انتـــه يااصدق امين ... وانته ياخير العمــل
انته ص وانته طـــه ... وانته ميزان العــدل
جانت اصنام العبـــاده ... لاة والعزي وهبــل
حطمتهه بكل رجوله ... انته يااقدس رجــــــل
اختارك الباري بعنايه...لان خالـــي من الزلل
ولان معصوم بحياتك ...وانته في عصرك بطل
ولان بيك اعظم صفاة...اسطرت بااروع سجل
حاربوك وقاطـــــــعوك...ماخضعت ولا تـذل
يارسول الله حســـره ...اشلون وافاك الاجـل
تاهت الناس بدربهـه ...وحتى ذكر الله انهمـل
موحشه وظلمه المساجد...ماضوه البيهه اشتعل
وظل وحيد اخلاف شخصك... يارسول الله الفحل
دارت الوادم عليــه ... وجم حقير وجم نـــذل
رادو ايخون الوصيـــه ... ورادو العهدك يغـــــل
حير العالم ابفكــــره ...ومنه كل عقل انذهــــل


لخادم اهل البيت
ابو علي السعيدي

احمد ابو طبيخ
31/07/08, 05 :25 05:25:19 PM
السلام عليكم
************
الاخ المحترم ابو علي السعيدي حياك الله
احسسسسسنت كثيرا تعرف ليش اولا لجمالها وثانيا
لان القصيدة لم تنقطع في بيت من ابياتها لتنتقل انتقالة غير مرغوب فيها جائت على وتيرة واحده بيت يتبع بيت .
احسنت ابو علي
اسمحلي انقل هذا البيت هنا
حاربوك وقاطـــــــعوك...ماخضعت ولا تـذل
مع تحياتي لك

ابو علي السعيدي
03/08/08, 05 :10 05:10:49 AM
بسم الله الرحمن الرحيم
السلام عليكم ورحمة الله وبركاته
لسيدي ومولاي الامام علي(ع) اقول؟؟
قاهر الاعداء حيدر علي عليه السلام
العده فرت من جميــع اركانهه
من دخل حيدر علي ميدانهه

من دخل حيدر علي ياهو اليظل
هو ينبوع الرساله والامـــــــــل
وارث التقوى وشجاعه من البطل
من رســــــول الله نزل عنوانهــــه
من رسول الله تره حيدر علي
والشهاده انعقدت باسم الولي
والينكرك بالحشر بهم يبتلي
بسعير وهم لظى نيرانهـــــــــه
بسعير وهم لظى وماكو سمــاح
بالندامه اهناك ما ينفع نيـــــاح
واحنه لينه الكوثر ولينــــه الملاح
بالســــــفينه اللي علي ربانهــــه
بالسفينه اللي علي بيه النجاة
للمشو لحســـين يبجون وحفاة
حملو القراءن منهـــم والصفاة
الشـــــــجاعه والصبر ميزانهـــــه
الشجاعه والصبر شان الرجال
ثبتاهه الفحل بأصعاب القتال
لضربت الكرار تهتز الجبـــال
من فتـــــح خيبر شلع بيبانهــه
من فتح خيبر وحصنه وحرره
وارتجز وينادي اسمي حيدره
اكيلكم بالسيف كيل السندره
وبيـــــهم السوره نزل برهانهـــه
بيهم الايات نزلت والســـــور
انتم العروة الوثقى والــــدرر
ايهبه الملعون راســك من طبر
هـــــدم الكعبه تره وجدرانهــه
هدم الكعبه لاان انــت العمود
وانت سيد الكون ثاني بالوجود
بعد ابو الزهراء وهذا بالشـهود
وانت بـــاب اللي دخل ديوانهــه
انت باب اللي يأدي للرسول
بيه تعلن توبتك نرجه القبول
من ابو الزهراء وبجاه البتول
بيــــــه تثبت توبتي وايمانهــــه
لخادم اهل البيت
ابو علي السعيدي

ابو علي السعيدي
03/08/08, 05 :16 05:16:06 AM
بسم الله الرحمن الرحيم
السلام عليكم ورحمة الله وبركاته

(للارض والعرض والدين)

بعد منگول هذا فلان ... زين ويستحق مدحــــه
لاان كلهه عصابه تبوگ … وخطيه الوادم مسنحه
قدر عالشيعي صار الموت... ليش الخارجي يذبحه
تعبنه وفاض بينه الكيل … والكيل شكبر طفحــه
نريد العيد دوم ايصير … موبس فطر لو اضحـی
وطنه الغالي ياهالناس … للكل صدره امفتحــه
تعالوا وشوفوا هالايتام ... دمعهه محد يمسحــه
وتعالوا وشوفوا الحديثات ... نظرهه خايفه اتشبحه
الانترنيــت طلگناه … نتونس على السبحـــه
وعلى الدله سهرنه يطول … ودگ الهــاون ورحه
بيهن كل عليل ايطيب … وبيهن عافيه وصحه
جزعنه من الشعر والگول ... والهوسات والردحه
وخلي الطابگ مغطــه ... لا لتبوح وتفضحـــه
تدري انصابت الاخلاق … وسوك الطيب بي شحه
وتدري بدنيتك مگلوب ... دوم المايل اترجحه
ظهریه النفط منهـوب … ليش انتاني المنحــه
والعالم يشوف الوان … صور اجرام متوضحه
كل ساعه فضائيــه ... تبث الخبر وتصرحــه
ولو راد الوطن ينهض … يجي الارهاب ويطيحه
العراق ترابه صاير دم … والحكام متنيحـــه
ومن امه الولد يطلع … يرجع دمه مسبحــه
ياذنب الجناه ياصوچ … بلكي تگلي وتوضحـه
كل شي بهالبلد ممرود ... والطير انكسر جنحه
نشوف اوجوه موش اوجوه … اهلنه البالتعب سمحه
نشوف اغراب مدفوعين … لخراب الوطن مو صلحه
من يعوض الصار اسنين … وجهاد الوالد وكدحه
گضت اعمارنا بالظيم … كلهه مصيحه ومنيحــه
نفك باب السعاده انريد ... مشتاگين للفرحـــه

اخوكم
ابو علي السعيدي

ابو علي السعيدي
03/08/08, 05 :23 05:23:57 AM
الاخ الاديب الرائع
احمد ابو طبيخ المحترم
مروركم اسعدني وزادني رفعتا وتفاني
اطراءكم له وقع خاص في نفسي
تقبل تحياتي
اخوكمابو علي السعيدي

ابو علي السعيدي
06/08/08, 09 :05 09:05:04 AM
بسم الله الرحمن الرحيم
لسيدي ومولاي الامام الحسين(ع)( لمولده
اقول؟

جينه انهني ام حسين..بميلادك يانور العين

جينه انهني اليوم الزهره
بميلادك ياسبط العتــره
وانزف لقائمنه البشــره
بيهم نحي اركان الدين
نهني العتره وقائمنـه
ابمولد شبر سيدنــه
حب حسين اللي يجمعـنه
ماهمنه اشما جار البين
حب حسين الساكن روحي
بيه الطيبه اتشافي اجروحي
الهم نفرح والهم نوحــي
والهم نحي الذكرى اسنين
نحي ذكراكم مولانـــه
ولكل خل تفرح ويـــانه
حسين الشعيه اتظل عنوانه
ويله خل نفرح صفين
صفين ونفرح هل اليـوم
وي اخواني وي الكــوم
يارب الفرحه اتـــدوم
ونرجع جزء من الدين
فرحتنه يارب للوالـي
انه واهلي وكل اعيالي
من فاو البصره لشمالي
نهتف والله فرحانين
نهتف..نهتف ياواليـنه
بميلادك رايد تهدينــه
يارب اتحقق امانينــه
وبلادي تفرح صوبين
تفرح صوبين المعمــوره
يم صرحك خل ناخذ صوره
يارب الشيعه منصــوره
وتنادي باسمك يحسين
تنادي وتصيح الشيعــه
فرحانه اتجدد بالبيـــه
بس حسين احنه اللي انطيعه
وانبايع احنه السبطين
انبايع حيــــدر واولاده
والقائم والعتـــره الساده
اليوم انجدد امجـــــاده
بالوعد كل ساعه وحين

اخوكم
ابو علي السعيدي

ابو علي السعيدي
06/08/08, 09 :19 09:19:13 AM
بسم الله الرحمن الرحيم
السلام عليكم ورحمة الله وبركاته
الى سيدي ومولاي الامام العباس (ع) اقول للولاده

يابو الفضل....لو أنسئل
فرحانه كل البلاد....تهني عيد الميلاد
لوأنسئل
فرحانه شيعتكم علي......وبمولده اتصيح اتكول
الكم نجدد العهد...... يال بيت الرســـــول
والزهره التحي مولده......عباس شما دار الحـول
بيه وتداعي فاطمه......ابحضرته اتلاكي احلــول
هو ابن كل امجاد.....الشاره بيهم تزداد
لوأنسئل
هو ابن حيدر علي ......الساقي معروف النسب
الكوثر هي مشربه.....هذا الفحل فخر العــرب
قاسم اجموع المشركه....ليث الوغى يوم الطلب
فارس بدر والكنطره....تهابه فارسان لســبب
يزيل كل الاوغاد....بافعال كلهن شداد
لوأنسئل
يقاتل بغيرت علي .......ونخوته ام البنـــين
حامل الرايه بعسكره........اجموع الكفر مذهولين
صاح ونخوته سيدي......اطلب يانور العــــين
نفدي لكم ارواحنـا.......ياابن ذاك الاميــــن
بالجنه هم الاسياد.... بيه الي هواي امراد
لوأنسئل
امرادي من عدهم حصل...سيد البريه عباس
بيهم معقود الامل....ما عرف شكه وســواس
هو ابن حيدر علي ....تفتخر ابنسله النــاس
روحوم يكظي حاجتك...وعند الشدايد ذاباس
اهني احنه الاجداد....من عرب حرف الضاد
لو أنسئل
اهني احنه الحوراء.....بمولد اخوها الكافل
واهل الشيم والامجاد.....نرفع ادينه انسال
بجاه النبي ياربي......والعتره واهل القائل
يليتنا كنا لكــم......ينعدل بينه المــايل
من البصره كوت وبغداد.....العرب وي الاكراد
لوأنسئل
اخوكم
ابو علي السعيدي

ابو علي السعيدي
06/08/08, 09 :23 09:23:59 AM
بسم الله الرحمن الرحيم
السلام عليكم ورحمة الله وبركاته
لسيدي ومولاي السجاد(ع) ويكم الدعاء
لمولد الامام السجاد (ع)...اقول؟؟
يابدايه اتلوك واكتبلك شعر...... بعيد ميلادك نهني اعمارنه
الكتابه سيدي واجب امـر.....وبيك تحله سيدي اشعارنه
انت يازين العباده ياكـمر.....وانت ياخازن جثير اسرارنه
باسمك ليالي جثيره القـدر.وانت المنجي السفن ببحارنه
خل اطيح ابضيج فد مره وعسر.بس اباوع للصور وبدارنه
كبل مارفع اديه لليسر.....ادري بيك اتكول هاي انصارنه
ياللي ضاوي وجن بدر..ويللي اسمك صبح بيه عنوانه
انت للشيعه الامام المقتدر..وانت نهج الله السره بقرأنه
القداسه يمك بهذا الشـهر..ياشهر شعبان بيك اقمــارنه
يانورنور الجلاله وانشطر.. سيدي السجاد زين ازهارنه
انت يااعظم رجل لينه ونهر..بيك علم الله نزل باسفارنـه
الكم انهني مولانه العتر......هيه تتلكه الفحل وزوارنــه
انهني صاحب الولايه والامر...والحسين وفاطمه وشبانه
انهني ابو الحسنين قاتل الكفر..حتى يفتح للهدايه اركانه
واختتم ليكم قصيده بالعذر......جيت اهني ولجميع اخوانه


