الدمعه الذليله

[ياسين حردان الساعدي]

دمعن والدمع لو طاح بسمار= حفر خدي ونزل يضحك عليه
ومن شاف الدموع بعيني طشار=هلهل شامتي وطش واهليه
يفضحني الدمع وادري الدمع عار= امسحه شلون يطبع بين اديه
دمع الذل وشم ماينمحي اثار = مثل السطره تمحيه التحيه؟
رصع يچوي لهب يتجادح بنار = ورث ماطفه وناري سريه
تبخر ضيم گلبي ومايه هل فار = ترس عيني نده ونگط اذيه
ظنيته دوه وادريه جمر حار = وهم شايف جمر يصبح شفيه ؟
دواي ّشلون جمره والگلب صا ر=جرح يفتگ جرح طگن دميه
الدمع ماي وملح ماطيب الجار= وجروحي دواها تعرفه هيه
دوه الدمعه الذليله سنون منشار = يحش العين يگطع نفس ريه
عيوني من تهل تتكشف اسرار = وكل دمعه تخضر جروح ميه
الرمش خليته حارس عيني الدار = سرب دمعتي وخان الوصيه
واگف رمشي ساهر سيف بتار = بس ياحيف يعطش على اّميه
سلت نخل يحفر بزز يحفر امرار= دمع ودموم يشربهن سويه
ينگع يرتخي يلزگ بالاكتار =فوگ عيوني يتوسد المنيه
اذا ناطور رمشي والي غدار=أأمن بيش بجفوني الرخيه ؟
مثل الي يأمن جبنه عد فار =هذا الي جره وصار بيه

[ياسين حردان الساعدي]

صوت صوت وصوت ميز هذا صوت = صوت مهوال بعراضه ومافحط
دور دور ودور رحه ومن تدور= اطحن برحاك وگرطهم گرط
شمر بيمناك سرفن بالذراع= لاوي من لاواك ومعطهم معط
حيل حيل وحيل حبلك شده حيل =چتف العاداك وضبطهم ضبط
چتاف چتف والحبل جنب جديد= مايحوس الحاس وسفطهم سفط
آيد أيد بآيد ومخالف ادين = رجل ويه الآيد وربطهم ربط
صيد يل صايود يل صيدك شليف = الطار طار وتاه ميت من يحط
مدرع وتفاگ ماتخطي وتنوش = مفرد وصليات لاگطهم لگط
آرمي رميك والرمي نيشان كون = جيس يل جايوس بالهامه شرط
فاله والشاخات تـنحد بالزماط = بالركس چـتال وشحده اللبط
حمري صيدك معـتـني العـنگر تـلوح =ساحگ العربيد خابطهم خبط
حوف يل حايف ظلام بليل حوف = مزارگ الچيلات وضبطهم ضبط
الخيل خيلك وانته خيال الظلام = تخورس النباح وتعري الزمط
النافسك خسران يعـثر بالخيال = آمجرح ومدحور من كثر السمط
نار كبره وتشتعل ماتطفه دوم = بريح ذم عداك حاسبهم نفط
آتبختر بممشاك لتعاين وراك = بهيده مامسبوگ واليركض فحط
فحطوا الركضو وراك وتيهوك = شعيط ومعيط وصفوا كلهم شطط
مسودن بحب الحسين وادري بيك= شلون ينلام الذي عگله انشخط
جبل عالي وكاسر رگاب اليشوف= عبقر الوديان وشحده الهبط
الذنب ذنب عداك مو ذنبك حشاك= العيله عل العايل علل تنزل سخط
كاشف اللافح والحچيه سراب = فاضح الچذاب صارطهم صرط

[ياسين حردان الساعدي]

فرفحت روحي وتحشم چفوفها = تريد تلطم على الصدر لطفوفها
للطفوف تريد تلطم ماتهيــد = تــاخذ العبرات تستلهم مـزيد
مغفره وايمان وتحصل اكيـد = رضــا رب الكون يوم احتوفها
فرفحت روحي وتريدزيارتــك = من الصغر روحي تنوح لقصتك
فطره حبك نهج نمشي بثورتك = والشهاده تفوح تزهي طيوفها
يا ابوعبد الله خلصـت مهجتي = مـا اظن ارتاح وحدي بغربتي
بجـاه ربك اجتمع ويه اخـوتي = الغـربه ذبحتني ذبح بسيوفها
يـا ابو عبد الله يارمز الوفـاء = انتـه عنوان الشهاده والولاء
انتـه ثوره وانته عبره للفداء = فخر لثوار عزم جودهــــا
فرفحت روحي لدرس يوم الطفوف = بيوم صاح حسين وينچ ياسيوف
ياسيوف اخذيني مااريدن اشوف = دين جـدي يصـير بين اصلوفها
صلف وابن اصلاف قّتـال النفس = طــاغيه وخمار وايامه انـس
بالاصل معروف من اهل الرجس = جْده ابو سفيان شر اسـلوفها
جده ابوسـفيان وكّالت كبــد = هلهت للحرب من صـارت احد
حشمت احزاب ويه اهل الحقد = ورفعت الاوثان بين اصـفوفها
رفعت الاوثـــان نادت للكفر = داعت بثــارات قتلاها ابدر
بالوليد وعتبه وبشيبه القــذر = وّرثـت هذا الحقد لحفودها
توارثوه الحقد من ولد لــولد = عادوا اهل البيت نقضوا بالعهد
شرذمه واجلاف ماعدهم وعد = وردابن وهاب عاد اسـلوفها
لشوكت ترضع حقد ياناصبي = مبغض اهل البيت احفاد النبي
مايفيدك عمــــل الا تهتدي = للولايه الواضحه ابمعروفها
حسين سبط المصطفى وهذا يزيد = مااقارن بس اسائلك يل تريد
هذاابن ملعون بكتابه المجيد = بغي امه الرايه حمر اعلومها
هذا ابن انعل بشر واخبث صلب = نجس من انجاس وانجس من جلب
اقراء بالتاريخ دقق بالكتب = امه تضرب بالمجون دفوفها
بالآله اقسم علىاليصغي السماع = شلون هذايسودعلىالناس ويطاع
نصب الفساد والصفوه جياع = والخدر سوطه طبع بچتوفها
لاتلوم الشيعه لو تلطم صدر = لو تدگ زنچيل لو هامه تطر
غير درب حسين مايسوه العمر = كعبه گبته الشيعه طوف اطوفها
كعبه گبته ومانزل عنه ابد = حسين ثار الله الواحد احـد
لاجله نفدي الروح ونضحي الولد = جنة الباري بحضرته انشوفها
بجنة الرحمان كل شيعي انوعد = ولآن عدنه حسين وعراق البلد
ولآن شيعه الروح ترخص من نهد = بالغدر عدوان زاد اصنوفها
بالغدر عـدوان زادوا والبلاء = فجروا بغداد قصفوا كربلاء
اطفال رضع والشباب وي النساء = تقطعوااشـلاء سال دمومها
يانسل وهاب ولد الطلقـــاء = بضلمة التاريخ عشتوا والخفاء
باسم شيعتنه اسمعوا هل النداء = دم ضحايـانه ابد مانعوفها
آرد اسائلك يلي نفذت القبح = بياعرف يادين مسلم ينذبح
عار فعلك هذا دومك منفضح = عــار كل افعالكم وظروفها
لوتدمر لو تفجر مايفيـــد = عن طريق حسن لاتصدگ نحيد
اشما يزيد اجرامك علينه نزيد = للتعازي نزيد ضعف اضعافها
الشيعه من تلطم صدر تحيي المصاب = ومن تدگ زنجيل ماتقصد عذاب
تلطم وزنجيل تطبر للثواب = بالشـــعائر تمحي كل ذنوبها
بصوت ياسين الرميثاوي المجيد = بالضماير ياحسين نصيح ونعيد النشيد
كلنه شيب وشاب حافظه الوليد = حجي محي الدين صاغ حروفها
گبل گلنه ونضل نهتف بالحنين = لوتگص اجدامنه وتگطـع ادين
زحف للمرقد نزورك ياحسين = وركضت طويرج زادازحـوفها
فرفحت روحي وتحشم چفوفها = تريد تلطم على الصدر لطفوفها

[ياسين حردان الساعدي]

مانقيس حسين مثل الثائرين = حسين بالمقياس افضل من نبي
كل نبي يتشرف باسم الحسين= اتمنه بالطف طفل رايح منسبي
ومانقيسچ كربله مثل المدن= انتي ثار الله بيكم مختبي
ارتجت الاكوان من گال الحسين= بدمي اثبت ديني احقق مطلبي
ياسهام بجسمي اثبتي اچنگلي = يارماح بوسط گلبي اتعبعبي
وياسيوف اخذيني بالموت الحياة = بموتي اذبح قاتلي ومعذبي
بوصف طفك حارت ارباب العقول= تگول بالطف كون انصب مكتبي
الوصف تيه وصف بطل ماوصف= يگول طف حسين اعلى مرتبي
گعد تلميذ الوصف عندك درس= لحرف لاءك يامعلم يصتبي
تخجل الثورات من طف الحسين= گبال اخت عباس تتگبع عبي
الانس ويه الجان تندب ياحسين= الكون يندب مشرقه والمغربي
والسموات السبع تندب حسين= بس ندبته حسين عباس الآبي
يصيح ياعباس ظهري وبيك اگوم= انته اخوي وسند ليه وصاحبي
وندبت العباس لو شد على الجيوش= اخو زينب انه ياحيّ مندبي
فنه تدنه الخيل يمي اتورطت= والله راسه راكبه الغبي
افتخر بيك الدين وبدمك ثبت= ومفخر الاديان اصبح مذهبي
ياكريم الكرم وي جودك يضيع= مثل ماضاع ابمدينه الاجنبي
اخرس واطرش ولايقره ويشوف= الكرم صار مگرم ويحبي حبي
ياكريم الرد فضل حتى السماء= گال ماي نزلتي اصعدلچ دمي
ياكريم الشاف عطشانه السيوف = فتح نحره وگال ياسيوف اشربي

[ياسين حردان الساعدي]

الى كل الذين عاثوا بالعراق خرابآ ودمارأ اقول هذه القصيده
شكـْت يالهي الناس بالمذهب= حارتْ ضـّيعت ماتعرف المطلب
شكـْت والاجـتـنه افكار مـدري منين = يوميه فكر على الناس يتجرب
عرجان الفكر اميه نص لسان= وكله تگول احنه السيف المجرب
زرازير وتعلت فوگ راس نسور= والسرحان دوبح والاسد حدب
طعـنوا بالعـقيده ولعبوا بهل الدين = والسفاح وحده يصول بالملعب
الف شعيط يحتج يضد الف معيط= لاحجه ودليل واللچذب انسب
موذنبك ولك يشعيط يبن معيط= ذنب الناس هاي تصدگ المقلب
سياسي ودبلوماسي وتحچي بالقانون= خيرك ماشفت بس حچيك ملبلب
كل ساعه بشعار وبوق ينفخ بوق= فارغ دوخه بوخه مطعج منگب
لاتنفخ ابوقي مزنجر ومطموم= تنط وتختنگ زبادك يگبگب
بساميرك جَلب لاتزرف الحيطان= الحايط ملك ابوك بكيفك تخرب؟
من كثر الصور ضلت العين تشيه= ياهو الي حمامه وياهو منهم ضب
ماشوفن صور ملزوگه على الحيطان= چن صدام رد بحقد متنگب
عراقي ودمي حار شلون عندي نعال= ارگعك بيه رگعه وصورتك تخرب
لاتگلي عروبه ودين بس ارهاب =اعرفهن هذني بغيرهن العب
كل حچيك سراب وكل صدگ مابيه= مثل الماي فوگ العلوه من ينچب
تشوف حسين حچيه والشمر افعال= ووًيه ابليس گاعد ياكل ويشرب
وي ثوب الگصير تنام تاكل ليش= ومحزم معاه اموزر مشرشب
انه حسين مني ومنه ابن زياد= ويزيد شلون ويه حسين يتحبحب
صحيح انه الفكر والنهج اهل البيت= وهم شايف صحيح يعاشر الاجرب ؟
بسك ماكفاك الصار والسويت= ماتسمع دموم اطفالنه التثغب
لو العب وياك وانه كل الزين= كافي من عرفتك بعد مالعب
ادري منين اجيت بيا ضلام الفيت= والموطن اعرفه ووين تدرب
اجيت مفول ومشحون عالي الگيج= يجي يوم وتچسي والشحن ينضب
ساعته اگص لسانك الچذاب= وعلى گصتك اعلگه يلولح يذرذب
مراجعنه اسكتت مو جبن لا والله= بس تعرف وكتنه الصبر يطلب
بس تعرف وكتنه الصبر يطلب

[ياسين حردان الساعدي]

بـطـرگ ثـوبـي اصـبـحت مـادنگت هـام
ولا فـــديــوم روحـــــي لــنــذل خــــاوت
صــابـر عــلـى الـشـديده بــراس مـرفـوع
ولاايــــــــدي عــــلــــى الــبــيــبـان دگت
ولا فـــديــوم ايـــــدي امـــتــدت لشين
ولا نــفــســي هــوتــلـه ولـــيــه تودت
اگرط بـــا لـحـجـر مـــا گلـــت جوعان
اخـــــاف مــــن الــنــذل يــــوم يـتـشـمـت
امـــســح دمـــــع عــيــنـي وا لـــدمــع دم
وا يــــدي بــــا لــدمــع وا لــــدم تــحـنـت
بـــا لــك تـغـلط وتـمـشي ويــه الا نــذا ل
ا لــصــحــبـه لــلــمــهـا لــــــك دوم ودت
صـلـف كــل الـصـلا فــه بـساعة الـضيج
نـــاعــم لـــــو يـــريــد الــحــاجـه مــنــك
الــنـذل لـــو شـــاف يـــوم تــريـد تنخاه
دفــــاتـــر عـــتـــك يــطــلــع يراويك
ويگلــــــك هـــذنـــي عــلــيــك شـــهــدت
لان طـــبــع الـــنــذل مـايـنـصـح وياك
اذا دنـــيـــا ك يــــــوم ويــــــا ك زلـــــت
الــطــبـع الّـــبــدن مــاتـغـيـره الاكفان
وا لــدنــيـه بــطـبـعـه ا شـــكــا ل راوت
وا لــدنــيـه بــطـبـعـه ا شـــكــا ل راوت

[ياسين حردان الساعدي]

يازارع الخير زرعك بالمكارم حوه
من روض حيدر علي كل لحظه موسم حوه
بالذر بالاصلاب من ادم وامنه حوه
گلبك لشيعة علي ولّلضدهم يهجر
هيهات باطل يود ظالم علنْ يهجر
والگال عن النبي عوف النبي يهجر
انهجره قول وفعل وألايده وساعده
وحتى المعاهم طبگ گلب ولسن ساعده
باهل السقيفه انهدم ساس وسگف ساعده
وشلت يمنه الذي للباب دافع فدك
ونعلعله كلمن عصر ضلع الزچيه فدك
وشتعلت آمه الغصب صادر آرضه فدك
بهيجي حثاله وجيف تاريخنه عفن
الله لنبينه امر يانسوته عفن
واضح (وقرنَْ) امر بديارچن عفن
شنگول على الطوردت شبخت جمل حمره
الماعرگ گصه وخجل لاوجنته حمره
شماراد خل يفعله يسعر لضى حمره
نعثل تنعته امس من مات ابو النورين
بياحظ زلف يابخت يانور يانورين ؟
النورين حيدر ومن فاطمه النورين
واهل الخديعه وغدر باسفل درك عاويه
من شدة الهول بصوات الحقد عاويه
من حد الاول الى ذرية معاويه
افعال ذوله النور من نفس فعل الشمر
وللامني اعلى الشعر شكتب شوضح شمر
كلمن يعوي ونبح مايفيده بس الشمر
نضرب ونرجم حجر هام الذي حوحوه

[ياسين حردان الساعدي]

انشدنچ ياكعبه شلون حجيتي
وگولي شلون سبع شواط فريتي
گالتلي لعلي صحت واجه لبيتي
ها الكعبه بحيدر حجت وطافت سبع اشواط
الكعبه بحيدر حجت وطافت سبع شواط

[ياسين حردان الساعدي]

نشدت العيد عيد الفطر وضحيه
شتحب من طلب وتريد عيديه
گال اتمنه اعيد بالغديريه
ها العيد ابابك واگف رايد عيديه
العيد ابابك واگف رايد عيديه

[ياسين حردان الساعدي]

اذا ام طلگت وتجيب مو صعبه
بس عجبه وعجيبه وعجبت العجبه
مدري شلون كعبه انولدت بكعبه
ها الكعبه بحيدر طلگت وصاحت ياابو حسين
الكعبه بحيدر طلگت وصاحت ياابو حسين

[ياسين حردان الساعدي]

يل الحسن واسمك حَسن ومن الحِسن جنه
جّنينه بيكم عشگ واحلى العشگ جنه
ماشفنه مثلك ملك لاانس لاجنه
يحمل حروف الاسم بس انته بيه سموك
شبر معرب حسن حِسن وكرم سموك
بالنار بيت الذي بسم الغدر سموك
وشيعتك ربحت ختم مرسوم بيه جنه

[ياسين حردان الساعدي]

خط گلبي حيدر علي خط واضح كتابه
والگال بخ وغدر ولبيعته كتابه
خل يسآل امه النغل منهو الذي كتابه
مو مني هذا الحچي طه يسنه سنين
گلب الموالي شمس نور ويشع سنين
من گال آسلم علي والعمر تسع سنين
الاسلام هو علي خط لوحه وكتابه

[ياسين حردان الساعدي]

انشد نچ ينار شلون تچويني
وانه حب الوصي يجري بشرايني
گالتلي الموالي بحبه يطفيني
اسكيمو النار گبالك
اسكيمو النار النار گبالك

[ياسين حردان الساعدي]

آي وبيه يگول اكتبت صنف الدم
غلط هذا التكتبه بدمي انه اعلم
اكتب ياطبيبي وابد لاتهتم
ها اكتب صنف الدم عين ولام وياء
اكتب صنف الدم عين ولام وياء

[ياسين حردان الساعدي]

ناجح بالدروس واخذ الميه
بس درسك يحيدر يصعب عليه
اكمال ورسوب ونقل يوميه
ها بوصفك حيدر راسب طايح بتلاثه
بوصفك حيدر راسب طايح بتلاثه

[ياسين حردان الساعدي]

نشدت العيد عيد الفطر وضحيه
شتحب من طلب وتريد عيديـه
گال اتمنـه اعيـد بالغديريـه
ها العيد ابابك واگف رايد عيديه
العيد ابابك واگف رايد عيديـه

[ياسين حردان الساعدي]

انشد نچ ينار شلـون تچوينـي
وانه حب الوصي يجري بشرايني
گالتلي الموالي بحبـه يطفينـي
اسكيـمـو الـنـار گبـالــك
اسكيمـو النـار النـار گبالـك

[ياسين حردان الساعدي]

اذا ام طـلگت وتجـيـب مــو صعـبـه
بـس عجبـه وعجيبـه وعجبـت العجبـه
مـدري شلـون كعبـه انولـدت بكعـبـه
ها الكعبه بحيدر طلگت وصاحت ياابو حسين
الكعبه بحيدر طلگت وصاحت ياابو حسيـن

[ياسين حردان الساعدي]

آي وبيه يگول اكتبت صنف الـدم
غلط هذا التكتبه بدمي انـه اعلـم
اكتـب ياطبيبـي وابـد لاتهـتـم
ها اكتب صنف الدم عين ولام وياء
اكتب صنف الدم عين ولام ويـاء

[ياسين حردان الساعدي]

ناجـح بالـدروس واخـذ الميـه
بس درسك يحيدر يصعـب عليـه
اكمـال ورسـوب ونقـل يوميـه
ها بوصفك حيدر راسب طايح بتلاثه
بوصفك حيدر راسب طايح بتلاثـه

[ياسين حردان الساعدي]

انشـدنچ ياكعـبـه شـلـون حجيـتـي
وگولـي شلـون سبـع شـواط فريتـي
گالتلـي لعلـي رحت واجـه لبيـتـي
ها الكعبه بحيدر حجت وطافت سبع اشواط
الكعبه بحيدر حجت وطافت سبـع شـواط

[ياسين حردان الساعدي]

افلست ماحصلت ربحي وحلي
وسبگني البلمهد يرضع وحلي
لبس مزيون چنت البس وحلي
تنك ماصح سمل ساتر عليـه

[ياسين حردان الساعدي]

لذيذ الچاي منك بستكانـه
وحلو حچيك حبيبي بستكانه
گلتله شصار لّمن بستكانـه
يگلي الروح طاحت بين اديه

[ياسين حردان الساعدي]

وينك يل چنت تشرك بهمـاي
خلافك ضل يعض نابي بهماي
تعال ارجوك يل شفتك بهاماي
شهد صافي زلال وعذب ميه

[ياسين حردان الساعدي]

عكس دهري بدرب ضليت ضلماي
رمش عيني وگف من كثر ضلماي
اچذب لو گلت بالعيـن ضلمـاي
احس نيران على الوجنـه سريـه

[ياسين حردان الساعدي]

صريح انه وطبع معروف جدي
وحگ امي وابوي وحگ جدي
اصطك لو خزرني وصار جدي
احس شله بلساني تموت اديه

[ياسين حردان الساعدي]

الطبع بيه الخيانه هم اخونه ؟
مهي حسره بدليلي هم اخ ونه
صديقي وهم حبيبي وهم اخونه
لگيته بزادي حط سموم حيـه