اخوكم
ابو علي السعيدي

علي السعدي المسيباوي
07/08/08, 03 :36 03:36:55 PM
بوركت يا ابو علي جزاك الله خيرا وايامكم سعيدة

يسلم قلمك

سلامي ومودتي

ابو علي السعيدي
07/08/08, 05 :46 05:46:38 PM
الاخ الرائع
خالد الفراتي المحترم
شكرا لاطراءكم الجميل اسعدني مروركم الكريم
تحيات
اخوكم
ابو علي السعيدي

ابو علي السعيدي
07/08/08, 05 :54 05:54:20 PM
الاخ الشاعر والناقد الرائع
خالد الفراتي المحترم
مروركم وطراءكم الجميل اسعدني
تقبل تحياتي
اخوكم
ابو علي السعيدي

ابو علي السعيدي
10/08/08, 03 :55 03:55:25 AM
بسم الله الرحمن الرحيم
السلام عليكم ورحمة الله وبركاته
قصيده للامام العباس (ع) اقول؟؟



يابيت اهل الشرف والعفه عنوان
عباس راية علي لحسين بيبان
العباس بالكنطره رداهه عدوان


احسينه الغالي....اليحرسك عباس
باب ومدينة علم...وانت الاصل والساس

عباس يوم الحرب كله أتخافه
قبل اديه الفحل يــــــوم الشافه
عباس راعي المرجله باوصافه
ضحه بحياته وهم بعد باطرافه

هاي الروايه...تعترف بيه الناس
منصور يالغالي ...اليحرك عباس

كال الرسول أبخطبته اوصيه
خلفت علمي ومنهجي براعيه
الدين واصحاب الكسه وبنيه
هذا الحديث التسمعه مرويه

علم النبي اتعلمه....مومن كراس
منصور يالغالي ...اليحرسك عباس

يوم الولد عــــــباس شع انواره
لحسين ربك خيـــ،،ــره واختاره
حامل لوائه وعزتـــــــه وافكاره
ساقي العطاشى بكربله لاازغاره

درعه الشهد..وجفوفه وي الطاس
منصور يالغالي ..اليحرسك عباس



يومن على الكفار صال وزمجر...بركان ثار اعل العده واتفجر


بركان ثار عل العده مولانه
بالطيب خير ومنفعه مولانه
حتى الحديد وطاوعه مولانه
ياطعنته البيه الصخر يتفسر

عباس بالطف من وكف كاللهم
احيود انه بالوغــــــــى كاللهم
طيب وشجاعه والوفه كاللهم
ادروس عندي ياكفر من حيدر

ادروس عندي من شجاعه ياجد
وتنور من حر الهضـــــايم ياجد
اخبرني عن حال احسين ياجد
فاركته وادموعي تهل تتحسر

فاركته وادموعي اتهل سايلني
وكرر حديثه من نطق سايلني
انروح يلله للخـــــــيم سايلني
واهناك من زينب تسر المنظر

اهناك يم زينب تشوف الجاري
وعليك مدمعه يصب من الجاري
هذا انكتب باللوح هو الجاري
وعليك من ربك تره امقدر

اعليك من ربك حكم تنزيله
القراءن وبدمك ثبت تنزيله
حكم الطغاة اعل البشر تنزيله
بدم الحسين وصحبته امقرر


اخوكم
ابو علي السعيدي

ابو علي السعيدي
10/08/08, 04 :01 04:01:40 AM
بسم الله الرحمن الرحيم
السلام عليكم ورحمة الله وبركاته
الى غريب طوس سيدي ومولاي الرضا(ع) اقول


مدارس للعلم بايران اســـــــسه
من كنز العرش واجنان منبعهه
ابن زهره الزجيه بنوره جملهه
والدينه بنوره يضويهه

ياثامن حج،،،ج والحجج معروفه
سبع بيـــبان عده لو ردت طوفه
مثل جامع رسوله ومسجد الكوفه
كل طالب حاجه يكظيهه

صعبه عد الشيــــــــعه من تفكد حبيب
هو نور من الرساله وهو للعالم طبيب
ياغريب اذكر غربتك وعزي وياي الغريب
والغربه باسمك سنوهه

اخوكم
ابو علي السعيدي

احمد ابو طبيخ
10/08/08, 09 :26 09:26:08 AM
السلام عليكم
***********
الاخ المحترم ابو علي السعيدي حياك الله
احسنت كثيرا
*********
ارد انخه ابو محمد سيدي ومولاي
يجلي اهل الظلم ويطيّب البي داي
ويردنه الوطنه ونجتمع بالراي
ويبين كلمن بي لوله

ابو علي السعيدي
11/08/08, 07 :46 07:46:34 AM
الاخ الفاضل
علي السعدي المسيباوي المحترم
مروركم الكريم واطراءكم الجميل
وفقكم الله لكل خير
اخوكم
ابو علي السعيدي

ابو علي السعيدي
12/08/08, 04 :51 04:51:01 PM
بسم الله الرحمن الرحيم
مشاركة لمناسبة ولادة الامام الاكبر(ع) اقول

يانور رب العرش باهل الكسه...منزله
من حيث الهم وطن يم العرش...منزله
بيهم العصمه اصبحت كال العلي... منزله

والعصمه هيه بعلي والزهره وال...رايه
النبي يوم العرج سر الولي ب....رايه
ميخاف موج البحر شنهو البحر...رايه

من حيث همه السفن سابق عهد ...منزله


وحك اللي لخمسه بنه...منزال
تزول الدنيه كله وابد...منزال
ثبت حبكم ولات الامر...منزال

بكلام اووفه وي اهل الحميه


اخوكم
ابو علي السعيدي

ابو علي السعيدي
12/08/08, 05 :01 05:01:24 PM
بسم الله الرحمن الرحيم
لولادة الامام علي الاكبر (ع) اقول؟؟؟؟؟؟
هوسات


لاولاد الصمــيده بيهم اتغنه
واكتب شعر بيدي وانه الحننه
ربك ذكر بالـــقراءن كالنه
انت اخوان لاشـيعه ولا سنه
راية حـــيدر الكرار تحلنه
من شمال الوطن للفاو للحنه

والرايه هيه التجمعنه


رددنه القــــسم وياك تجمعنه
دمرنه اليهــــود الكبل دمرنه
احنه اهل الكلافه الـيوم سايلنـه
وطن حيدر علي الكرار بيه محنه
خل يسمـــع العالم كل سوالفنه
وخل يذكر الفرق بـــين ملتنه

والغايه صارت معروفه

مو كصـــده الوطن ياناس يامرنه
غايه جانت بنقسه ذاك اليوم سايسنه
دمرو هالبــــلد واخذ شما عدنه
ذوله اهل البلايه اللفو وبـــسدنه
وينك ياعلي الكرار تنجـــــدنه
تزيل اهموم هذا اليوم تـــضهدنه

وتزيحه كل طاغي علينه


تذل العايل علينه واجو بعدين خذلتنه
وترجع كل ملك مسـلوب من عدنه
اجيتك واعتنيك كون الـيوم موعدنه
نبايع ولدك القـــــائم مرجعنه
وينك ياابو الكلفــــــات موطنه
تحي الامل ببلادي بهاي كون ساعدنه

والعونه انت التحضره

هذا الحاقد من زمــــــان هددنه
يهدم بالبلد كلــشي رايد كون ينهبنه
وصلت للعظم مولاي هاي النوب دكتنه
لا واحـــــد فزع والاخوه نكرتنه
بس اللي بقـــــت وياي خذلتنه
يامر يســــــلب ويكتل بالعدنه

يولينه رايد كل همه

احوكم
ابو علي السعيدي

ابو علي السعيدي
12/08/08, 05 :16 05:16:58 PM
الاخ الاديب الرائع
احمد ابو طبيخ المحنرم
مروركم الكريم اسعدني ونور صفحتي المتواضعه
جعلكم الله من السباقين
اخوكم
ابو علي السعيدي

ابو مهند النجفي
12/08/08, 10 :26 10:26:11 PM
الاخ العزيز الغالي ابو علي السعيدي ..
وعليكم السلام ورحمة الله وبركاته


ماأظن تلگه اليوم البيهم حميه ...للشامت آني إچعيت غصبا عليه

دكتور هاشم الفريجي
08/09/08, 08 :48 08:48:04 PM
كتب الاخ الفاضل الشاعر ابو علي السعيدي موالا جميلا بحق الامام علي عليه السلام
وقد اجاد في وصفه رغم ان الكلمات مهما كانت بليغة تقصر عن اعطاء الامام حقه.
وهذا هو الموال:

بكلوب شيعت علي خط القلـم ... لافتى
رايات نحمل اله بيه الصــور ... لافتى
من حيث بيه انكتب عن الولي ... لافتى

لافتى غيرك علي سيف الله ول ... رايه
انت البليغ الحكم جثــير الطلب...رايه
لاتريد انت حكم لاتطمــــــع ب... رايه

يعزل الشيعه علي بيوم الحشر لافتى

الدنيه اخلاف شخصك ... من فتاهه
البلاغه بنهجه صارت ... من فتاهه
مهجتي ابيوم موتـي ... من فتاهه
لكو نص لعلي ونص الزجيه



*****************************************
وكانت جناساته كالتالي:
الاولى لافتة وهي قطعة من القماش او غيرة تحمل شعارا معينا وهي هنا تحمل اسم الامام عليه السلام. وقد جاءت كلمة شيعت خطا والصحيح شيعة.
والجناس الثاني يقصد به الشاعر شيئا يلفت النظر اي لافتة للانظار.
وهذا الجناس لا يفرق معنى عن جناسه الاول لان اللافتة التي عناها فيه تعني ايضا لافتة للانظار. وبذلك (ووفق رايي الخاص ارى ان الجناس مكرر).
اما الجناس الثالث فلا غبار عليه حيث يعني (لا فتى الا علي) وهو جناس بليغ حيث اكتفى الشاعر بالاشارة الى مقولة جبريل عليه السلام المشهورة(لافتى الا علي لا سيف الا ذو الفقار) وقد اشار اليها الشاعر بشكل واضح في الشطر الرابع.
وننتقل الى جناسه الاخير الذي يعني لو فتى من الفتيى اي اعطاء الفتاوى الشرعية, وكنت افضل لو ان الشاعر كتب هذه الجناسات بالهاء بدل الالف (لافته) لكونها اقرب للفظ بالعامية. كذلك كلمة (بيه) في الشطر الثاني اذ تعني مفرداغائبا لاتصالها بضمير الهاء المفرد الغائب والصحيح (بيها) لكونه يعود الى الرايات.
وفي الجناس الاخر(الرايه):
فالاول يقصد به الشاعر راية رسول الله صلى الله عليه وعلى آله وسلم.
والثاني يعني رأيه اي رأي الامام عليه السلام في كل امور الدين والدنيا.
والثالث يعني القيادة.
وارى ان لا فرق بين الراية في الجناس الاول والراية في الجناس الثالث لكونهما يعنيان القيادة في الحرب او السلم وبذلك اتصور ان الجناس هنا مكرر ايضا. اضف الى ذلك ان الشاعر فصل كلمة ( رايه) عما قبلها لانها كانت في الجناس الاول متصلة بالف ولام التعريف وكذلك في الجناس الثالث اما في الجناس الثاني فكانت مسبوقة بواو العطف وبدون الف ولام وبذلك فقدت سمة الجناس الذي يجب ان يكون متشابها في حروفه وحركاته اذا كان تاما او بحروفه وبعض حركاته اذا كان ناقصا.
اما من ناحية الوزن:
فقد اتى الشطر الرابع :لا فتى غيرك علي سيف الله والرايه
على وزن : فاعلاتن فاعل مستفعلن فعلن
وهو خارج نطاق بحر البسيط الذي ينظم عليه الموال.
وكذلك الشطر السادس:
انت البليغ الحكم جثير الطلب رايه
فقد اتى وزنها:
مستفعلن فتعلن مفعول مفاعيلن
وهو ايضا لا يصح في وزن البسيط (مستفعل فاعل ىمستفعل فعلن) كما جاء في الشطر الاول للموال.
وكان الافضل كتابة الشطر السادس بهذا الشكل:
لتريد انت الحكم.....
بدلا عن لا تريد انت الحكم... وذلك تلافيا لاشكال القراءة الخاطئة.
لان( لا تريد) يمكن ان تخرج الوزن عن البحر اذا قرأت منفصلة.
اما الابوذية فان شطريها الاولين خارجان عن وزن الابوذية (الوافر):
الدنيا اخلاف شخصك من فتاها:
مفعولن فاعلاتن فاعلاتن
والشطر الثاني:
البلاغه ابنهجه صارت من فتاها:
فاعلاتن فاعلاتن فاعلاتن : مع تخفيف الهاء في نهجه
وهو رمل تام وليس ابوذيه
اما الشطر الثالث والرابع:
مهجتي ابيوم موتـي ... من فتاهه
لكو نص لعلي ونص الزجيه
فان الجناس يعني (من فتَّها) اي سحقها وجزأها وهو يقصد المفرد الغائب، لكن الشاعر يعود في بداية الرباط الى الجمع الغائب (لكوا) ، والصحيح (لكى) اي هو وليس (هم) بصيغة الجمع. ولو ان الشاعر قال (من فتوهه) بصيغة الجمع لصحت بداية الشطر الاخير.
** لقد تم التاكيد في هذا النقاش على نقطتين هما:
الوزن وصحة المفردات كما ننطقها في لهجتنا العامية.
وارى ان على الشاعر ان يلتزم بنطق المفردات كما هي في اللهجة العامية وان يحافظ على معاني الجناس بحيث يكون لكل منها معناه المحدد ىالواضح.
كما تطرق النقاش الى صحة كتابة المفردة العامية لتسهيل طريقة قراءتها.
ان هذه الملاحظات لا تعني باي شكل من الاشكال الانتقاص من شاعرية الشاعر وصوره الجميلة خصوصا الى اشاراته البليغة لقول جبريل واسترشاد المسلمين بارائه وكونه حامل راية الايمان في الحرب والسلم.
شكرا لشاعرنا الرائع
وجل من لا يخطأ
*********************************
يجوز التصرف بجميع كتاباتي
وقصائدي بشرط الاشارة الى المصدر
********************
د.هاشم نعمة الفريجي