[ياسين حردان الساعدي]

التباهه بهدمه حگه يلوگ باها
البه بهدوم غيره يعيش بآهـا
تعيره الناس دوم تصيح باها
علينه هل الفخر هدمك عطيه

[ياسين حردان الساعدي]

طفح تلتل غرامي وشوگ رتل
تذوب الروح بسمه الگلب رتل
مثل راء ولفضني وعمد رتـل
غين اصبحت رغم الابجديـه

[ياسين حردان الساعدي]

د بطل يل تلـوم شبيـك تنـزف
هوت روحي وجروحي دموم تنزف
مثل حره واصيله وغصب تنـزف
لد ثو شايب نـذل والعمـر ميـه

[ياسين حردان الساعدي]

لويـن تريـد يلمحـبـوب وچ وچ
الگلب طيرعلى بابك يـون وچ وچ
غشيم اطرش مسودن حچه ووچ وچ
صعبه شلون افهم هل القضـيـه

[ياسين حردان الساعدي]

شجاعة حيدره ومن نسل يده
ورث عباس واروع مثل يده
على وتلث ائمه الثموا يده
انگطعن حيف يوم الغاضريه

[ياسين حردان الساعدي]

سيف الموت گص چلاي= اخذ مني الاخو گوه

تفرهـد مثل ماي باييد= طاح اطشر بعلوه

إبيابي العـين ضميته= نزل وي دمعتي بهـدوه

حزام الظهر بالكلفات= انيس بساعة الخلوه

من يسكت صدر ديوان = يسولف چنه بندوه

عيونه تسولف الصفنات= اسد وتربع بثنوه

من يمشي عجيد بگوم= جبل عالگاع يتلوه

زين وشهم تاج الراس= اخو ونعم الاخو هوه

عشت لذة حياتي وياه= حياتي بغيره ماتسوه

تصدع گلبی من فرگاه= جام وكسرته حصوه

شبَينه وربينه زغار= خوه مگمطه مروه

من اعثر يسوي ضماد= الها خويه لجروحي ادوه

يهب نسمة عذيبي بصيف= اطيب واشعر بنشوه

مثل عطشان يسگيني= بارد واللبن شچوه

وگفته بساعة الكلفات= دان وبالفشگ دوه

صدگ خوان عدي هواي= بس هذا الي سلوه

هويته بالطبع والدم= دمي بدمه اتروه

الناس اعله الغريب تهيم= شلون الاخو من يهوه

أحد لو سمعته يصيح= بسمه الروح ماتگوه

آضل متبسمر اعله الگاع =ولا امشي بعد خطوه

احس مشلول رجل وايد= سم ونزل بالچلوه

انشغ وشهگ بحرگه= ودورلي علی تچوه

ابچی ودمعتي يبست =صارت بالگلب حشوه

اتبريد وضل مذهول =وعلى الممشه فلا اگوه

اغوص الگاع بيـّه ادور= گاعي والجدم رخوه

الطم واللطم عالراس =راسي من اللطم خوه

تفور حشاي تلهب نار=چانون وتحت عبوه

اجر الآه فوگ الآه=ويه الآه اطوه

يهل الوادم درحموني= دعينوني على البلوه

گوامه وبالحرابه وياي =وكتي وماشفت عطوه

مهو تچوت حياتي چان =راح الچان الي تچوه

راح الذخر راح الحيد =راح السلوه والضنوه

لا ليل اليمرني ليل = ولا صبحي شمس ضوه

ابد ماچنت حاسب هاي =ويه الويه ويهوه

بعد المن يخويه اشكي = ياهو اليسمع الشكوه

محد يعرف بعلتي= بس اللي فگد له آخوه

گمت اصرخ وذب چبود =صرختی بگلبی تتچوه

شخيط والجروح فتوگ =تنزف والالم جوه

لطمت هواي وبچی هواي = نوحي شجاب وشسوه

لا اگدر اعوض الراح =وعّلرده فلا اگوه

يمن تعرفني واعرف بيك =مايحتاجلك نخوه

رجاء وطلب عدي وياك = واريدك تسمع الرجوه

روحي تروح وي روحك = يمن روحي الك فدوه

اريد وياك خويه الموت =منوه الموت الي منوه

يمك واحضنك ملهوف =اصير وسادك وغطوه

[ياسين حردان الساعدي]

ا

حيره شلون اعـدك عـيد ماتـنعـد
والعـدك طلاسم تّيه حسابه
شنوصف هذا عـيدك واحنه بس عـيدين
آضحى وعــيد فطر آمبينه اسبابه
شهر رمضان واجب من يخلص صوم
وضحيه نحج البيت وحبابه
الحج والصوم فرعين بآصول الدين
والدين بغـديره اكتملت انصابه
الغـدير كتاب والعيدين بيه سطرين
وهم نگدر نقيس السطر بكتابه؟
مثل غابه غديرك وآبره هل الاعياد
وهم نگدر نحـدد ابره بالغابه؟
شربنه من الولايه شهد طعم الكاس
من كوثر محمد صابه صبابه
نشد نور الولايه شداد فوگ شداد
بحبل نورك نشد الراس عصابه
ماندري شوكت حبينه داحي الباب
حب فطري اجانه ونعم من جابه
ازل تاريخ عيدك حاشا عيدك يوم
تاريخه بده من عالم اصلابه
وتراب الولايه انعجن ويه الروح
والمعجون صعبه انميز ترابه
يانور ووهج ياقبس ياقرآن
ياسر يادعاء ياركن محرابه
علي وحروف اسمك علة التكوين
بلسم للعليل آطيب صوابه
يل عينك العين تضوي ضلمة ليل
اللام وياء ليلو وياس وحجابه
اسمك فخر النه بكل نفاهه وضيج
واشتد بالعزم لو صحته بطلابه
واذا بسمك نردد ياعلي الكرار
يرد الكون كله يصيح يايأأأأابه
ونشوف الكون يرگص والجبال تميل
لحن حيدر تعزفه وتنشد جوابه
وفترت الگاع تعايد الافلاك
من شافت الشيعي يعيد اصحابه
نبوس الشيعي نتحاضن صدر وگلوب
نشم عطر الولايه بريحة اثيابه
ومن نكتب اسمكم ايـّدنه تهم بيك
ونشوف ابهام اًدْينه يبوس سبابه
الخنصر يرتعش مايدري وين يروح
ويه الايد يرگص رگص لعابه
الوسطى وبنصر وطگن بالاصبعتين
مثل طگت السيف بجرت گرابه
نهلل واللسان يغازل الشفتين
والعَينين نزلت شهد لرضابه
نحط الايد فوگ الايد گلب يصيح
گضني راح اموت الروح لهابه
ندور يافرح لايگ الك تفصال
نشوف الفرح يمك نازع ثيابه
اذا بالرحم بعدك ولسه مامولود
بيت الله اجاك مفتحه ابوابه

[ياسين حردان الساعدي]

http://youtube.com/watch?v=tGAzgN4tZSA&feature=related


جفلت الابطال فزت هايمه
من برز عباس راعي الموزمه
ــــــــــــــــــــــــــــــــــــــــــــــــــ ـــــ
مثل عاصف ريح كر على العده
صال بيهم جال محد يگصده
وللگصد ذباح سيفه يحصده
من رگاب الگوم حادد صارمه
ـــــــــــــــــــــــــــــــــــــــــــــــــ
شگ صفوف الجيش علمهم درس
عيونه تجدح نار حامسهم حمس
اختلست الابطال وصطكت ضرس
وگف نبض گلوبه ومامش دمه
ــــــــــــــــــــــــــــــــــــــــــــــــــ ـ
شكثر حظه للذي منه هرب
صارم العباس راوهم عجب
صاح بيهم صوت وبسيفه ضرب
هذا انه العباس ابن حامي الحمه
ـــــــــــــــــــــــــــــــــــــــــــــــــ
صال بالميدان عباس الآبي
وصاح كون اليوم احقق مطلبي
اليوم اجيب الماي واسبيهم سبي
لو يصير الماي بچبود السمه
ـــــــــــــــــــــــــــــــــــــــــــــــــ
جفلت الابطال فزت هايمه=لو يصير بچبود السمه

[ياسين حردان الساعدي]

اجيت لمولدك ولهان= ونه الهايم طبع ومسودن بحبي
آجيتك نازف الشريان= وآحس نار القوافي موجره بگلبي
آحط روحي حطب والقافيه= نيران آشعل واشتعل ماابخل بحطبي
متعني اجيتك والگلب عطشان= اريد اشرب ولاء اتلذذ بنخبي
محمد ياكريم وياعظيم الشان =عذب اسمك زلال واعذب العذبي
عثگ ريان طبعي بنخلتي مليان= اذا هزني الهوى اطشر برطبي
اشرب وانتشي واتعود الادمان= وطوطح سكر وتسند بكعبي
ابميلاد الرسول اليوم انه فرحان= درگصن ياقوافي بدفتري ولعبي
واصدح ياشجي الصوت بالالحان= ياقلم اشتعل ياقافيه التهبي
وزوج قصايد والمهر اوزان= قصيده تگل قصيده ازوجي ونخطبي
وزف بيت الشعر والقافيه نيشان= بهلاهل والعيون دموعهن تربي
ياباب الشعر لاتقفل البيبان= تعال اَدنْه يمي واگعد بگربي
ولظمهن لظم مانعست سهران =خرزاتي القوافي وترسن عبي
ولمّن بالقوافي ومثل ام اوحيد =تركض على الولد لو شافته يحبي
اكتب على الورق والدم حبر اقلام= ياگلبي انذبح ياعين دم صبي
وهد كرت شجاع وهد على الفرسان =ادبرت مكسور خايف منجرح مسبي
آطشر فرح وتناثر الاهات =اذا حسيت حرف بجسمي ظل يدبي
اصلي بلا وضوء لو بسمك يصيحون= طهور اسمك يطـّهر روحي وگلبي
اشد بّيه القوافي ومنشدهه ضليت =وحشم يا قصيده شبيچ دنكـتبي
بشير ..ويانذير.. ومن اعد اسماء= اعجز ما اعـدهن واغلط بحسبي
انه اّبستان روضك تيهت ضليت = مو حگي من اضيع سلتي وعنبي
يااصل الانساب ومفخر الاكوان =وبدينك تخاوه العجمي والعربي
يل اسمك شرف ومشرف الانساب =شرف واعظم شرف لو شرف بنسبي
وشوف حروف اسمك بحر عالي الموج =وانه برملة جروفك غصت لركبي
بحر ميمك شدهني وبالجرف غرگيت =ارجعت حائك بعيده وضيعت دربي
اذا اول الميم وهيج بيه الصار= اذن ثالث الميم يروح كل تعبي
بعيده الدال عني طلسم اسمك =وانه المحدود عقلي وهذا مو ذنبي
انه مثل البشر مانعرفك هيهات= بس حيدر عرف سرك المتخبي
محمد لو صحت بسمك اله الكون= يصلي والملائك خاشعة تلبي
امك بت وهب من جابتك صاحت =ادركني ياعلي بس انته الملبي
بتك فاطمه وامك بنفس الحال =وانته الّي گلت فاطمه من صلبي
مو ضنك ابالغ لو گلت هل القول= انه صاحب دليل وحجتي بعبي
مااعرض حجج وشگالت الشيعه= ولااسرد دليل الواضح بكتبي
احاجج ونسئل والرد علم قران =والعالم عرفني الشرقي والغربي
ولامثلك اكفر وانشر الارهاب =وكلمن خالفاني عليه اشن حربي
انه الشيعي الودود مقدس الاديان =ماحبك ولك يل تذبح بشعبي
وخليني اوضح وادري مامجبور= لكن من ارد هواي اريحلي
قانع مقتنع راسخ عقيده بهاي =علي هو الوصي وغيره خْيولي
ماتهمني النواصب من لفاهم بين= ميهمني الگلت والگال والگلي
ندري بالنساء لمن تمر بطلوگ= تصرخ ياعلي ياحيد رالحگلي
معصومه الزچيه ومن تطيح بضيچ= تندب يامغيث الغوث افزعلي
وامك يامحمد أمراه وندبت=وينك ياوصي الله الحگلي
وحيت اله وحالك خالق الاكوان= وهبط جبريل بصورة علي متجلي
وهبط جبريل بصورة علي متجلي