احمد ابو طبيخ
08/09/08, 09 :47 09:47:03 PM
السلام عليكم
*************
رمضان مبارك للجميع واعمال مقبولة ان شاء الله
دخلت الى هنا لست بصدد الاعتراض او الموافقة على ماجاء في مداخلة الاخ المحترم
الدكتور هاشم الجميلة وانما دخلت لاقول للاخ المحترم ابو علي السعيدي هنيئا لك هذا
الحضور للدكتور وتعليقته على نصك المنشور وهذا وحده توفيق يحسب لك .
دكتورنا العزيز اشد على اياديك وكل النصوص هنا تحت تصرفك ومعك دعم الادارة الكامل
فتفضل علينا بما تراه وابدي رأيك في كلها ان شئت مع تسجيل فائق شكري وتقديري مقدما
تحياتي واحترامي لك

دكتور هاشم الفريجي
09/09/08, 01 :24 01:24:02 AM
اخي الفاضل السيد احمد وفقنا الله جميعا لما فيه الخير لبعضنا ولمنتدياتنا الرائعة
وارى اننا كما قال رسولنا الكريم صلى الله عليه وعلى آله وسلم (المؤمن للمؤمن كالبنيان المرصوص يشد بعضه بعضا)
ومساهماتنا جميعا الغرض منها والله يعلم فائدة الجميع ان شاء الله تعالى.
ولم اكن لاتجرأ على اخي الفاضل والشاعر المبدع السعيدي لولا معرفتي وثقتي بسعة صدره وثقته العالية بنفسه وحبه لمواضيع النقد اكانت له ام عليه.
ان ما تفضلتم به اخي احمد من شدكم على يدي امر يدعو الى الفخر والاعتزاز وما انا الا واحد من جمع كبير من الشعراء والنقاد الكبار في هذه المنتديات التي نعيش فيها كاخوة متحابين متعاونين لرفعة الادب الشعبي كل وفق امكاناته.
تحيتي لكم ولشاعرنا المبدع ابي علي السعيدي.

ابو علي السعيدي
09/09/08, 07 :23 07:23:49 AM
بسم الله الرحمن الرحيم
السلام عليكم ورحمة الله وبركاته
الاخ والاستاذ الناقد الرائع
الدكتور هاشم الفريجي المحترم
من دواعي سروري مروركم الكريم والتعليق وابداء الرأي في مايخص اختصاصكم
وكلي اذان وصدر رحبين وصاغيين. انت استاذي وسبق لي ان التقينا في مهرجان القصيده الحسينيه في كربلاء ورأيت تواضعكم الرائع وكلماتكم الرائعه خاصة في الامسيه المسائيه في الفندق ؟انا اعرفكم جيدا واعرف شخصيتكم الرائعه ؟لا من باب النقد بقصد النقد ولكن ارى فيكم باب الاخوه. وانت في مقام استاذي وانا تلميذكم الذي ينصت لما تقولوم واقول؟؟هذا شرف كبير لي( وان كنت مقتنع بالثاني) ورايكم جميل؟واقول لك وليد اللحظه؟؟؟

من ريحك اشم الورد... ها شم
وادريبك لعد كل بيت... ها شم
شحلاته النقد من استاذ... هاشم
فريجي وبيه عطر اهل الحميه

اخوكم
ابو علي السعيدي

ابو علي السعيدي
09/09/08, 07 :29 07:29:17 AM
الاخ الفاضل
احمد ابو طبيخ المحترم
شكرا لك اخي الفاضل تواصلكم المستمر ودعكم
الرائع للمنتدى
تحياتي
اخوكم
ابو علي السعيدي

ابو علي السعيدي
09/09/08, 07 :34 07:34:17 AM
بسمالله الرحمن الرحيم
السلام عليكم ورحمة الله وبركاته
نبارك لكم ونهديكم باقة ورد .. أسعدنا هذا الخبر
شهر رمضان الاغر المبارك
الكلمات التي خرجت من حناجر زوار الحسين(ع) مشينا على الاقدام؟؟يقولون



ما نركب خطوه بسياره ... شما يبعد دربه ومشواره
حتى التعبانين ... ماصعدو يحسين
كل خطوه بحجه وزياره


مجنون وحبك جننــي ... يحسين وتية افكـــــــاري
مشاي وجيتك متعني ...عفت اعيالي وناسي وداري
يالحبك ممزوج بروحي ... وي اهواي ودمي الساري
مو حكي اتخبل من حبك ... وانته العالم وانته الداري


حتى المذهولين ....ماصعدو يحسين
حبك هذا وهاي اسراره



شفت الرايات المرفوعــه ... كل واحد لازم فد رايه
يرسم صورة حامي الواهه ... عــــباس وجفينه وايه
عاهدناك بعهد الفطــره ... ومانترك درب المشـــايه
ومابينه العاجز من عهده ... وكلحنه العهدك وفايه


حتى المديونين ... ماصعدو يحسين
دربك هذا وربنه اختاره



كل العالم واكف يشهــد ...هذا الموقف صوت وصوره
خل يفتح صفحه ابتاريخه ... ولايهملنه ويملي اسطوره
اول جمله واول كلمـــــه ... انحب حسين وجينه انزوره
والثاني نموت ومانوفي ... الاجساد الراحت منحـــــوره


حتى المهمومين ... ماصعدو يحسين
شمعه حسين وتضوي انواره



هذا الممشه ايجسد عبره ... كل حر لازم ما ينساهه
يذكر زينب ذيج الحره ...ويذكر سبيته و ممشــاهه
واخوتهه الظلــو عالغبره ... عافوهه ومحد وياهـــــه
والطفله الماتت بالغربه ... وايتام الظلت بحماهـــــه


حتى المتعنين ... ماصعدو يحسين
دمك لازم ناخذ ثاره





لخادم اهل البيت
ابو علي السعيدي

حاج فؤاد الرميثي
09/09/08, 10 :35 10:35:48 AM
عزيزي ابو علي جعلنا الله واياك من الزائرين سيرا على الاقدام الى مولانه ابي عبد الله عليه افضل الصلاة والسلام مرددين ما انشدت للمسيره الراجله وفقك الله لخدمة ال البيت عليهم السلام . شكرا.

دكتور هاشم الفريجي
09/09/08, 05 :04 05:04:59 PM
اخي الفاضل الشاعر المبدع ابو علي السعيدي
وفقك الله ورعاك لهذا التواضع الكبير من شخصكم الغالي علي
ويشرفني اننا تعارفنا مسبقا وانا اتابع كل مشاركاتك الرائعة في منتدياتنا باستمرار.
ان وجود خلل هنا وهناك لايعني المساس بشاعريتكم الواضحة والتي تفرض نفسها علينا شئنا ام ابينا.
انا من المعجبين بكل مشاركاتك واعرف انك اهل لتقبل النقد،وردك والله اخجلني كثيرا.
سلمت روحك الشفافة ودامت اخلاقك العالية نبراسا ومثالا للشاعر الكبير المتواضع.
اخوك هاشم

ابو علي السعيدي
13/09/08, 06 :06 06:06:54 AM
بسمالله الرحمن الرحيم
السلام عليكم ورحمة الله وبركاته
نبارك لكم ونهديكم باقة ورد .. أسعدنا هذا الخبر
شهر رمضان الاغر المبارك
الاخ الفاضل
الحاج فؤاد الرميثي المحترم
انشاء الله يجمعنا الوقت ونردد هذه الكلمات
نحو الامام الحسين(ع) مروركم الكريم اسعدني
تحيات
اخوكم
ابو علي السعيدي

ابو علي السعيدي
13/09/08, 07 :04 07:04:02 AM
الاخ والاستاذ الناقد الفاضل
هاشم الفريجي المحترم
انا ماقلت الا الحق وانت معروف لدى الوسط الثقافي( الشعري)
اتمنى لكم دوام التقدم والنجاح واشكرك جزيل الشكر لااننا نكمل بعض
تحيات
تلميذكم واخوكم
ابو علي السعيدي

ابو علي السعيدي
15/09/08, 06 :47 06:47:47 AM
بسم الله الرحمن الرحيم
السلام عليكم ورحمة الله وبركاته
للامام الحسن (ع) اقول؟؟؟؟؟

مكارم عد بني هاشم ... حسنه
طعمه للبشر دومه... حسنه
كلوب البيض والبشره...حسنه
اهل البيت نور على البريه
اخوكم
ابو علي السعيدي

ابو علي السعيدي
19/09/08, 06 :22 06:22:02 AM
بسم الله الرحمن الرحيم
السلام عليكم ورحمة الله وبركاته

منو منكم ضميره اليوم...صح صح
حجي الجذاب ليش ايصير...صح صح
تدري لو صرخ مظلوم... صح صح
حتما توصل لرب البريه
اخوكم
ابو علي السعيدي