[ياسين حردان الساعدي]

حرت مدري اصدگ هاي من ياهاي = تاه الشور مني وتيهت الراي
ــــــــــــــــــــــــــــــــــــــــــــــــــ ــــــــــــــــــــ
تاه الراي مني وصرت بين اجناب
ماافهم رطنهم والآهل غياب
أصبحت عطشان اركض من اشوف سراب
واضل فحطان ألهث مااضوگ الماي
ــــــــــــــــــــــــــــــــــــــــــــــــــ ــــــــــــــــــــــ
اضوگ الماي مّنوه وتايه آبيده
بسك ياوكت موخـْذت التريده
طبع ذياب اعرفك من تگض صيده
ملخت الگلب حشيت اليه چلاي
ــــــــــــــــــــــــــــــــــــــــــــــــــ ــــــ
اليه چلاي ذابت گصصيت الآيد
والمگصوص ايد شلون گلي يهيد
يطحن بالقهر لو راد راده يريد
يضل يلطم لطم واللطم عض شفاي
ــــــــــــــــــــــــــــــــــــــــــــــــــ ــــــ
عض شفاي لطمي والدمع سچاب
آذّكر زماني الچان الّي خنياب
بين اهلي وعمامي ولمت الاصحاب
الف وسفه زماني شلون تگصي وياي
ــــــــــــــــــــــــــــــــــــــــــــــــــ ـــــــــــ
گصه بيـّه الزمان وحيف عـْله الشين
وصار الذيل راس وصعد فوگ العين
غمك ياوكت تردف عليه بالبين
وخليت الذيول آچتف بيمناي
ــــــــــــــــــــــــــــــــــــــــــــــــــ ـــــــ
تضل يمناي حره وماتصافح عار
وتضل نفسي عزيزه وطبعي مو غدار
مابطل اطباعي لو زماني جار
وارش جرحي ملح لوما يصح دوّاي
ــــــــــــــــــــــــــــــــــــــــــــــــــ ـــــــــــــــــ
يصح دوّاي عـد الي فگد ناموس
ادفره ومااريده لو اشگه بموس
واحبس علتي ودمعي بجفن محبوس
ولاراسي اطخه وطبعي مو شچاي
ــــــــــــــــــــــــــــــــــــــــــــــــــ ـــــــــــ
موشچاي طبعي وزاهي بالملبوس
بس وسفه الذيول اتجاوزت على الروس
والرماي عـوبه وماصبح جايوس
خلب بالعتاد وللهدف خطاي
ــــــــــــــــــــــــــــــــــــــــــــــــــ ــــــــــــ
خطاي الهدف والهدف عني بعيد
صح عيني بصيره بس گصيره الايد
وسفه وياحسافه اعلا العجيد وحيد
والبچاي لاچي وغالب الشچاي
ــــــــــــــــــــــــــــــــــــــــــــــــــ ـــــــ
الشچاي صابر ناطرالگمره
هم ينطر فجر هذا الوكت عبره
تفرج كل شديده وتنجلي الغبره
ويرد وكتي اليه وألزم الجنايّ
ــــــــــــــــــــــــــــــــــــــــــــــــــ ــ
الجنايّ الزمه واكشف المستور
وافضح كل زنم غـدار چان يجور
واندلك ولك بيه الجروح تفور
وجروحي تعرفك لاتـطـن خفايّ
ــــــــــــــــــــــــــــــــــــــــــــــــــ ـــــ
تظن خفايّ عني تروح وين تروح؟
تذكر من تعذبني وتزيد النوح
وبّيه اشمتت شفت الحمل مطروح
فرجت شدتي وربك دفع بلواي
ــــــــــــــــــــــــــــــــــــــــــــــــــ ــــــ
دفع بلواي ربي من دحر صدام
وجيتك بالنهار بثاري الك محتام
والعسره انجلت وانكشفت الايام
موگتلك اكضك لو زهت دنيايّ
ــــــــــــــــــــــــــــــــــــــــــــــــــ ــــــ
حرت مدري اصدگ هاي من ياهاي= تاه الشور مني وتيهت الراي

[ياسين حردان الساعدي]

ربيتك بآه وصبر ياجسام
بسهر الليالي بدمعتي والآلام
يافخر عمري وياربيع الايام
تغفه بحضن گلبي اريدك وتنام
ربيتك بدموع عيوني
ــــــــــــــــــــــــــــــــــــــــــــــــــ ــــ
ربيتك لوكت المحن والشده
لوجار وي عمك زمانه تسنده
بيوم الطفوف يصيح واگف وحده
ياشيعه اليوم تواسوني
ــــــــــــــــــــــــــــــــــــــــــــــــــ
ربيتك وماضاع يبني ربايه
وافيت عمك والحمد وفايه
يمه نذرتك لاجل هاي الغايه
اتفاخر بسمك خلوني
ــــــــــــــــــــــــــــــــــــــــــــــــــ ــ
بهذا الفخر ام عيسى يبني تمنت
بدمك يجاسم بالطفوف اتحنت
تدعو بخشوع لربه مريم ونت
طلبت ويه رمله تحشروني
ـــــــــــــــــــــــــــــــــــــــــــــــــ
من شفتك اعلا الگوم رايد تبرز
حسيت برماح اعلا گلبي تغرز
ظليت بهدومك اشم وافرز
من شوفك خل تروه عيوني
ــــــــــــــــــــــــــــــــــــــــــــــــــ ـــ
خليني وي عينك آحط عين بعين
مثل ام ولد ومضيعه ابنه من اسنين
فدوه رحت يمه لگطيع الچفين
حيدر والزهره يعزوني
ــــــــــــــــــــــــــــــــــــــــــــــ
خليني من هامك اشم للرجلين
وبتربة اجدامك امرغ الخدين
بس واحد انته وتدري ماعندي اثنين
ياشيعه بجاسم عزوني
ـــــــــــــــــــــــــــــــــــــــــــــــــ
شلي بحياتي البيه مسمع صوتك
اتمنه موتي يمه گبل موتك
روحي وي نعشك للگبر زاتوتك
وي گبرك كون يدفوني
ـــــــــــــــــــــــــــــــــــــــــــــــ

[ياسين حردان الساعدي]

ذخرتك يبني هذا اليوم توگف وي ابوك حسين
اطلبك باللبن ورباي وفاي وتوفي الدين
يستاد الحرب وفنون دارس من حرب صفين
تسويه صفين الليله... تسويه صفين الليله

[ياسين حردان الساعدي]

آنزل يبني كر لاتفر طشر بالعده اطشر
واعرفك بالحرب نبراس كرار وابد ماتفر
شبل حسين ابو الاحرار ضغيم ياعلي الاكبر
حاشاك تخيب امالي ... حاشاك تخيب امالي

[ياسين حردان الساعدي]

آوصيك واعرفك ماتخيب الظنْ
يكافل زينب وبالغيره تتفننْ
يكافلها ونعم منك يل المرهدنْ
حاشاك تخيب امالي ... يبني وياضنوة دلالي

[ياسين حردان الساعدي]

تخيب الظن ابد حاشاك يمشكر
شبل حيدر شهم ياطيب المطهر
عباس واعرفك بالحرب لو كر
شلون اطفالك حيرانه .. شلون اطفالك حيرانه
منتظره وتصرخ عطشانه... شلون اطفالك حيرانه

[ياسين حردان الساعدي]

كفلت زينب يايمه وبيه تدرين
وانه الوفاي عهدي والعهد دين
شبيدي اعلا الغدر گطعوا الچفين
ياحيف چفوفه مگطعيه ... بدمومه الجربه آمْليّه
ياحيف چفوفه مگطعيه

[ياسين حردان الساعدي]

يمرهدن ابد حاشاك ماتقبل
زينب والحرم واطفال تتعلعل
بعد عز ودلال تعيش سبي وذل
مسبيه عباس عيالك .. مسبيه عباس عيالك

[ياسين حردان الساعدي]

تتوطن اهل البيت النبي بغربه ؟؟
عتره وطاهره ومطهره التربه
بيت اشرف نسل واشرف من الكعبه
الآّلآّم وآهات وحسره .. بالغربه تعيش اهل العتره

[ياسين حردان الساعدي]

انزل ميدانك يل الاكبر= يل تشبه حيدر
الله الله اكبر

شبيه المصطفى جدك= بالاخلاق والخلقه
وشبيه المرتضى زندك =صوره من الاصل طبقه
غضب ماينوصل حدك =حقه الي شرد حقه
الشجاع يخاف من صدك= يدري بسيفك تفلقه
تفلق ثابت ماتتغير= حاشاك من الفر
الله الله اكبر
انزل ميدانك يل الاكبر=يل تشبه حيدر
عدوانك تميل ارگاب= سيفك وين حيث يدور
تفر گدامك الاسراب= تكر بحرب يامنصور
نفس حملات ليث الغاب= نفس الفعل نفس الدور
گالوا ظهر داحي الباب =جفلوا والعدو مدحور
ضرغام وصولاتك حيدر= يمفرق العسكر
الله الله اكبر
انزل ميدانك يل الاكبر= يل تشبه حيدر
اكر وارجع الك سالم = وًافْرح امي بهل الحال
مطيع لآمرك وخادم =اذبح خيرة الابطال
وذبح بكر ابن غانم =ابنك مضرب الامثال
شجاع وبالحرب حازم = تاريخ ودرس اجيال
هيهات لاامرك اتعذر= افديك المنحر
الله الله اكبر
انزل ميدانك يل الاكبر= يل تشبه حيدر
آحس بحشاي بويه حسين= نار العطش تحرگني
وأحس گلبي انجسم نصين= اريد بشربه تسعفني
حتى اشرب واسوي البين= اصول وللعده افني
وذّكرْهم حرب صفين = جدي الحرب علمني
اصبر جدك يوم المحشر= يسقيك الكوثر
الله الله اكبر
آنزل ميدانك يل الاكبر= يل تشبه حيدر

[ياسين حردان الساعدي]

لوان انس وجان تسجد اجمعين= ماتعادل سجده من ابن الحسين
سجده بيه الكون يهتز بخشوع
لودعه السجاد بآهات ودموع
يناجي طول الليل ساجد للطلوع
يدعو رب الكون بدموع وانين
بالوصف سجاد من كثر السجود
قانت ويلهج بسم رب الوجود
طلگ الدنيه وعشگ دار الخلود
سيد العباد زين العابدين
خاشع وساجد يضل طول النهار
يدعي راكع بالتهجد وانكسار
دربه مسجد صار والمحراب دار
بالصحيفه مطرز السحر المبين
من يصلي جبل ثابت مايطيح
بس نشوف الثوب رفرف اثر ريح
بصوت مذعن منكسر صادق يصيح
الك ذلتي ونكساري يامعين
يامعين الامر بس اشكي الك
واليلوذ بغير قوتكم هلك
عبد انه وانته مولاي الملك
مالك الاكوان رب العالمين
بس نشوف عظام خرت على الارض
لو سجد وكت النوافل والفرض
رغم سبيه وحزنه والآلم المرض
ضرب اروع امثله للخاشعين
لوان انس وجان تسجد اجمعين= ماتعادل سجده من ابن الحسين

[ياسين حردان الساعدي]

يكاظم ياكضيم الغيض =فاض الغيض حز بلعوم
نخيتك والعراق انضام= مضيوم ونخاك اليوم
مضيوم ونخاك اليوم =رايد تحسم المحسوم
معاجز عندك ووگفات =للينخاك تفزع دوم
قـْـَرينه وشفْنه الك ايات= عنك دارسين علوم
ونعرف قصة السجان= صبرك والسجن مفهوم
وندري بجاهك الّي شفيت =بت الوائلي المرحوم
بس احنه بشر مولاي = برهان ودليل نروم
يمحير عقول اعداك =كاظم غيضك المكضوم
بجاهك نعرف وهل الجاه = من رب السمه القيوم
كلمن للعراق يريد =ذلّه ومايرده يگوم
تفضحه وتظهر المخفي =من سره الذي مضموم
ولايهنه بلذيذ العيش =لايهنه بلذيذ النوم
تصدر كل زنم رعديد= بعثي وخاين وشموم
عصابة خطف بسم الدين= عدمت حللت محروم
ضاري وابـّنه وسعدون =زاعوا بالفتاوي سموم
باگوا شاركوا سفاح= نهبوا قبضوا المقسوم
جاهل بينه صال وجال=بسم الدين سن مرسوم
هذا بيا شرع مولاي =بشر يتوذر ومعدوم
تصنگر ياحسافه الحوم=غراب تعملق اعلا الگوم
سكت صوت البلابل خوف =يصرخ بالفجيعه البوم
ملك الموت صار ابليس = بالارواح گام يسوم
هلهل والعدل مبحوح= صوت الحگ اسف مذموم
تصوصي المدن والحارات =وحشه وصوته مكتوم
زعطوط ولزم رشاش= غشيم مهتلف ومگطوم
يرمي والهدف ارواح=مسودن والعقل مخروم
موكلمن يكض الخيظ =حاك ومغـّزله مبروم
الغشيم يخربط الخلباص = يعگد والحبل مگطوم
يثرد عكس للماعون= چفص والحچي مجذوم
من نحچي الملامه اتزيد= تذبح سكْـتـّتّ المكتوم
مثل اليّ رمه بالقوس = عليه ردن عكس السهوم
مثل صيده بحلگ تمساح = اظن هذا القدر محتوم
لاوين الوجه ننطيه=نحشم مايصح جيدوم
هتك اعراض . سلب اموال.=نهب اطفال. كسر .خشوم
الرصاص مزارگ اعلى الروس= دمار اعلى السطوح يحوم
دكت راجمه بكل صوب=موت بكل مكان يزوم
مات اطشر اليحذر= شبت نار بالمهزوم
رجيف گلوب حبس انفاس=نار الگاع حمره غيوم
جثث فوگ الرصيف اكوام = والشارع يموج دموم
نسوان وزلم واطفال= والخدر عرايه هدوم
سراديب البيوت گبور= صنطه والمصيبه تحوم
رضيع ويصرخ من الجوع=يرضع والثدي زقوم
يّبستْ امّه فوگ الجير=هزهَه شيعرف المفطوم
وحيد وذخرته للعوز= خابت شافته لملوم
ام وهوت فوگ اوليد= نشغت من لگت بس كوم
واحد نشد واحد لو وگع صاروخ=هدم ياكنيسه وياصرح مهجوم
أذان بلا صلاه ناقوس دك الموت= رمضان بلا فطور البشر عاشت صوم
مخسوفه الشمس والدنيه تجدح نار= وبنص الظهر شفنه السمه بنجوم
ماسلمت الموته وطلعت الارواح= لاذن بالضريح الي صفه مثلوم
ردن للمقابر والمقابر نار=صعدن للسمه تتوسل بجيثوم
عريانه المقابر والغطه هب ريح= لاتابوت ساتر لاسدر محشوم
لاتقره العديله ولاصلاة الموت =لاماي وسدر بس الدمه حَيزوم
روس مگصصه ومايلحگ الدفان= والدفان ينزف بالحفر مطموم
جثه تعين جثه ولاذن بسرداب= ونداسن سوه وصارن لحم مثروم
والارواح صرخت تنشد الماكول = عن درب الصگر وين النسر معزوم
شبعن والچلاب تكبرنْ على المِيت=تستنگي اللحم وتدور المتخوم
مقابر بس صفينه وجار بينه الجار=لفانه الاعور الدجال واّلمْلوم
بنادم لو كفر عنه القلم مرفوع= معروف السبب محجوب عنه اللوم
الهي ويامعين وتسمع الدعوات= يارب العرش يل ماترد مهضوم
مهضوم ونخاك وبيك يعرف زين= مضيوم العراق افزع عليه وگوم
عراق حسين هذا وقبلة الاكوان= طخت ونحنت يم جدمه الهوم
طخت ونْحنت يم جدمه الهوم

[ياسين حردان الساعدي]

انه امدلله وانته التباريني=اذا ترحل بعد منهو اليداريني
تداريني وعشت لذة حياتي وياك
گضيت وياك عمري آمدلله بحماك
ياسلوة حياتي وبسمتي سلواك
چنت آنشغ وفز لـّمْن يمر طرواك
چنت اغفه بيمنك والغطه يسراك
واذا يسراك تعبت تستلم يمناك
وافز ملهوفه مشتاگه لنظر عيناك
واحس عينك تسولف وافتهم معناك
شلون ادخل الدار وبيه مالگاك
تضل عيني اعلى دربك تنتظر ملگاك
انه بلياك مااصبر انه بلياك
وبس حضنك يابويه الـيّ يدفيني
انه امدلله وانته التباريني=اذا ترحل بعد منهو اليداريني
ــــــــــــــــــــــــــــــــــــــــ
ازرعت روحي رمش والجسم صار عيون
ليل ونهار انشد عنك اليمشون
اشم اثار جدمك والگلب محزون
واريد اوصل يابويه لكربلاء شلون؟
گبل ماموت اشوفن رسمك بعيني
انه مدلله وانته التباريني =اذا ترحل بعد منهو اليباريني

[ياسين حردان الساعدي]

يحسين بحبك لامونه =وعن نهجك عمدآ منعونه
منعونه وماعرفوا سرك
بس احنه الّي نعرف آمرك
الله وكـتـبه ورسله اتذكرك
يل سرك صعب يفهمونه
لو حفـّاي ندوس المجمر
لو نتوذر لو نطشر
ولتمت كل اعوان الشر
عنك هيهات يغيرونه
ذايب بسمك هاج الهامي
ينزف گلب الحبك دامي
عطشان وملهوف وضامي
يااعذب ماي يشربونه
ارماح حسين احنه سيوفه
وللعباس نصير چفوفه
والعاداكم لامنعوفه
لومية مره يعدمونه
خْـدّام ونخدم على الفطره
نّنْجن لو مر اسمه وذكره
بلسم اسم حسين وسره
لجروح الشيعه يوصفونه
فرحان الشيعي بهل الخدمه
مو بس مال يضحي بدمه
مانـتـغير نفس الهمه
خافوا من نهجك ذبحونه
ذبحونه وظنوا نـتـغير
كل ماذبحوا نثبت اكثر
مايدرون وجهلوا هل السر
غلطوا بالموت يخوفونه
اسود گلب الضدك فحمه
والحبك شع نور ورحمه
هنيال الشيعي بهل الخدمه
من تربة طفك معجونه
بالموت الغايه المنشوده
بالجنه نفوز الموعوده
شيعه وننشد هل الانشوده
ياحسين بحبك لامونه
ياحسين بحبك لامونه

[ياسين حردان الساعدي]

اريد اكتب شعر هل اليوم وانضم
وحرت مدري شقدم شحط وانضم
النكر حيدر صبح خسران وانضم
تحت راية هبل ويّ ال اميه

[ياسين حردان الساعدي]

علي بسيفه نصر دينه وطه
على الگلاب عاليها وطاهه
علي الشجعان بنعاله وطاهه
على الذباح لاابن العامريه

[ياسين حردان الساعدي]

يحر من صلب حرمن صلب منحر
مشينه بدربك وهيهات منحير
لَـّوْن نّنْذبح دم يسيل منحر
يخط دْمنه علي فوگ الوطيه

[ياسين حردان الساعدي]

نرفضه ومانريده النكر والصاد
بوجه الباب نطبگ نسد والصاد
وحگ الكاف ها..يا.عين. والصاد
نجس ملعون ابن الناصبيه

[ياسين حردان الساعدي]

عبدك خادمك وافتخر ماحار
يدر ابطن در ابصلب محار
المشه بدربك سلم هيهات ماحار
يّحير شلون وانته ابن الزچيه

[ياسين حردان الساعدي]

آهوس وافتخر ونْسَعد شعراي
وحس كزبر جلد جسمي وشعراي
مثل سله بنخل بالراس شعراي
يوگف لو علي يطري عليه

[ياسين حردان الساعدي]

علي حبك زلال ومادغش غشه
ومن ضكته رواني ومااحس عطشه
صحيت ومثل مومن گاعد الغبشه
بلسانه بس حيدر يلهج