ابو علي السعيدي
21/09/08, 07 :34 07:34:57 AM
بسم الله الرحمن الرحيم
السلام عليكم ورحمة الله وبركاته
لجرح الامام علي (ع) اكتب؟؟
ياجرح داحي الباب....منه الدليل انعــاب
ناده جبريل بهتافه...... انهدم ركن الخلافه
ياجرح داحي الباب
بيوم جرحك ياولينه..... عيني ماتقبل تنــام
نزلت الدمعه عل خدي....وصوبت كلبي السهام
من ابن ملجم غدرنه......هاي افعال اللئــام
طبر الكون ونكبنه....وياصعب ضرب الامام
ناده جبريل السماء ....يله لبو هل النداء
ياجرح داحي الباب
انهدم سور النجــاة .....هذا صوت المرسلين
بيه طاحت الامامــه.... طاح سيد المتقــين
الشيعه ندبت ياولينـه...وصاح صوت الحسنين
الجرح بويه البيـنه.... يبقى خالد بالسنــين
ناده جبريل الجليل... اجتمع خل وخليل
ياجرح داحي الباب
اليوم جرحك ياعليـنه..... بجه اركان الملـه
الطبيب الفحص شخصه.... يشرح القصه لهله
ناده بلغ بالوصــيه........وصي انته العايله
سيدي ومولاي جرحك.... يصعب الداء الاله
ناده جبريل وخجول.... انتكل سيد الفحول
ياجرح داحي الباب
قبلوه وصلو اهلـــه.... وصاح يابويه الحسن
ريت عمري من حياتك.....صعبه يابويه الاجن
صعب فكدك ياولينـه......وريت ذني ينعمـن
انت يانوري وحياتي....وانت ياسور المحــن
ناده جبريل بشجون.....انت قالع الحصون
ياجرح داحي الباب
الحسين الناجه ربــه...... وصلى وباس الفحل
انهدم ركن الديانــه.... ....انهدم خير العمـل
اهتزت اعروش الطغاة......وطاحت انوار الامل
للحسين انبرت دمعه..... تملي اجفونه ومقــل
ناده جبريل الطغاة..... انكتل سيد الولاة
ياجرح داحي الباب
زينب وتندب وليهـه......وتبجي وصارت يتيمه
بويه انت ذخـــري.... تنكتل والله هظيمـــه
انصبت من زغري بامي....وهسه انت ياعظيمه
اتحمل امصاب الليالي.... من بعد عزي ونعيمه
ناده جبريل وسألهه.....يبجي ايواسي بطلهه
ياجرح داحي الباب
الكمر ناده اخـــوته...... من فكد سيد البريه
ليت عمري بعدك انت..... سيدي حامي الحميه
ريت طبراتك ياحيدر.....ريت بويه اتصير بيه
ارتضي ابدل حياتك......وارتضي اشيل المنيه
ناده جبريل لولاته..... بالامام احسن صفاته
ياجرح داحي الباب
اخوكم
ابو علي السعيدي

ابو علي السعيدي
21/09/08, 07 :47 07:47:15 AM
بِسْمِ اللهِ الْرَّحْمَنِ الرَّحِيِمِ
الْسَّلامٌ عَلَيٌكٌمْ وَرَحْمَةٌ الله وَبَرَكَاتٌ

كَلُّ عَامٍ وَأَنْتٌمْ بِخَيْرٍ وَأَسْعَدَ اللهٌ أَيَّامِكٌمْ، وأَعَادَهٌ عَلَيْنَا وَعَلَيْكٌمْ بِالْخَيْرٍ وَالْبَرَكَة
رمضان كريم
قصيده للامام علي(ع) في جرح الامام ؟

يامصاب اليوم مثل امصابه****تدري لام السف حتى اكرابه

اليوم ابونه مطبر ودمه يسيـــل
والحسين اينوح وينوح الكفيـــــل
اهتزت اركان السمه وصار العويل
وانكشف نور الشمس بصحابه

اليوم حزنانه السمه لفكد الولــي
الشيعه كله بصوت تندب ياعلـي
ريت النه الموت مولاي وهلــــــي
ولانشوف الدم ترس محرابه

اليوم ابن ملجم عامل عملــته
لحيدر الكرار طابر هامــــــــته
هذا يوم الكدر صار بشيعـــــته
وانهدم سور المدينه وبابه

انهدم سور المدينه بغيبــتك
ياعلي للموت احنه بصايـتك
ننجمع وياك تحت اولايــــتك
واليضدكم نحسب احنه احسابه

اليضدك ياعلي ماله نجــــــاة
من محمد انته يالبيك الصفاة
حاربيت الكفر واركان الطغاة
ورجس اميه وشعوذه وانصابه

أه منج كربله وارض النجــــف
غدرت اهل الكوفه بيكم يااسف
يوم لوعتو ولينه وانجتــــــف
للكسر ظلع الزجيه اطلابه

انكسر ظلع الزجيه ياعلـي
مانلوذ بغير كم نلكه ولـي
الحياة اتهون كله والحلــي
وريت انه انحسب من احبابه

اليوم جبرائيل لنعشك حمـــــل
يبجي اسرافيل والمدمع همــــل
من سمع صوت انكتل خير العمل
يوم ابن ملجم علن بارهابه

اليوم ابن ملجم طبر فحل الفحول
انهدم باب المدينه من الرســــول
شنهو رايك يالموالي وشتـــكــول
بين شرع الله وشرع هالغابه

ندري شرع الله الـــيوم المرسلــين
همه داحي الباب والسبط الحسـين
وندري اشرار الارض يزيد اللعـــين
يلعن الله والده وانسابه

خادم اهل البيت
ابو علي السعيدي

ابو علي السعيدي
21/09/08, 07 :56 07:56:09 AM
بسم الله الرحمن الرحيم
السلام عليكم ورحمة الله وبركاته
زهيري مع ابوذيه في حق الامام علي (عليه السلام)

ياصاح رد الشمس يوم القرص ... من زال
من حيث صاير الك وسط الكلب ... من زال
واحنه بعهدنه الك وياك ابد ... من زال
وانشوف ياهو الثبت نلقي عليه ... حيه
يبان الرجل معدنه بكلمـة هله و... حيه
افعال الاسد تختلــف لو قارنت ... حيه
يزلزل بجدمه الارض وبيه الارض ... من زال

اموت اعل النهج باقي ... ولازال
وحبك يا علي ثابـت ... ولازال
ارهاب الدنيه ميهزني ... ولازال
احبنكم لمن تاتي المنيه

اخوكم
ابو علي السعيدي

ابو علي السعيدي
21/09/08, 08 :01 08:01:24 AM
بسم الله الرحمن الرحيم
السلام عليكم ورحمة الله وبركاته
لشهر الطاعه والغفران لشهر رمضان اقول ؟؟

للشهر هذا اكتبت وحرمتـه...... مايلي
انصوم عن الاكل ومايوصل ال....مايلي
بيه الليالي عفوا ونعـدل ال......مايلي

صوم الجوارح يخي موش القصد....ميه
اتحمل انت الصعب حار وحلو و....ميه
من حيث بيه انكتب ليله بعشر.....ميه
عشرات ربي هده ليله وحده ب.....مايلي

وحك النجف وترابه ...... ومايه
صومك لالجل خبزه...... ومايه
بيه اتحزم وانــدب......ومايه
يعينك لوجنت من ال اميه

اخوكم
ابو علي السعيدي

حاج فؤاد الرميثي
21/09/08, 11 :49 11:49:56 AM
الاخ ابو علي المحترم :
حياك الله عزيزي وعظم الله لك الاجر بمصابنا بامير المؤمنين صوات الله عليه وعلى اهل بيته الطيبين الطاهرين . بعد اخوك ( مدري اني خي عطشان مدري انت عطشان * الحرف شو ملزوك جن ينقراه اثنان ) مدري الشاشه ملطوشه . ما اتعيد طبع البيت والموال وشويه اكبر مع تحيات اخوك حاج فؤاد.شكرا.

حاج فؤاد الرميثي
21/09/08, 12 :04 12:04:43 PM
بِسْمِ اللهِ الْرَّحْمَنِ الرَّحِيِمِ

الْسَّلامٌ عَلَيٌكٌمْوَرَحْمَةٌ الله وَبَرَكَاتٌ

كَلُّ عَامٍ وَأَنْتٌمْ بِخَيْرٍ وَأَسْعَدَاللهٌ أَيَّامِكٌمْ، وأَعَادَهٌ عَلَيْنَا وَعَلَيْكٌمْ بِالْخَيْرٍوَالْبَرَكَة
رمضان كريم
قصيده للامام علي(ع) في جرح الامام ؟

يامصاب اليوم مثل امصابه****تدري لام السف حتى اكرابه

اليوم ابونه مطبر ودمه يسيـــل
والحسين اينوح وينوح الكفيـــــل
اهتزت اركان السمه وصار العويل
وانكشف نور الشمس بصحابه

اليوم حزنانه السمه لفكد الولــي
الشيعه كله بصوت تندب ياعلـي
ريت النه الموت مولاي وهلــــــي
ولانشوف الدم ترس محرابه

اليوم ابن ملجم عامل عملــته
لحيدر الكرار طابر هامــــــــته
هذا يوم الكدر صار بشيعـــــته
وانهدم سور المدينه وبابه

انهدم سور المدينه بغيبــتك
ياعلي للموت احنه بصايـتك
ننجمع وياك تحت اولايــــتك
واليضدكم نحسب احنه احسابه

اليضدك ياعلي ماله نجــــــاة
من محمد انته يالبيك الصفاة
حاربيت الكفر واركان الطغاة
ورجس اميه وشعوذه وانصابه

أه منج كربله وارض النجــــف
غدرت اهل الكوفه بيكم يااسف
يوم لوعتو ولينه وانجتــــــف
للكسر ظلع الزجيه اطلابه

انكسر ظلع الزجيه ياعلـي
مانلوذ بغير كم نلكه ولـي
الحياة اتهون كله والحلــي
وريت انه انحسب من احبابه

اليوم جبرائيل لنعشك حمـــــل
يبجي اسرافيل والمدمع همــــل
من سمع صوت انكتل خير العمل
يوم ابن ملجم علن بارهابه

اليوم ابن ملجم طبر فحل الفحول
انهدم باب المدينه من الرســــول
شنهو رايك يالموالي وشتـــكــول
بين شرع الله وشرع هالغابه

ندري شرع الله الـــيوم المرسلــين
همه داحي الباب والسبط الحسـين
وندري اشرار الارض يزيد اللعـــين
يلعن الله والده وانسابه

خادم اهل البيت
ابو علي السعيدي



الاخ ابو علي موفق يا عزيزي ولا اظن ان الامير ينسى هذا المجهود في كل ما كتبت . تحياتي واكرر عزائي لك بشهادة مولانه ابا الحسنين عليه الصلاة والسلام . شكرا.