[ياسين حردان الساعدي]

حبك علي راس بجسد
وبوسط راس العينين
وهل عين صاحت ياحسن
وهل عين صاحت ياحسين
بشرياني حبك ضل يسري

[ياسين حردان الساعدي]

http://youtube.com/watch?v=iCTto8DgJA8



عرش الله من المولى استفسر= هل هذا حيدر
الله الله اكبر
لاكبر ورث من طاها= اوصافه ومعانيه
وحسين السبط غذاه= أطباعه الحُسينيه
هذا الشبل بالميدان =تخشاه كل بني مَيَّـه
يوم الحرايب يومه= الهاسيف منهو يلومه
صال وجال وخله العكسر تتراكض بالبر
الله الله اكبر
عرش الله من المولى استفسر= هل هذا حيدر
لاكبر من نزل للگوم = أبحرب صفين ذكرهم
راس براس خله الجيش= يترادم آوطشرهم
علي يشبه علي آبحربه= للابطال كوّرهم
خلاّها آتفر بالميدان = صفاها الكل الفرسان
ماتدنه الفرسان الحده هزام العسكر
الله الله اكبر
عرش الله من المولى استفسر= هل هذا حيدر
جندل خيرة الفرسان= قباض النفس والروح
العساكر حارت وشردت= وماتعرف لوين تروح
على الاكبر ولاها آطراد= شكبر حظه البگه مجروح
توّاها ّوروها البين= حارت تتراكض لاوين
صال وجال ولمهم سيفه والجيش اتوذر
الله الله اكبر
عرش الله من المولى استفسر= هل هذا حيدر

[ياسين حردان الساعدي]

يالبيك المعاضل والمحن تسهل =ياشده بغيابك لو غبت تنحل
انه زينب يبويه والدمع يهمي
من زغري المصايب وجرت همي
من يوم انكسر بالباب ضلع امي
وصرت للضيم بويه والحزن محمل
سمع ونها البطل عباس وتضهضب
صاح بصوت عد عيناچ يازينب
يختي شلون ونچ وانه المَجْرب
يفت گلبي ونينچ خويه مااقبل
شهم عباس خويه وزين بيك اعرف
بس شلون اذا يـّلفينه يوم الطف
شيصبرني واشوف زنودك بلا چف
دگلي شلون ياعباس اتحمل
گلبي بكربله عباس شيصبره
وشوف حسين ابن الطاهره الزهره
عله صدره الشمر ويگصص بنحره
اعاين والگلب ياخويه يتعـلعل
انه البالخدر ياخويه موصوفه
واذا هسه عزيزه وانه بالكوفه
راح ادخل الكوفه وانه مچتوفه
تقبل بت علي تركب على الهزل

[ياسين حردان الساعدي]

http://youtube.com/watch?v=VgKGylPu_RU&feature=related


فاطمه ياحجة الله آعله البشر وعله الحجج
فاطمه آُمٌ ابيها وانتي للشده الفرج
سر عظيم وشرف سامي لو بذلنالج مهج
الروح ترخص لجل حُبج حُبج ابدمنه آندمج
هذا الحنين=فاطمه يافاطمه
لآبنج حُسين= فاطمه يافاطمه
ــــــــــــــــــــــــــــــــــــــــــــــــــ ـــــ
فاطمه اسم الجلاله اتجسّد آبيوم الطفوف
آبصوت هادر آبو اليمَّه صاح گدام الالوف
ايصيح من دمي أشربي لو عطشتي ياسيوف
آبدمي يثبت دين جدّي ماأهابج ياصفوف
ريتچ تجين =فاطمه يافاطمه
لآبنچ حسين=فاطمه
ــــــــــــــــــــــــــــــــــــــــــــــــــ ـــــــــــ
من دماء الطف اخذنه دروس ونباهي الأُمم
مانعوفج صرنه شُعلة نور مزروعه بقمم
آبّوجه كل الّلّي يضدكم آنثور بُركان آوحمم
واليضدكم مانريده ذوله باعوهه الذمم
رغم الانين= فاطمه يافاطمه
لآبنچ حسين= فاطمه يافاطمه
فاطمه يانور يسطع عالبشر وعله الوجود
ياقبس نور الله حُبچ بيه ناموس الخلود
انتي اسم الله الاعظم سر محبتچ بالصمود
نبقه نصمد
نبقه نبچي
نبقه نلطم
علصدر وعله الخدود
ومطبرين= فاطمه يافاطمه
لابنچ حسين= فاطمه يافاطمه

[ياسين حردان الساعدي]

اهتزت الاكوان ورتج السمه=بالطفوف اليوم حِضرت فاطمه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ

آرتجت الاكوان بالجان وانس
على الطفوف تنوح مكسوفه الشمس
بالعصف واعصار ضد اهل الرجس
نصرت اهل البيت يوم الملحمه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
نصرت آهل البيت من شافت حسين
فاگد الاصحاب والمدمع حزين
بس حرم واطفال ضل بلا معين
من برز عباس راعي الموزمه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
من برز عباس واگبل على الجيوش
جعل لحم ابطاله زاد الوحوش
سالم المهزوم وشحده الينوش
من رگاب الگوم حادد صارمه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
من رگاب الگوم آهل بيت الرجس
ذابح الشجعان گطاع النفس
صاحت من الخوف وصطــكت ضرس
ظهر هذا اليوم حمّايّ الحمه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
ظهر هذا اليوم من شگ الصفوف
مايهاب الموت يقدم على السيوف
للغـدر ماشاف من گطعـوا جفوف
على الارض مطروح يم فرسه ارتمه
ــــــــــــــــــــــــــــــــــــــــــــــــــ ـــــــــــــــــــــــــــ
على الارض مطروح ويحشم حسين
ياحُسين اعـذرني گطعـولي آدين
عهد مني والعهد ياخويه دين
وادري زينب للوضع متفهمه
اهتزت الاكوان ورتج السمه=بالطفوف اليوم حِضرفاطمه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

[ياسين حردان الساعدي]

آوصيك واعرفك ماتخيب الظنْ= يكافل زينب وبالغيره تتفننْ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
تتفننْ واعرفك اسد بالحومه
وانته الماتهاب الموت وعلومه
دگلي شلون زينب تبگه مهضومه
يكافلها ونعم منك يل المرهدنْ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
يمرهدن ابد حاشاك ماتقبل
زينب والحرم واطفال تتعلل
ترضى شلون بعدك يل الكفو تنذل
بديار الغرب بالغصب تتوطن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
تتوطن اهل بيت النبي بغربه
عتره وطاهره ومطهره التربه
بيت اشرف نسل واشرف من الكعبه
حرم واطفال عين ومهجه يدمنْ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
يدمن مهج والعطش فتتهنْ
ضلنْ لاولي ولااخو كافلهنْ
لاخيمه وستر والشمر يضربهن
لطمن والمصايب كلهن اشتدنْ
ــــــــــــــــــــــــــــــــــــــــــــــــــ ــــــــــــــــــ
آوصيك واعرفك ماتخيب الظن = يكافل زينب وبالغيره تتفنْنْ

[ياسين حردان الساعدي]

آم البنين آم عباس سموني
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
آنه المعروفه بين الناس
ويّه البشر ماانقاس
چي لني جبت عباس
لهل الاسباب مامعروف مضموني
آم البنين آم عباس سموني
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
آنه اٌبني كافل الخدر
اَنه آبني هازم العسكر
وعله المشرعه سيطر
وصاح بصوت يالاطفال تانوني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
آنه ابني هازم الابطال
منو اللي مثلي صال وجال
درس علمت للاجيال
والاجيال ماظن يوم ينسوني
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
آنه الضحيت لجل حسين
آولادي بيابي العين
وبعدني ماوفيت الدَين
ولجل حسين ترخص روحي وعيوني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
آنه المندوب اسمي صار
لكل شيعة علي الكرار
آفرج كُربة المحتار
وبالحاجات وكت الشده ندبوني
ام البنين ام عباس سموني

[ياسين حردان الساعدي]

الك بس الك بيت الله انجسم نصين
ومن نورك جداره انطر
تلوذ الناس بالكعبه وتهل العين
لوّن ساعه يمسها الضر
واذا للكعبه مسها الضر ياابو حسين
تطوفك ياعلي وتفتر
حاميها للكعبه بنورك

[ياسين حردان الساعدي]

تهيئا للطم ياصاحبي حياك = نوح واذرف الدمعه
الصدر يتوسل وناغاك=يتوسل يگلك زيد بالرصعه
عشگ يسراك ويّ يمناك= عشگ الزرع للنبعه
الگلب فز الصدر ناغاك= نداء الطفل للرضعه
كزبر شاغ جسمك شوگ =نار بگلبه متولعه
تهب جفينك آطفيه= فزعه من بعد فزعه
يوج يضوي دمع عيناك= نوّر اعلى الوجن شمعه
عليل ويشفي باللطمات= الچفوف لحزنك اطلعه
عشگ جفينك الحلوات= واليعشگ صعب لو هام لاتمنعه
سكر ذاب بخمر نشوان= لذيذ الطعم ادمن زَيـّد الجرعه
متولع ومـد من صار = يهوى چفوفك الوسعه
وانه عاشگ حسين واعرف المعشوگ= وْتحسس اٌلم وضعه
آهيم وذبت بالمحبوب= واريد البوسه والصفعه
اطبع وضح اللطمات = لاتتحجج بنزعه
يادم اليعادل دم رضيع حسين؟= شرب دم السهم عطشان للرضعه
ياچف اليعادل چف ابو فاضل؟ = مرمي اعلى الشريعه چفوفه متگطعه
ابن اشرف نبي مطروح فوگ الگاع =ابن الطاهره البضعه
ابن حيدر على الكرار = ليث ومن بطن سبعه
يضل صوت الشهم عباس= مناره بغيره متربعه
لوماي الاجيبه بنص خيام حسين = لوماكو بعد هيها كل رجعه
حسين ومن اگول حسين = احس صدري انكسر ضلعه
اصرخ ياحسين بزود = صوتك زينب تسمعه
الطم والشعائر واجبه التعين = كل لطمه تعوض عن الف ركعه

[ياسين حردان الساعدي]