ابو علي السعيدي
26/09/08, 07 :08 07:08:27 AM
بسم الله الرحمن الرحيم
السلام عليكم ورحمة الله وبركاته
زهيريات مع ابو ذيات مولده؟؟اقول

مهموم حملي ثكل حد العظـــــم ...من وصل
محتار بيهن حرت مشــدوه اشد...من وصل
كلبي جمر واحترك ولاام الحسن...من وصل

دعوات هاي الربع واللي كتب ...من هلي
يانبع طاهر كرم وانتــــــي الي...من هلي
غيرج يم الحسن لو غــــربت ...من هلي
بحماج انه وعلي من ادعي دوما...من وصل

شمالك ياجــــــــرح رديت...صليت
وايدي بصورة اهل البيت ...صليت
الج يم الحسن واحـــسين...صليت

وحمدت الله وشكرته على العطيه



كل يوم اكول الفرج ايا الفرج...ها مته
شامخ ابعلو النخل مادنكـــــت...ها مته
بحجار يرمي العثك كل الربع ...ها مته

ينطيه اغلى الثمر صدكني لو مر...حجر
وعليك تالي العمر بقيـــــــود رايد...حجر
من صار بيه الوزه واهدرو دمك ...حجر

صاحت ابطال العرب والغيره وي... هامته

حسافه اعليك يد انذال...هامات
وتراني مااطخ للموت...هامات
الغبت عنه يكول فلان...هامات
ولا يوم اعتنه ويسال عليه

اخوكم
ايو علي السعيدي

ابو علي السعيدي
27/09/08, 07 :42 07:42:52 AM
بسم الله الرحمن الرحيم
السلام عليكم ورحمة الله وبركاته
الى وطني واهلي وبلدي الجريح ؟؟؟؟اكتب واهدي الابوذيه

سيف الغدر بركبتــي.....يسنه
ومن عنده المحت نظره....يسنه
اريد اسأل عن الشيعه.....يسنه
واناشد كل عراقي البيه حميه

اناشد كل عراقي وبيه.......شاره
نريد العدو بس كفيان......شاره
اخوك ولا تكول احاه......شاره
ومن عنده استدل ضد البليه


ومن عنده استدل شورك.....ورشده
عينه ايرجع افكـــاره......ورشده
بعزم الله تخلص شـده......ورشده
تزيل اهموم من هم العليه

تزيح اهموم من همك.......وهمهم
اذا راد العدو ينـــولك.....وهمهم
اخوتك للدرب دلهـــم.....وهمهم
اغرزه بعين كل حاقد اليه

اغرزه بعين كل حاقد......وغادر
سيفك بالحرب صندل.....وغادر
اليه اعتاب عل السافر....وغادر
وصيتي اخواني الكلهم سويه

تركت اوصيتي البــلد......بيهم
كلبي امفارك ومحزون..... بيهم
هام الكلب طول العمر .....بيهم
ابو الحسنين واولاد الزجيه

ابو الحسنين هام الكلب.....والروح
وحبهم فرض ليه الوسن.....والروح
شلنه بالاجو هل اليـوم......والروح
المهم حب الولي واله ونبيه

المهم حب الولي ونهجه....ودينه
والهم لازم انـــأدي........ودينه
نعرف حيدر بحكـــمه....ودينه
ونشرح للملئ فضل الزجيه

واشرح للبشر علمك .....ولينه
السماحه اتكون وبجاهك...ولينه
ندري شما يطول عمري...ولينه
بس خير العمل باقي اليه

بس خير العمل باقـي......لااجلنه
العرف مقدار للشيــعه.....لااجلنه
الخمسه اهل الكسه العتره....لااجلنه
وجدهم ربك لهاي البريه

اخوكم
ابو علي السعيدي

ابو علي السعيدي
27/09/08, 08 :03 08:03:21 AM
بِسْمِ اللهِ الْرَّحْمَنِ الرَّحِيِمِ
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ
الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ
كَلُّ عَامٍ وَأَنْتٌمْ بِخَيْرٍ وَأَسْعَدَ اللهٌ أَيَّامِكٌمْ، وأَعَادَهٌ عَلَيْنَا وَعَلَيْكٌمْ بِالْخَيْرٍ وَالْبَرَكَة



ابطوار كل الحزن ياشعي انـــــــت ...نحت
عل المرتضى من انطبر الكلب كله...نحت
من ال اميه اشبقى بس الـتراب و...نحت

والمرتضى ظل علم عالي عله عالي...الهام
جود وكرامه وعلم من علمــــــــهم...الهام
هنياله والله بعلي الكلب كـــــــــون...الهام
تمثال شامخ يظل بنص الكلب من...نحت

المصايب بس عله اهل البيت......ينحت
ودليلي من السكم والنــــــوح.....ينحت
القلم كل يوم الي تذكــــــــار.....ينحت
بحب حيدر علي وحب الزجيه

ركن انهدم من طاح حيدر ولينــه
ادري النجاة وياه راعي السفينه

اخوكم
ابو علي السعيدي

حاج فؤاد الرميثي
27/09/08, 10 :47 10:47:51 AM
الاخ ابو علي المحترم:

تقبل مروري وموفق لهذا الجهد . على المشاركات الثلاثه

مع التقدير .

ابو علي السعيدي
19/10/08, 11 :40 11:40:14 AM
بسم الله الرحمن الرحيم
السلام عليكم ورحمة الله وبركاته

اذا كان حب الحسين جريمتا...فليشهد الله اني مجرم

وحك الكون وفلاكه...ولاجرام
اجري لاابــو نالــه...ولاجر ام
حب حسين مو تهمه... ولاجرام
حبه من الجرم تنزيه اليه
اخوكم
ابو علي السعيدي

ابو علي السعيدي
12/11/08, 09 :11 09:11:13 AM
بِسْمِ اللهِ الْرَّحْمَنِ الرَّحِيِمِ
الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ
قصيده( النداء)

يوم رددنه النداء...اهتزت اركان السماء
يلعن يزيد وزمرته...الحارب حسين وعترته
حتى صوت الانبياء

النداء ا للي نزل من السماء...بجه اركان الارض والمؤمنين
يبقى يعله على المنــابر...شما كــــثر جور السنين
نذكر الطف ورهبتـــه...شلون من طاح الحســــين
شلون زينب من سـبوه...على الهزل تدمـــــع العين

تسمع الشمر وزجرته...والعليل وياحسرته
كبرت حتى النساء

المأسي هوايه مرت بالطفوف...والعليل وهظم فتت مهجته
وياصبر زينب ينحت بالجبال...والجبال بهم لحظه وشالته
عجزت حتـــى العقــــــــول...ويافكر زينب فجـــر ثورته
وكفت الحوراء من ذاك المكان...ثورت علنت عالكفر ورداته

اختاره الباري بقدرته...قائده تكون لثورته
هي نسل الاتقياء

النساء الكبرت صوت الامل...بصوت تخترقه الحقيقه والعلل
احنه احفاد الرساله اليعربيه...واسمــــــــــى دستور انحمل
بينه سبط الامه كلـــــــــهه... وصارمــــــــــه وخير العمل
وعدنه علم الله ويقيــــــنه...وي الرســـــــــــــاله من نزل

والعلم ياللي هدرته...كصدك تموت شجرته
ويختفي صوت الدعاء

يكتب التاريخ صحفات الجهاد...ويكتب التاريخ عن المجرمين
بين صحفات البطوله والفداء...تنوجد صفحات من ذاك اللعين
بين من قدم حيــــــــــاته... من اجل رفعــــــــــــــــت الدين
وذاك جان الحكم كصــده... وعاده رب العالــــــــــــــــــمين

خله ضل بحيرته...تالي تاه بمهرته
وشوف صرح الاتقياء

السنين المرت على المسلمين...عبره وتكــــــــون اختبار
تذكر الصفحات افعال اللئام...والقتل والخوف وانواع الدمار
وروس تمشي على الرمـاح...والاطفال اللاذت بسد الفرار
ويل لااصحاب المــواقف ... ويل لااصـــــــــحاب القرار

تعرف الدم الهدرته...تحاسبك ازغر كطرته
هذا دم الاوفياء

اخوكم
ابو علي السعيدي

ابو علي السعيدي
12/11/08, 09 :25 09:25:10 AM
بسم الله الرحمن الرحيم


اللهُمَ صَلْ عَلىَ مُحَمَدٍ وَآَلِ مُحَمَدٍ الطَيِبِين الطَاهِرَينْ المُنْتَجَبِين وَعَجِلْ فَرَجَهُمْ

السلام على الحسين و على علي بن الحسين و على أولاد الحسين و على أصحاب الحسين وعلى نساء الحسين



الباري اختارك وارسل...وحي بيك
تحيه من محب شعي...وحي بيك
اموت عالنهج حيدر... وحي بيك
واظلّن هايم بحب البقيه

اخوكم
ابو علي السعيدي

ابو علي السعيدي
03/01/09, 07 :29 07:29:17 AM
بسم الله الرحمن الرحيم
السلام عليكم ورحمة الله وبركاته
الى يوم عاشوراء اقول ..


اول يوم بعاشوراء...نلطم ونعزي الزهراء
نرفع رايات الاحزان...حسين وعباس العنوان
ونخاطب احنه الحوراء

يايوم الاول ذكرنـــــــــــي...بالعام الفات وي حسين
بالمجلس جنت ومــــتغرب...اتكت بحزن دموع العين
بالشام وي الحـره انعزي...وياه احنه انشد احزامين
نخدم بالجــــاي ويالرايح...عاده وصارت من اسنين

صارت تدري بالوجدان...تسري بدمنه وعالحيطان
اسرع من يوم الاسراء

يا شيعنه التلبس اسود...ومهموم العالم بالصاير
لن حســـين يقدم روحه...يعد ايام وبـــــيه ايغادر
والاطفال وياهم خدر...مهظومه من تمشي باجر
مسبيه زينب واخوته...والســـــــجاد وياه يناظر

للشمر الصاير ربان...ويحدي ويامر بالنسوان
اصبح يامر بالامراء

ولوتعرف هل اليوم وحزنه...حسين البلغ كل عياله
للترحال وحضر ضعــــــني...بلغ عبــــــاس وكالاله
بلغ زينب تشـــــــد ارحال...وتشد هودج كل اطفاله
والطفله البلغه حسـين...بس هيه التبقه من رحاله

ظلت في وادي الاشجان...وتتنطر عودة خوان
ظلت طير بهل الصحراء

زينب طلبت من واليهه...بهذا اليــوم من العباس
كالتله ياسلوة روحي...ياخويه وتاج علىالراس
رايد واحد يتكـــفلني...ويحملني وي هاي الناس
كال اله يااختي اتبشري...انه الكافل للنــــوماس

اقسم اله بالقراءن...يفنيه اجموع الفرسان
وتتحدث عني الانباء
والسارو انصار حســــين...معروفه المعدن والغيره
مكتوبه اسماهم سيمـــــاهم...ووجوه انكتبت للسيره
يا جون وعباس وي مسلم...والحر ماظل بهالحـيره
خيرت اصحاب المختار...نفس حسين ونفس الخيره

حسين البيهم سفان...وقائد الهم بالميدان
فرسان الطف النجباء
من سارت اصحاب حسين...كله احيود وكله ابطال
كل واحد ينشد بالثــــــــاني...ويتحدث عن الامـــال
ابواب الجنه المفتــــوحه...واحدهم حيد ولو صال
والوصه ماوصــه بروحه...ولاوصه بمال واطفال

وصاه بحسين وحزنان...هاي وصتي خويه الان
واتبشر احنه البشراء
اخوكم
ابو علي السعيدي

ابو علي السعيدي
03/01/09, 07 :36 07:36:14 AM
بسم الله الرحمن الرحيم

اللهم صل على محمد وآل محمد وعجل فرجهم

وعليكم السلام ورحمة الله



doPoem(0)
المصايب عذبني...المصايب عذبني
كصن بيه ولني ... المصايب عذبني






doPoem(0)

حملت من الرزيـه

من ابـن الدعيـه

مثل امي الزجيـه

ومثل امي سلنـي

هموم البيـك بيـه

ثكل حمـل العليـه

غصب خويه شبديه

اهمومك من لفني

يبن حامي الحميـه

يبن سيـد البريـه

صرت بعدك سبيـه

وبعـدك زاد ونـي

يبن حيدر صفيـه

للبـاري ونبـيـه

اسمع هل الشجيه

وافراكـك كتلنـي

بسـواط المنـيـه

ولتني هل الرعيـه

وانه اشكف بديـه

يوم الرحت عنـي

عكب عينك اذيـه

كدر والهم اسيـه

وصرت انه الضحيه

الليالـي الدولبنـي

عكب جانت زهيـه

ديـار الهاشميـه

دخلـت ال امـيـه

كل همـه تذلنـي

بأرض الغاضريـه

اخوتي على الوطيه

دمعاتـي سجيـه

ولا واحد سالنـي





اخوكم

ابو علي السعيدي

ابو علي السعيدي
03/01/09, 07 :40 07:40:35 AM
بِسْمِ اللهِ الْرَّحْمَنِ الرَّحِيِمِ

الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ


قصيده( النداء )







يـوم رددنـه النـداء....اهتزت اركان السماء
يلعن يزيـد وزمرتـه...الحارب حسين وعترته
حتى صـوت الانبيـاء








النداء ا للي نزل من السماء....بجه اركان الارض والمؤمنين
يبقى يعلـه علـى المنابـر....شمـا كثـر جـور السنيـن
نذكـر الـطـف ورهبـتـه....شلون مـن طـاح الحسيـن
شلون زينـب مـن سبـوه....على الهـزل تدمـع العيـن








تسمع الشمر وزجرته...والعليل وياحسرتـه
كبرت حتى النسـاء







المأسي هوايه مرت بالطفوف
والعليل وهظم فتـت مهجتـه
وياصبر زينب ينحت بالجبـال
والجبال بهم لحظـه وشالتـه
عجـزت حـتـى العـقـول
ويافكر زينـب فجـر ثورتـه
وكفت الحوراء من ذاك المكان
ثورت علنت عالكفر ورداتـه








اختاره الباري بقدرته....قائده تكون لثورتـه
هي نسـل الاتقيـاء







النساء الكبرت صوت الامـل
بصوت تخترقه الحقيقه والعلل
احنه احفاد الرساله اليعربيـه
واسمتـى دستـور انحمـل
بينـه سبـط الامـه كلهـه
وصارمـه وخيـر العـمـل
وعدنـه علـم الله ويقينـه
وي الرسالـه مـن نــزل







والعلم ياللي هدرتـه...كصدك تموت شجرته
ويختفي صوت الدعاء








يكتب التاريخ صحفات الجهاد
ويكتب التاريخ عن المجرمين
بين صحفات البطوله والفداء
تنوجد صفحات من ذاك اللعين
بيـن مـن قـدم حيـاتـه
مـن اجـل رفعـت الديـن
وذاك جـان الحكـم كصـده
وعــاده رب العالـمـيـن








خله ضـل بحيرتـه...تالـي تـاه بمهرتـه
وشوف صرح الاتقياء








السنين المرت على المسلمين
عبـره وتـكـون اختـبـار
تذكر الصفحات افعال اللئـام
والقتل والخوف وانواع الدمار
وروس تمشي على الرمـاح
والاطفال اللاذت بسد الفـرار
ويـل لااصحـاب المواقـف
ويـل لااصحـاب الـقـرار








تعرف الدم الهدرتـه...تحاسبك ازغر كطرته
هـذا دم الاوفـيـاء




اخوكم

ابو علي السعيدي

ابو علي السعيدي
04/11/09, 06 :51 06:51:17 AM
الاخ الرائع الحاج فؤاد الرميثي المحترم
مروركم الكريم اسعدني وعذرا للرد المتاخر
تحيات
اخوكم
ابو علي السعيدي

ابو علي السعيدي
01/01/10, 10 :51 10:51:20 AM
بِسْمِ اللهِ الْرَّحْمَنِ الرَّحِيِمِ

الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ

لسان حال عقيلة بني هاشم الحوراء زينب (ع) تخاطب اخيها الحسين(ع) تقول ..





دم ودمع تبجي العين...خويه حسين..خويه حسين

لمن طحت..خويه نحت..ناحت عليك الثقلين

خويه حسين ..خويه حسين

يادنيه اف على الجره..ونشوف هاي المجزره

حسين ضامي وعطشان..يوم النزف فوك الثره

اهتزت اركان العرش..اجساد كله موذره



خويه شفت..واتعلعلت...ودمعي جره على الخدين

خويه حسين..خويه حسين



تحليت خويه بالصبر..وسميت روحي الصابره

بين الخيم والعدوان..كوم اللفـــــــــتني جايره

واخيول داست بالنسه..واطفال شردت حايره



خويه همت..ليك وردت..وسمعت لجن ميتين

خويه حسين..خويه حسين


من شفت ياخويه الشمر..اعتله صدرك عالنحر

ناديت حيدر بالعــــجل..وخـــــــبرته بهذا الامر

صارت حقيقه سبيتي..وحضرت روحي لليسر

خويه صحت..واتالمت..دارت عليك الصوبين

خويه حسين..خويه حسين


حطيت برحال النسه..وريت ولا شفت وعسه

روس الابطال بعترتي..واشلون من جانه المسه

اندبت امي ياعلي..واجتمعت اصحاب الكسه



يوم اندبت..واتاسرت..يحضر علي وي السبطين

خويه حسين..خويه حسين



اهوال شفت بدنيتي..وزادت يخويه علتي

ومشيت كوه اتغربت..وعفت الوطن وديرتي

وجماله انظر للحده..يحديني وي روس اخوتي



شنهي وخفت..لربي احمدت..ومشيت وي الماشين

خويه حسين..خويه حسين

ادخلنه عالشام بفرح..واطبول دكت للمرح

والناس تنظر للظعن..وتشوف بينه جم جرح

ماتعرف القصه شنو..ويطول بيهم هالشرح



انه اعرفت..واتوجهت..واخطبت بالمجتمعين

خويه حسين..خويه حسين


كلمت كلمن بالمله..ومضون سبي القافله

وكتلهم انه اخت البطل..واطفالي هاي العايله

والصوت ردد بالفضه..والصوت ردلي واعتله



يالي اظلمت..ثارك خذت..وتكلي ثاري بسبعين

خويه حسين..خويه حسين

اخوكم

ابو علي السعيدي

ابو علي السعيدي
01/01/10, 10 :52 10:52:40 AM
بسم الله الرحمن الرحيم
السلام عليكم ورحمة الله وبركاته
للامام الحسين(ع) لسان حال زينب (ع)اقول ..


اه ينور عيوني..اشلون لو سالوني
واركبت خويه الهزل..وانذهل مني العقل
اه ينور عيوني

وين عباس الكفيل..صاح وبحركه الدليل..بس الاطفال وعليل..وين انصاره
التمت علينه العده..ذوله اصحاب الرده..شوف ياخويه السده..وانه محتاره
ريت يكظي هالعمر..ولااشوفنه الشمر..يحدي بيه لليــــسر..التحدي غداره
خويه جانت منيتي..انت تحدي عيلتي
تصير حادي ضعوني

من مشيت ميســــره..للطغـــاة الكفره..كلبــــي ناره موجره..ابين عدواني
شفت خويه اللئام.. شلون حركوه الخيام..صحت ياطير الحمام..بلغ خواني
انسبي خويه مشــيت..بحركه ياخويه بجيـــت..لاال اميه انســـبيت..زادت احزانـــي
صحت ياراعي العلم..النار شبت يالخيم
بعدك يبجوني

خويه فرضو هالحصار..ورفعو علينه شعار..وبينه سوه الدمار..دارو علينه
صاحت سكينه ورباب..تزيد ونه بالعتاب..تريد ياخويه الجواب..منهو يحمينه
صاحت وزاد الانين..وناحت باسم الحسين..وين ياعمي الحنين..وين جفينه
شفت جفك عالنهر..وصورتك خويه الكمر
ومنك يحرموني

اتركت انه الوطن..بالنياحه والشجن..وكثرت اهواي الفــــــتن..وزادت الامي
شلون خوي رجعتي..من مشيت بغربتي..خويه جانت صيحتي..والشمر كدامي
عاينت ليك وصحت..عينك بعيني شفت..صدت وكلــــــمه كلت..بنحرك الدامي
يانحر يكطر دمه..فطر اعيون السمه
من مشيت بدوني

ريت حاضر يالولي..صحت باسمك ياعلي..انسبت كله هلي..وشوف ايتامي
انسبت خويه النسه..وين اصحاب الكسه..علينه من حل المسه..هاجت الامي
من دخلنه للـــــمله..وياي كل العايلــــه..ويزيد كمــــنه نساله..شـاف اعلامي
كلمت خويه يزيد..كتله يابن العبيد
ترضه يسبوني

اشلون لوجانه الليل..ينكظي بهم وعويل..راح من جان الدليل..جان حامينه
نبقى ننطر للصباح..بالحزن هم ونياح..وزادت الاف الجراح..نصيح ياوالينه
من شفت هذا الامر..شفت بالدنيه العسر..اذكرت خويه الشمر..شلون ياذينه
تذكرت خويه الطغاة..وذكرت سبل النجاة
شلون ينسوني

اخوكم
ابو علي السعيدي

ابو علي السعيدي
01/01/10, 11 :00 11:00:09 AM
بسم الله الرحمن الرحيم
السلام عليكم ورحمة الله وبركاته

للحسين (ع)نكتب ..



انت سبط الحق فينا.. يبن امير المؤمنيا
لاوحق الذاريات..ودموع المحصنات
انت ربان السفينا

لبستني امي قطعه..بزغر سني وعالجبين
قطعت سوده انكتب بيه..يالثارات الحسين
وكبرت القطعه وي عمري..وصارت بكبر السنين
وظلت القطعه امانه..حرز للبت والبنين
ضد كل العاتيات..وهموم النائبات
هي عنوان ولينا

تنلبس وسط العزاء..شما تمر ذكره اليمه
شما اجه عاشور حزنه..احنه كل عام ونقيمه
اركض لاامي واكله..يله حضريلي الشكيمه
وتنرفع بالبيت رايه..راية احزان وحميه
بدموع الباكيات..وعزاء الثائرات
بالنحيب والانينا

لو اجه الليل ويجلجل..تنام وياي على صدري
واحلم وياه على طولي..اطول كل ماطال عمري
واكعد من الصبح بيه..لاان هيه اصبحت قدري
اكل اللكمه واعاين..خايف ومنشده فكري
هي حلمي بالحيات..ودموعي الساكبات
هي حبي للامينا

صار القطعه علامه..وصارت الحلم الجبير
هي دمي هي روحي..هي عنواني الاخير
احتفظ بيه وي جفني..لو كرب يوم السعير
تمشي وياي بحياتي..وين مااروح واسير
هي سبل للنجاة..وحنوطي بالممات
ووساده للجبينا

صارت القطعه قضيه..وهي عنواني وشعاري
وهي روحي اللي اعزه..هي مسكن هي داري
لاان بيه انكتب جلمه..وهذي الجلمه قراري
لازم انصون الامانه..ولازم الينوخذ ثاري
ياقتيل العبرات..نحن جئنا للطغاة
يالثارات الحسين

اخوكم
ابو علي السعيدي

ابو علي السعيدي
04/02/10, 11 :25 11:25:19 AM
يالرايح لحسين اتزوره ..والرايه بايدك والصوره
زوار احنه ومتعنين ..ما همنه اشما جار البين

يالرايح لحسين اتزوره
يالرايح لحسين اتزوره ..واسي الزهره ابممشـاك
من توصل تدخل للحضره.. احضنه وادعيلي ويـاك
خطواتك كلهن محسوبه.. وخطوات الجمع الباراك
ماي الكرار ايشربنه.. مـن حوضـه البجنـه اهنـاك

يشربنه الماي الكرار.. وتتلكه الزهره الزوار
وهنانه اتضحت هل الصوره
الصوره اتضحت للزوار ..عن احسين وعن عبـاس
راحـت حفـاي وتشكلـيـه ..وبلهـفـه اتعـنـت هالـنـاس
تواسي الزهره بهذا الموعد.. من رد السجاد الراس
ولو كطعوا جفيـن العنـدي.. ولـو نبقـى باخـر انفـاس


انحب احسين انضحي ارواح.. وماهمنه الواحد لو طاح
وما همنه الطاغوت وجوره
لو كطعوا من عدنه جفوف.. اليوم انطب الحضره انطوف
ماردنه العسكر والظالـم ..ومـا نرجـف مـا ردنـه الخـوف
حب احسين السودن حالي.. وتتعنــــــه الزوار اصفـوف
هـذا بـحـك حسـيـن اشـويـه.. ولــو نتكـطـع هــم بسـيـوف