حسين مو عطشان عطشان الفرات= راد يشرب من ثغر حامي الحمه
الفرات يغار حگه ومن يغار = من يشوف الگاع حضنت مقدمه
شاف كل الكون حاضن للحُسين = والمَلك والجان هلهل وحتمه
لوله اسم حسين ماصار الفرات = لاسماء وارض ضلت دايمه
جزء من الكون موجود الفرات= واحنه ندري الكون للخمسه ارتمه
فضل من اِحسين بالكون انولد=قبس نور بنور ربك كرمه
الفرات جروفه بشفافك تلوذ= من بحر ثغرك يريدك تلهمه
عاش كل عمره بطرگ عازت مطر=جايع وعطشان مايك يطعمه
لآن دمك صعد لعنان السماء= ونزل غيمت ماي شعت مرحمه
من السمه غيران من يوم الطفوف= باگت من الگاع قطرات الدمه
يگول كون حسين ضايگ مني ماي= مني يصعد سيل يمطر للسمه
وشفتوا لمى بزود هلهل بالجروف= من گبل عباس راعي الموزمه
صعد طوفان وطفح مابين اديه= توسل بعباس يرشف مَبْسمه
شاف بيه الغيره خجلانه تضوگ=ناشد العباس چى ليش ولمه؟
جاوبه العباس منك ماضوگ= آرتوي هيهات وحسين بضمه
الفرس عطشان مادنگ غيور= رفع راسه وطشر الماي ورمه
دفر.يرفس.غنتب .ويصهل شيم= كحيل من كحيل اصيل وفاهمه
ليش مو بارد عذب مايي زلال؟= الجرف لجدام فرسك كلمه
بجاه اخوك حسين اخذ من نصي ماي= سايم ضلوع الزچيه فاطمه
انه اريد وياك اوصل للحسين =تدري بيّه جروح واشفه امْبسمه
رايد اتوضه واصلي بكربلاء= باثر جدم حسين تربه اتيممه
وياك ياابو الغيره ولزينب اروح = حايره باطفال فزت هايمه
جرفي مثل الريح بجدامك يلوذ= نصي لطلط روحي ليك مسلهمه
الغيره من عندك خذت كل الدروس= بخوة العباس صارت عالمه
قمر يانبراس يافخر الرجال = للاجيال الحاضره والقادمه
نهر تدريني گصيف وكلي ماي= الوحوش وجيش يمي جاثمه
الگاع حاطتني بحفر مابيه نفاذ = بالحفر محبوس وجروفي طمه
الگاع لو تحفر حفر اطلع واسيح= سيل اجري واستقر يم الحمه
خادم ومملوك ولاامره اطيع= لو حُسين يآشر وليه ومه
مايآشر انه كل لحظه اجيه=لثغره اشرب وشم ريحة مبسمه
دخذني ياعباس وحضني بديك = بعيد عن جيوش اميه الاثمه
شطوط صار بجربته= دچ مايه دچ لاتبده وسكن شدد محزمه
ركض ويّ عباس ويشگ الصفوف= مسعد ومرتاح وبسيفه احتمه
دز رسايل بالهوه لچبد الحُسين=طالب الغفران كفر مآثمه
بچه.. احمر صار وي دم الچفوف= للغدر ماشاف كون يعلمه
صرخ وي عباس من حشم حُسين = الله اكبر جرفي انصب مأتمه
حظي عاثر ياقبح عشت الهوان = انه اخر شاهد اعلآ الملحمه
بس نضل نعتب عليكم يافرات= ماتفيض شلون جرفك تهدمه
مدري كون الله شعجب ماكله زال= بيوم غاب حسين عنه ويَّتمّـه
الكون گال صبرت ناطر للظهور = ناخذ الثارت نجلي المظلمه
هذا تاريخ الحُسين لكل زمان= وين تاريخ الطغاة المجرمه
للانس والجان مفهوم بلغات= دم ابو السجاد ثوره يترجمه

[ياسين حردان الساعدي]

سيد الشبان في جنة الخلود
حور عِـِيـن الجنه بيه أمْـّيتمه
والجنان اتزْينت لبست جديد
تريد ابو اليمه بعجل تستقدمه
طوبى والفردوس فرحت ويّ عدن
عرفت بعاشور يوم الحاسمه
ثلة اصحاب اليمين استبشروا
ترتجي الغفران ثلة المشئمه
عمت الجنه فرح يوم اسمعت
نادى تاخذني السيوف الظالمه
ماآصدگ سيف يتجاسر عليه
السيف محنيّ وينطويله ويلثمه
السيوف تلين ماتذبح حسين
ماتطيع الظلم عميه مثلمه
بس امر الله وتنفذه السيوف
هيجي ثار الله راد يعممه
ولمى حست مذنبه ردن عكس
سيوف بالحق باشطات امسممه
السيف يعصي الباطل بحق ينشهر
ومن يشيله الباطل يگص معصمه
يفوت على الرگبه يگص يصدر حكم
هذا طبع السيف قاضي ابمحكمه

[ياسين حردان الساعدي]

چلبت گاع الله بذيال الحُسين
تگله بذيالك اخذني امْلثمه
انته اخر نور من اهل الكساء
ابقه اريد وياك اعيش الغانمه
انه من نفحات دمك خضريت
والثمر والشجر گبرك سّلمه
وبجسد امك وابوك اتشرفيت
ومن نسل امك ربوعي غانمه
مدري كون الله شعجب ماكله زال
بيوم غاب حسين عنه ويَتّمه
الكون گال اصبرت ناطر للظهور
ناخذ الثارات نجلي المّظلمّه
هذا تاريخ الـُحسين لكل زمان
وين تاريخ الطغاة المجرمه
للانس والجان مفهوم بلغات
دم ابو السجاد ثوره يترجمه

[ياسين حردان الساعدي]

سيد الشبان في جنة الخلود
حورعِـين الجنه بيه أمْيتمه
والجنان تزينت لبست جديد
تريد ابو اليمه بعجل تستقدمه
طوبى والفردوس فرحت وي عدن
عرفت بعاشور يوم الحاسمه
ثلة اصحاب اليمين استبشروا
ترتجي الغفران ثلة المشئمه
عمت الجنه فرح يوم اسمعت
نادى تاخذني السيوف الظالمه
ماآصدگ سيف يتجاسر عليه
السيف محنيّ وينطويله ويلثمه
السيوف تلين ماتذبح حسين
ماتطيع الظلم عميه مثلمه
بس امر الله وتنفذه السيوف
هيجي ثار الله راد يعممه
ولمى حست مذنبه ردن عكس
سيوف بالحق باشطات امسممه
السيف يعصي الباطل بحق ينشهر
ومن يشيله الباطل يگص معصمه
يفوت على الرگبه يگص يصدر حكم
هذا طبع السيف قاضي ابمحكمه

[ياسين حردان الساعدي]

الارض والكون والحسين


چلبت گاع الله بذيال الـٌحسين
تگله بذيالك اخذني ملثمه
انته اخر نور من اهل الكساء
ابقه اريد وياك اعيش الغانمه
انه من نفحات دمك خضريت
والثمر والشجر گبرك سلمه
وبجسد امك وابوك اتشرفيت
ومن نسل امك ربوعي غانمه
مدري كون الله شعجب ماكله زال
بيوم غاب حسين عنه ويَتّمه
الكون گال اصبرت ناطر للظهور
ناخذ الثارات نجلي المظلمه
هذا تاريخ الـُحسين لكل زمان
وين تاريخ الطغاة المجرمه
للانس والجان مفهوم بلغات
دم ابو السجاد ثوره يترجمه

[ياسين حردان الساعدي]

الارض والكون والحسين


چلبت گاع الله بذيال الـٌحسين
تگله بذيالك اخذني ملثمه
انته اخر نور من اهل الكساء
ابقه اريد وياك اعيش الغانمه
انه من نفحات دمك خضريت
والثمر والشجر گبرك سلمه
وبجسد امك وابوك اتشرفيت
ومن نسل امك ربوعي غانمه
مدري كون الله شعجب ماكله زال
بيوم غاب حسين عنه ويَتّمه
الكون گال اصبرت ناطر للظهور
ناخذ الثارات نجلي المظلمه
هذا تاريخ الـُحسين لكل زمان
وين تاريخ الطغاة المجرمه
للانس والجان مفهوم بلغات
دم ابو السجاد ثوره يترجمه

[ياسين حردان الساعدي]

طبروا القرآن وتناثر جروح= وعلى المصلين السٌـوّر نزلت دمه
وصرخت الآيآت حًّي على الجهاد= انطبر ركن الدين حمّاي الحمه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
العرش يهتف نزف دمك بالصلاه = توضه من جرحك سجدله وقَـبّـله
شاف باللوح الدماء اتجمعت = كتبت الفرقان نَصَه ومجْمـّله
ارتجت الافلاك وهتز السماء=وصوت تجويد بنحيب ترتله
مثل هذا الدم يِسيل من الحسين = من يضل حاير وحـِيد بكربله
انذبح ظامي يصيح حّيَ اعلا الصلاه = وشمر دمه يّروّي نهران السمه
طبروا القرآن وتناثر جروح= وعلى المصلين السٌـوّر نزلت دمه
وصرخت الآيآت حًّي على الجهاد= انطبر ركن الدين حمّاي الحمه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
لطمت الايات بحروف الكتاب= وحرف باء البسمله يدمع العين
والسطور ويّ الحروف اتلاطمن = على صدور السـور من شافت حسين
يبچي فوگ الطبره ويصيح الوداع= بويه الله وياك ياقرة العين
والحسن ينحب أخذ من دم ابوه= وعلى الجبين وراس يمسح بالأدين
وزينب الحوراء صاحت ياعلي = بويه راحل وين ياكرار وين
ردت منك بويه تحضر ويّ حسين= من يْضل بلايه ناصر لامعين
على الارض مطروح جثه وبالعراء= وابو فاضل على الشريعه بلاأدين
بويه منك ردت تحضر بالطفوف=من شفت اطفال آهلي امْيتمْين
ومن شفت ميمون واساني المصاب= يبچي فوگ حسين بالدمع الحزين
ومن شفت عباس وخوانه وهلي= فوگ رملت كربلاء مگطعين
ومن سرت للشام واحنه بلا ستر = وبسياط الحقد بويه مضربين
وعلى الرمح راس الحسين ويمي صار = حتى ناس تشوفني وتنظرلي زين
ومن وصلت الشام وبمجلس يزيد = بالطشت حط راس اخوي وشتْمه
طبروا القرآن وتناثر جروح= وعلى المصلين السٌـوّر نزلت دمه
وصرخت الآيآت حًّي على الجهاد= انطبر ركن الدين حمّاي الحمه
______________________________________________
انهدمت الايات طاحن عالكتاب =بيوم طبروا هامتك وكت الفجر
بحقد اجلاف العرب واهل الحقد= ومن زرعلك غيض في گلبه وغدر
بمكر اصحاب السقيفه بساعده= بحقد يوم حنينه واحد وبدر
بالجمل والركبته ابين الرجال= بالقميص الشالته ادّور عذر
بالضرب فاطم على العين وعصر = ودفع باب اعلا الصدر
باللطمه اعلى الوجه وازرگ العين = والجنين يطيح من كثر العصر
بالحراب الحطوا اعليه الحراب= بعورة ابن العاص مذموم الستر
برمح وحشي والْكلت چبده باحد= وطربت بأبّيات شيطان الشعر
بالمنع عن النبي خط وقلم = وحاشا گال اعلى النبي ظل يهجر
هذوله كلهم سيف صاروا للنفاق = بيد ابن ملجم ودين الله اهدمه
طبروا القرآن وتناثر جروح= وعلى المصلين السٌـوّر نزلت دمه
وصرخت الآيآت حًّي على الجهاد= انطبر ركن الدين حمّاي الحمه