اشكد اتحملنه احنه وشفنه.. كطعنه الظالم ما خفنه
لبن الحافظ احسن جوره
حب حسين الساكن روحي.. ونتعنه الزهره انواسيهه
بمصاب العباس وزينب.. ومصاب الزهـره الماذيهه
نكطع ممشه الدرب بليل ..ومـا همنـه الحـر وذاريهـه
مشـايـه وملهـوفـه لــدرب.. زوارك انـــت التحمـيـهـه


توكف يوم المحشر النه.. بالحب والود اتقابلنه
نطوف حسين وندخل سوره
يوم الهـول الـراح ايصيـر.. تنكـر كـل راضـع مرضـوع
توكـف كلـه بيـوم المحـشـر.. تنـظـر للـنـاس بمجـمـوع
ايحاكـم ربـك كلمـن ظالـم ..والصـارع مـن المـصـروع
والزهره التوكف وتنادي.. بصوت الواضح والمسموع



الدمعه النزلت لااجل حسين.. عد العتره اكبر دين
والشيعه بيه مسروره


اخوكم
ابو علي السعيدي

ابو علي السعيدي
04/02/10, 11 :30 11:30:00 AM
مانتعب صدك يحسين..خطوات بدربك ماشين
نواسي الزهره والكرار..يالدربك درب الاحرار
شتريد تكول الرجلين

مجنون وحبك جننــي ... يحسين وتية افكـــــــاري
مشاي وجيتك متعني ...عفت اعيالي وناسي وداري
يالحبك ممزوج بروحي ... وي اهواي ودمي الساري
مو حكي اتخبل من حبك ... وانته العالم وانته الداري

يشاهد هالممشه المختار..ويشوف اجموع الزوار
مشايه التمت صوبين
شفت الرايات المرفوعــه ... كل واحد لازم فد رايه
يرسم صورة حامي الواهه ... عــــباس وجفينه وايه
عاهدناك بعهد الفطــره ... ومانترك درب المشـــايه
ومابينه العاجز من عهده ... وكلحنه العهدك وفايه

خل تسمع كل الاشرار..وي حسين احنه الانصار
بايعناه ليوم الدين
كل العالم واكف يشهــد ...هذا الموقف صوت وصوره
خل يفتح صفحه ابتاريخه ... ولايهملنه ويملي اسطوره
اول جمله واول كلمـــــه ... انحب حسين وجينه انزوره
والثاني نموت ومانوفي ... الاجساد الراحت منحـــــوره

شما تقسه علينه الاقدار.. بالليل ولو صار نهار
وتكحله ادموع العين
هذا الممشه ايجسد عبره ... كل حر لازم ما ينساهه
يذكر زينب ذيج الحره ...ويذكر سبيته و ممشــاهه
واخوتهه الظلــو عالغبره ... عافوهه ومحد وياهـــــه
والطفله الماتت بالغربه ... وايتام الظلت بحماهـــــه

من نوصل احنه الثوار..نتمنه وياهم بالدار
لاانصار حسين السبعين



اخوكم
ابو علي السعيدي

ابو علي السعيدي
11/02/10, 06 :43 06:43:11 AM
بسم الله الرحمن الرحيم
السلام عليكم ورحمة الله وبركاته
لذكر استشهاد الرسول الاعظم محمد ( صل الله عليه واله وسلم )اقول؟؟


اليوم السمه حزنانه..لفكد النبي ويانه

اليوم السمه تبجي ادموع..امكدر الكون ومفجوع..والكلب هايم مصدوع
وظلمه اصبحت دنيانه

مظلم تصيح الزهره..تبجي وتكته العبره..بالونه نوبه بحسره
وانهدم سوري اركانه

انهدم سوري يالسمه..من رحل راعي الغانمه..سيد الرسل والخاتمه
سيد الرسل بجانه

سيد الرسل فراكك صعب..لكل مسلم موالي ويحب..يادنيه بيج من العجب
من حضرت الدفانه

حضرت ملائكة السمه..وياهه حماي الحمه..اتعزي هيه فاطمه
وكفت على بيبانه

وكفت تشيع موكبه..وللنبي بحسره تعاتبه..وياك روحي ذاهبه
للكبر جي هيمانه

للكبر واحنه بحماك..ماخاب والله اليرجاك..من يرفع ايده وطلباك
مااظن واظن تنسانه

مااظن واظن بعدك نحب..ياخاتم الرسل انكتب..عالوح اسمك موعجب
واسمك يظل عنوانه

عنوان كل مسلم ابي..يشهد صلاته بالنبي..العتره هيه مطلبي
وصله عليه بااذانه

واجب صلاتك يالبشر..اسم النبي من ينذكر..بالشده جانت لويسر
وعالعتره صلي ويانه

اخوكم
ابو علي السعيدي

ابو مهند النجفي
19/02/10, 03 :18 03:18:04 AM
بسم الله الرحمن الرحيم،،
اللهم صل على محمد وآل محمد وعجل فرجهم الشريف وأهلك أعدائهم في الدنيا والآخرة،،
السلام على الحسين وعلى علي إبن الحسين وعلى أصحاب الحسين وعلى أولاد الحسين،،
السلام على النحر المذبوح، السلام على القلب المجروح، السلام على الجسد المطروح،،
اخي العزيز الغالي ابوعلي السعيدي
احسن الله اعمالكم وطيب الله انفسكم
بارك الله فيكم وجزاكم ربي ألف خير بحق محمد وآل محمد الطيبين الطاهرين صلوات ربي عليهم أجمعين،،
لاحرمنى الله منكم ايها الولائيين وأسأل الله العلي القدير ان يمن
عليكم بالصحه والسعادة ..
لا حرمنا الله من روعة تواصلكم انتم اهلا لهذا التواصل الحسيني

راجيا لكم النجاح والتوفيق الدائم انشاء الله ،

مولاي سلامى الى نفسك الطيبة ....

تقديري،،

ابو علي السعيدي
28/04/10, 04 :07 04:07:16 PM
بِسْمِ اللهِ الْرَّحْمَنِ الرَّحِيِمِ
الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ
لسيدتي وسيدة نساء العالمين من الاولين والاخرين( فاطمة الزهراء) (ع) لااستشهادها اقول؟؟


ايها الباغي علينا..نطلب ثارا ودينا
اين عتبه والوليد..اين شمر ويزيد
نطلب ثار حسينا


لاحت من ابعيد رايات النصر
واقترب يوم القــيامه والفجر
تطلع الزهراء في ذاك الحشر
تحاكم الظلام واصحاب الغدر

بعد جهد وجهيد...نكسر الانف العنيد
تطلب ثار السنينا

بالجموع ايدور هالصـــمت الرهيب
تنعرض قصة العـــــــــــتره للحبيب
الوجوه محيــــــــــــره ولامن مجيب
ينادي صوت من السمه ايا الغريب

يظهر السبط الشهيد..يظهر الحر السعيد
يظهر الهادي الفينا



الوجوه الســوده توكف بالحشر
من ابن ســـــــيفان وايزيد الكفر
وحرمله واسنان والخول وشمر
ذوله اشرار الخلــيقه بكل عصر

غير حكم لانريد..نحن للذكرى نعيد
هذا ضربات يدينا

القصـــــــاص العادل بهذا الزمن
تنصب محكـمه كبرى بهل الوطن
الف شمر وحرمله ونفس الجفن
حكمو الشـــــــعيه لاشرع وسنن

الف كلا يايزيد...اليوم قد حان الوعيد
نطلب ثار ولينا


سيرة الاخيــــــــــــار تبقه خالده
شما جره من جور اعليــه وسده
والظلم لابد غـــــــــــــــيم يبدده
والحسين الضــــحه باولاده فده

قال كلا للعبيد...نسل مرجانه العتيد
نحن للدين وفينا



اخوكم
ابو علي السعيدي

ابو علي السعيدي
28/04/10, 04 :14 04:14:22 PM
بسم الله الرحمن الرحيم
السلام عليكم ورحمة الله وبركاته
لمناسبة استشهاد الطاهره فاطمة الزهراء (ع)
ابيات لسان حال الامام علي (ع) يرثي الزهراء(ع) اقول





تموت الناس ماتوصـــل..لحده
ويضل غايب على العالم..لحده
صاح بصوت هالونــــه...لحده
واصيح بصوت وينج يالزجيه

اصيح بصوت يم الحسن...واني
برحيلج صدع بالــدلال... واني
انتي للكــبر ترحـــــين...واني
اظل اخلافك بهم واذيه

اظل مهموم طول الدهر...بالراح
واكوم افرك دموع العين...بالراح
بعدج لاهنه ونعـــــــيش..بالراح
اكظي عيشتي بهم الزجيه



اخوكم
ابو علي السعيدي

ابو علي السعيدي
28/04/10, 04 :21 04:21:52 PM
بسم الله الرحمن الرحيم
السلام عليكم ورحمة الله وبركاته
(علي وياي)


اشيل الحـــــــــــمل ماذبه...علي وياي
اصيح بصوت من انهض..علي وياي
اخوي ومن علـــــيت انه..علي وياي
طحت ماكال ريت البيك بيه



اخوكم
ابو علي السعيدي

رئيس التحرير
28/04/10, 04 :51 04:51:53 PM
السلام عليكم
الاخ المحترم ابو علي السعيدي حياك الله
ابوذيات جميلة تصف بها بعض احزان امير المؤمنين برحيل الزهراء صلوات الله تعالى عليهما
اسال الله ان يجعلها في ميزان حسناتك
احسنت كثيرا

ابو علي السعيدي
04/05/10, 06 :13 06:13:31 PM
الاخ الفاضل
رئيس التحرير المحترم
مروركم واطراءكم الجميل اسعدني
وفقكم الله لخدمة خدام الزهراء(ع)
تحيات
اخوكم
ابو علي السعيدي

ابو علي السعيدي
06/06/10, 04 :52 04:52:11 PM
بسم الله الرحمن الرحيم
السلام عليكم ورحمة الله وبركاته
الاخوه الافاضل

بيت ابوذيه(ماشاك)



الحط ايده بيـــــــــدك جذب...ماشاك
تشك بالناس كله وبيـــــه...ماشاك
السهم بجلاك ليش اتكول...ماشاك
تكابر لو تظم جرحك عليه


اخوكم
ابو علي السعيدي

ابو علي السعيدي
15/07/10, 10 :36 10:36:46 AM
بِسْمِ اللهِ الْرَّحْمَنِ الرَّحِيِمِ
الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ
كَلُّ عَامٍ وَأَنْتٌمْ بِخَيْرٍ وَأَسْعَدَ اللهٌ أَيَّامِكٌمْ، وأَعَادَهٌ عَلَيْنَا وَعَلَيْكٌمْ بِالْخَيْرٍ وَالْبَرَكَة
بمولد الامام العباس (ع) اقول؟؟

نادت كل هلي...يارايــــة علي

عباس...عباس..عباس


سبع الكنطره..ام الطاهره..يابن حيدره..الهم ينجلي

لاوت المحن..سور وللوطن..رغما عالزمن...دوما تعتلي

اليوم بمولدك..جينه نعاهدك..عيوني تشاهدك..يانعم الولي

نعرفت خوتك..زينب نادتك..هاي رايتك..راية كل هلي

من يوم انولد...باســــه بالمهد..وفه بالوعد..لحيدر علي

وفه خوته..وصان اولايتـــــه..يوم النادته..زينب تنتخي

ناده عالعده..صوت وي الصده..حادينه الحده..كافل محملي

فرحان البلاد..وباارض السواد..تدعي هالعباد.. كل هم ينجلي

شبلك حيدره.. احنه اناصره..اليوم نعطره..نهني الوصي

اخوكم
ابو علي السعيدي

ابو علي السعيدي
15/07/10, 10 :44 10:44:35 AM
بِسْمِ اللهِ الْرَّحْمَنِ الرَّحِيِمِ
الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ
كَلُّ عَامٍ وَأَنْتٌمْ بِخَيْرٍ وَأَسْعَدَ اللهٌ أَيَّامِكٌمْ، وأَعَادَهٌ عَلَيْنَا وَعَلَيْكٌمْ بِالْخَيْرٍ وَالْبَرَكَة
بمولد الامام العباس (ع) هوسات اقول؟؟

ياكمر الهواشـــم تجوة الخوان
ياسبع الصميده بطل بالميدان
يافخر العرب يامرهب الفرسان
يمفرك اصفوف وهازم الجيمان

بجفوفه مكتوبه الخوه

اول ماانولد انبــــــــــاسن الجفين
مروي هالحديث وصار حفنه سنين
ابو فاضل عجيد وحامل لواء حسين
وانطه وي الجــــــفوف لخوته العين

وانطاهه وي جفه الرايه


انزف التهاني اليوم والبشره
وهاي امة محمد تهني الزهره
وتهني الصميده وقائم العتره
بميلاده علكنه الزينه

من يوم الفحل ثبــت ودك الساس
كال الغيره موجوده وبنص الراس
جسد هالمـــــــعاني وشالهن عباس
وبيومه اتحزم بيهه

الغيره وخوته انولدن فد يوم
وبلغ حيدره اهله وكل الكوم
باس اجفوفه ليكدام للمعلوم
وي الرايه من باس جفوفه

اهتز العرش مبـــتهج بالطيبين
جفن انولد من صلب ابو الحسنين
سبع الكنطره ومـــــشكر الجدين
للخوه ساس وتجايه

ام البنين استبـــــــشرت كل خير
من سره الوصــي بالكمر راح يصير
ومن عكب الجفوف اجناح بيه ايطير
يفديه لحسين جفوفه

يروي عن خـــــــــــــــــبر بيه انساب
لمن خطب امه واعــــــــــــــتنه خطاب
كال الرؤيا معروفه وفسره داحي الباب
بلغوهه الرايه بجفه


من انولد شعـــــــــــــت اقمار اثنين
واحد على الارض والثاني شوف العين
محتاره البشر وانذهـــــــت الصوبين
محتار ياهو اللي تشوفه







اخوكم
ابو علي السعيدي

ابو علي السعيدي
23/08/10, 05 :52 05:52:05 PM
وحك اللي فرض خمسه..علينه
الشفاعه ننوله بحيـــدر..علينه
شما هــــمه علو عالي..علينه
وابدا منطيح جي بينه الزجيه




اخوكم
ابو علي السعيدي

ابو علي السعيدي
26/01/11, 08 :20 08:20:32 AM
خل نعزي فاطمه بالاربعين
نعزي وياه الحره ام البنين


خل نعزي فاطمـــه وام الكمر
ممشه كون انروح ونشوف النهر
شلون طاح الجود والجف انبتر
وخل نصيح بصوت جين يالحسين
خل نصيح بصوت ياراعي العلم
احنه من جينه يحمــلنه الالم
نذكر امصابك وياظلم الســهم
والدماء تسيل من فيض الجبين
الدماء تسيل من بيـت الرسول
هدرو الظلام دم ابن البــتول
ارتوت كاع الطفوف من الجتول
يوم صاح حسين لا ناصر معين
يوم ضل احسين وحده بكربله
وي هالظلام ذوله اهـل البله
وراحت الحوراء تحدي القافله
وتنظر السجاد مجتوف اليدين
تنظر السجاد وعيونه التهل
ينسبي للشام بظهور الهزل
بيه حل الظلم وعليهم جتل
بس الاطفال ونسه وصوت الانين
بس الاطفال ونسه وياهم عليل
وزينب عالنوك تصرخ يالكفيل
وتلفت وتصيح ياحامي الدخيل
احضرنه بشده ياعين اليقين
احضر النه بشــده طحنه ياعلي
ترضه يكرار اهـــــلك تنولي
وترضه شمر الخنه يحدي محملي
ترضه يابويه يذبحون الجنين
ترضه يابويه يذبحون الطفل
ناس لاذمه عده ولا ؟اصل
دخلو التاريخ من هذا الفعل
طالبو بالصار كل ذيج السنين
خادم اهل البيت
ابو علي السعيدي

ابو علي السعيدي
26/01/11, 08 :29 08:29:01 AM
بسم الله الرحمن الرحيم
السلام عليكم ورحمة الله وبركاته

قصيدة ياحزن الله



ياحزن الله..ياحزن الله

هذا حسين على الغبره..مهمومه تنوح الزهره

ياحزن الله


ابني ويادم بشرياني..ومصابك حيل الاذاني


والموقف بيه الهزاني..وتغلغل صار بوجداني


صوت الحوراء..ياحزن الله


وعيوني المانامت ساعه..مهمومه مثلي وملتاعه


من شافت عالنهر اذراعه..ولاوكفت من صار وداعه


تصيح الزهراء..ياحزن الله


الغوث الغوث من الصاير..من دار عليهم ماداير


واتفلت بس سوط الجاير..والسجاد عليل وحاير


صاح النداء..ياحزن الله



شنسولف اكثر عالجاري..بعيونه ينظرنه الباري


يتكمل لازم مشواري..وبهايه جزء من اسراري


صوت السماء..ياحزن الله


زينب ياربي تناجيكم..بالشيعه هيه توصيكم


للهل دمعاته عليكم..بالعتره شوصه واليكم


همه الرحماء..ياحزن الله


ايام وراحت وياهم..اخواني وشلون انساهم


بالجنة التضوي اسماهم....والكافر ريته يبلاهم


بهذا البلاء..ياحزن الله



خادم اهل البيت
ابو علي السعيدي

ابو علي السعيدي
26/01/11, 08 :34 08:34:03 AM
بسم الله الرحمن الرحيم

الحمد لله الذي جَعَلَ الْحَمْدَ مفْتَاح اًلذِكْرِهِ وَخَلَقَ الأشْيَاءَ نَاطِقَةً بحَمْدِه وَشُكرِهِ

وَالصَّلاةُ وَالسَّلامُ عَلى نَبِيِّهِ مُحَمَّدالْمُشتَقِّ اسْمُهُ مِنْ اسْمِهِ الْمحْمُود
ِوَعَلى آلهِ الطَّاهِرينَ أُولِي الْمَكارِمِ وَالْجُوِد










خل نعزي فاطمه المهمومه
ونلبس اسود للحسين ويومه


خل نعزي فاطمه بهذا المصــــاب
وزينب وكلثـــــــــوم وياهالرباب
ورددو وياي وانطــــوني الجواب



انعزي امك يالولي المالومه

انعزي امك واحنه الكم ســائرين
واصبح الشيعي عنوانه الحسين
انواسي الكرار وي ام البــــــنين



ياذبيح وحلوه تزهي ارسومه

ياذبيح الدين يالبــــــيك الثباة
قارعيت الجورواركان الطغاة
ياسيفنة نوح يالبيـــك النجاة



يانجاةالامه المظلومه

يانجاة الناس يالبيـــــــك الخلاص
اعتنت الاف ماهــــــمه الرصاص
شما كثر بينه يمــولاي القصاص



لاان حب حسين احنه نرومه


لاان حب حســـــين جنن بالالوف
كل سنه تنعاد ولكبــــــرك نطوف
وندري بالزهره موجوده وتشوف



هايزوارك اجت للحومه

هاي زوارك اجت بالاربعــــــــين
كله لهفه وشوك متعنيه الحسين
والوجه حزنان بس تهمل العين




تواسي الزهره البقت مندومه



توكف الزهره تتــــلكه اليجي
تنتظر زينب ترد من الــسبي
يحضرالكرار والهادي النبي



يالموالي اسمع المعلومه



يالموالي اسمع اشــكال الرسول
الواله حيدر واله الزهره البتول
والتقبله الزهره مكفول القبــول



بالف حجه تنحسب وي صومه


بالف حجه تنحسب الزارك مشي
ويلكه نبع الحوض يم حيدرعلي
تختمه الزهره ويختــــــمه الولي




وباسم حيدر ورقته مختومه






خادم اهل البيت

ابو علي السعيدي

ابو علي السعيدي
26/01/11, 08 :36 08:36:30 AM
بسم الله الرحمن الرحيم

الحمد لله الذي جَعَلَ الْحَمْدَمفْتَاح اًلذِكْرِهِ وَخَلَقَ الأشْيَاءَ نَاطِقَةً بحَمْدِه وَشُكرِهِ

وَالصَّلاةُ وَالسَّلامُ عَلى نَبِيِّهِ مُحَمَّدالْمُشتَقِّ اسْمُهُ مِنْاسْمِهِ الْمحْمُود
ِوَعَلى آلهِ الطَّاهِرينَ أُولِي الْمَكارِمِوَالْجُوِد










خل نعزي فاطمه المهمومه

ونلبس اسود للحسين ويومه


خل نعزي فاطمه بهذا المصــــاب

وزينب وكلثـــــــــوم وياهالرباب
ورددو وياي وانطــــوني الجواب






انعزي امك يالولي المالومه



انعزي امك واحنه الكم ســائرين

واصبح الشيعي عنوانه الحسين
انواسي الكرار وي ام البــــــنين






ياذبيح وحلوه تزهي ارسومه



ياذبيح الدين يالبــــــيك الثباة

قارعيت الجورواركان الطغاة
ياسيفنة نوح يالبيـــك النجاة






يانجاةالامه المظلومه

يانجاة الناس يالبيـــــــك الخلاص
اعتنت الاف ماهــــــمه الرصاص
شما كثر بينه يمــولاي القصاص






لاان حب حسين احنه نرومه



لاان حب حســـــين جنن بالالوف

كل سنه تنعاد ولكبــــــرك نطوف
وندري بالزهره موجوده وتشوف






هايزوارك اجت للحومه

هاي زوارك اجت بالاربعــــــــين
كله لهفه وشوك متعنيه الحسين
والوجه حزنان بس تهمل العين






تواسي الزهره البقت مندومه



توكف الزهره تتــــلكه اليجي

تنتظر زينب ترد من الــسبي
يحضرالكرار والهادي النبي






يالموالي اسمع المعلومه



يالموالي اسمع اشــكال الرسول

الواله حيدر واله الزهره البتول
والتقبله الزهره مكفول القبــول






بالف حجه تنحسب وي صومه



بالف حجه تنحسب الزارك مشي
ويلكه نبع الحوض يم حيدرعلي
تختمه الزهره ويختــــــمه الولي




وباسم حيدر ورقته مختومه





خادم اهل البيت


ابو علي السعيدي

ابو علي السعيدي
26/01/11, 08 :40 08:40:41 AM
ق

بسم الله الرحمن الرحيم
السلام عليكم ورحمة الله وبركاته
عظم الله لكم الاجر بمصاب ابو الاحرار سيد الشهداء الامام الحسين ع واهل بيته واصحابه المنتجبين؟؟ليس لي في هذا اللون من الكتابه ولكن هي مشاركه مع اخوتي وليعذرني من يجد فيها بعض الاملاءيات لااني كتبتها الان وليدة اللحظه؟



قم للغريبه..امست سلبيه

في كربلا..في كربلا


هذي المصيبه


قم ونادي.. كل البوادي


اجعل فؤادي..انت طبيبه


نادي حسينا..عهدا لدينا


لك اتينا..نحن الشبيبه


عهدا مضينا.. واجب علينا


نندب حسينا.. عند المصيبه


صاحت ونادت..الارض ماجت


عليك ناحت..انت حبيبه


ربك قائل..انك حامل
تلك الخصائل.. كثرا عجيبه



شر البليه..نسل اميه
شمر الدعيه..حاله رهيبه



نفسا زكيه..بنت الزكيه
حامي الحميه.. الحره االغريبه




خادم اهل البيت

ابو علي السعيدي