[ياسين حردان الساعدي]

http://youtube.com/watch?v=YIP-Zwp17ts


حيدر يحيدرياعلي
مو رابع انته الاولي حيدر يحيدر
ياعلي
-----------------------------------------------------
شنگول حتى نوصفك يعجز قلم كل شاعر
قرآن ناطق على الارض بالباطن والبظاهر
بالكون مثلك منولد ياول ويااخر
يم جرفك بحور الشعر تغرگ تلوذ بساتر
يفتخر بيك المقطع = كل قافيه وكل مقطع
فخر القصيده الازلي حيدر يحيدر
ياعلي
مو رابع انته الاولي حيدر يحيدر
ياعلي
-----------------------------------------------
حيدر علي نفس النبي ونفس النبي عد حيدر
من نور خالفهم سوه والنور مايتغير
تميز ماكو كل فرق حيدر بطه مكرر
طه نبي وحيدر ولّي هذا الفرق لااكثر
لكن فلا بعدي نبي = ياغايتي ويامطلبي
گال النبي انته الولّي حيدر يحيدر
ياعلي
مو رابع انته الاولي حيدر يحيدر
ياعلي
-----------------------------------------------------
انته السند وانته الدرع وانته الحصن وانته السور
وانته الذي تشفي الذي لو طب ضريحك ويزور
وانته الذي يم گبتك كل المجرات ادور
وكل حرف من اسمك يسن للبشر اعظم دستور
والشمس من ارض النجف لاهل الارض ترسل نور
والشمس من اشعاعك = متنوره باطباعك
شمس الله صاحت مشعلي حيدر يحيدر
ياعلي
مو رابع انته الاولي حيدر يحيدر
ياعلي
-------------------------------------------------
سبحان رب الصورك معجزة الله بخلقه
نار وغضب على الناصبي وللشيعي كلك رقه
والشيعي يصبر على الظلم يدريك تاخذ حقه
بيوم القيامه لو عطش ترويه وانته السقه
انته الصراط الباقي= وبالمحشر انته الساقي
والشيعه صاحت منهلي حيدر يحيدر
ياعلي
مو رابع انته الاولي حيدر يحيدر
ياعلي

[ياسين حردان الساعدي]

خــل الـلايـمه يـلـومون خــل تـلـوم بـيه اكـثر= راضــع مـن ثـدي الـطيبات حـب الـمرتضى حـيدر
نـدبـت امــي وگالــت دخـيـلك يـاعـلي احـضر
اريــدن تـحـضر الـلـيله تـره بـيه الـحمل عـسر
تـنـخـت مـــره لـــو مـرتـيـن مــو اكـثـر
وابـــو الـحـسـنين داحـــي الــبـاب مـاقـصر
صـاحـن هـلـهلن نـسـوان گالــن حـمـلچ اتـيسر
اجـت حـجيه رزيـه الله يـرحمه اجـت لـلوالد اتـبشر
اجــاك اويـلـيد يـاحـردان ابـشـر بـالـولدابـشر
گام تــوضـه وصــلـى يّـسـبح يـحـمد ويـشـكر
وحـمـد رب الـعـرش كــل سـاع اذن بـاذني وكـبر
وسـمـاني بـاسـم يـاسـين حـبـآ بـالـنبي الاطـهر
رضـعـت الـحب لـبن صـافي گبـل مـاازحف واكـبر
مـــن الـمـهد بـالاصـلاب مــن الـعـالم الـبـذر
گبــل مـااعـرف الـدنـيه عـرفـت الـضغيم الـهزبر
ضـيـغمنه عـلـي الـكرار طـارد كـل مـصيبه وشـر
انـعـجن حـبه بـدليلي وصـار بـالدم يـسري بـالابهر
حــب وبـالگلـب ثـابـت طــاف بـجـسمي وطـشر
يـقـين وبـالـعقل مـغـروس لـساني يـلهج ويـشعر
بـحضن امـي هـمت بـالصوت واصـوم بـصوته وافطر
ولو تگطع عليه الصوت احل گماطي بالكاروك وابچي بحرگه واتحسر
ترد امي تّلولي تگول محروس بعلي الكرارانام امسلهم واخدر
ومــن كـبـرت شـفت الـناس كـله اتـصيح يـاحيدر
دخـيـلك يـاعـلي الـكـرار وحـقـك يـاعـلي الــدر
لاضـلـيت مـشدوه الـفكر لاراي بـحبك يـاعلي اتـنور
آسـائـلك يــل تـريـد تـلوم عـاين حـالتي اتـصور
وادرس واحـــكـــم بـــوجــدان لاتــنــغـر
واذا گتــلــي اريــــد الــحـجـه والـبـرهـان
آقــــراء كــتــاب ربــــك بــيـه وادبـــر
اچم ايه بـعـلـي نــزلـت آسـائـلـك بـيـهن آتـذكـر
وشــوف شـكـتبت الـعـدوان عـنه وتـابع الـمصدر
ومــن تـعـاند وتـعـصي ارجــع لامــك اسـتفسر
هـيـه تـعـرف الاسـبـاب چانــت بـالـزنى تـجهر
ونـطـفتك بـالـقبح صــارت وامــك بـالزنى تـفتر
ولـهـذا الـسـبب ضـلـيت انـتـه مـعـاند واغـبـر
دنـيـه وآخَــره خـسـران بـجـهنم خـالـد وتـسعر
وخـصيمك داحـي الـبيبان واگف عل الصراط وهو اليعبر
دگلــي شـلـون بـله شـلون عـن الـمرتضى اتـغير
خــل الـلايـمه يـلـومون خــل تـلـوم بـيه اكـثر= راضــع مـن ثـدي الـطيبات حـب الـمرتضى حـيدر
عـشت غـربه وحـزن وفـراگ ضـيم ووكـتي مـعسر
وحـــب حـيـدرعـلي ثـابـت دوم بـحـبه اتـعـطر
واذا فـــد يـــوم احـــس بــروحـي مــتگدر
بـس اذكـر اسـم حـيدر احـس گلـبي انـسعد وانـسر
بــــحـــب الــمــرتــضـى ولـــهـــان =عـــلــي ضــغــيـم فـــخــر عـــدنــان
ســــيــــد لــــلانـــس والــــجـــان= كـــلــمــن خـــالــفــه خــــســـران
اذا طـــــــب حــــيـــدر الــمــيــدان =الاســــــود اتــصــيــر چل الخــرفـان
تــــدبــــر تـــجــفــل الــــعـــدوان= تــــقـــدم روســـــــه الــشــجــعـان
كـلـمن بــارزه يـخـسر= ولاسـاعـه بـحـرب ادبـر
دگلــي شـلـون بـله شـلون عـن الـمرتضى اتـغير
خــل الـلايـمه يـلـومون خــل تـلـوم بـيه اكـثر= راضــع مـن ثـدي الـطيبات حـب الـمرتضى حـيدر
عــــلـــي ابــــيـــت الله مــــيـــلاده= بــــهــــذي شــــهـــد حــــســـاده
حـــــــب الــمــرتــضـه عــــبـــاده= عـــمــت عـــيــن الـــــذي عـــــاده
عـــلــي عـــنــده الـــحــرب عـــــاده= كِــــريــــم ويـــطــعــم بـــــــزاده
تــــرابــــه صــــايـــر وســـــــاده= صـــــــوت وبــالــســمـه نـــــــاده
مــــات الـمـرتـضـى يــاعــوام يــاســاده= تــرجــرج كــــون الله انـثـلـمـت اوتـــاده
فــــــــاز وحــــصـــل مـــــــراده
قــــســـم بــالــكـعـبـه يــتــشــكـر=بــــهــــذا الــــيــــوم اتـــنــطــر
ابــــيـــت الله جـــــــره الــمــنـحر
خــل الـلايـمه يـلـومون خــل تـلـوم بـيه اكـثر= راضــع مـن ثـدي الـطيبات حـب الـمرتضى حـيدر
عـــلــي گبـــتــه اصــبــحـت كــعـبـه= بـــحــجــر المصطــــــــفه اتـــربـــه
هــنــيــالـه الـــســكــن گربـــــــه= هــنــيــالـه الـــحــضــن تــــربـــه
صـــعــبــه فــــرگتـــه صـــعــبــه =مــانــنــســه ابــــــــد دربـــــــه
ســــيــــف يــهــلــهـل بـــحــربــه
عـــلــي الــقــالـع حـــصــن خــيـبـر=عــــلـــي بـــالــحــرب يــتــبـخـتـر
عــــلــــي لــــلـــدرع مـــــــاگدر= تــــشــــرد تــــدبـــر الــعــســكـر
خــل الـلايـمه يـلـومون خــل تـلـوم بـيه اكـثر= راضــع مـن ثـدي الـطيبات حـب الـمرتضى حـيدر
عــــلــــي الــــحـــلال لـــلــشــده= خــــســـران الـــــــذي يــــضـــده
عـــلـــي ســـيــل وطـــفــح مـــــده =شــــحـــده الـــيــوصــل شــــحـــده
كـــل هـــذا واضـــل حـيـران مــن اشـعـر
تــغـرگ كـــل قــوافـي الـشـعر مـاتـبـحر
سـفينه ورسـت عـلى الـشاطي وذبـت بـالجرف انگر
وارد ابـــــحـــــر وارد اشـــــعـــــر
واغـــرف مـــن بـحـر عـلـمه واريــد اكـثـر
واضــــــــل لــــلـــدوم اتـــشــكــر
مــابِــطـل شـــعــر مـــايــوم اتــعــذر
كـــل قـصـدي اريــد الـرضـا مــن الـرحـمان وذنــــوبــــي الــــــــي تـــغــفــر
وافــوز بـجـنة الـفـردوس وذنـوبـي الــي تـغفر
وافــوز بـجـنه الـفـردوس وذنـوبـي الــي تـُغفر
خــل الـلايـمه يـلـومون خــل تـلـوم بـيه اكـثر= راضــع مـن ثـدي الـطيبات حـب الـمرتضى حـيدر

[سيف عبد الحميد ريسان]

عد عيناج يا يمة و انة الاكبر
كل هاي الجيوش اليوم بحسامي اطرهم طر
انة ابن الصميدة حسين و ادروسي اخذتهة بمدرسة حيدر

ها رباتج يمة تشوقينة اليوم و كلبج ينسر

[سيف عبد الحميد ريسان]

وفيت وكفيت اليوم يمة و تشهد الوادم
و انة ابنج تعرفيني عنيد و بالحرب حازم
و سيفي يلعب على الروس شاه

ها ها بسيفي توليتة الاكبل يمي و كرب

[سيف عبد الحميد ريسان]

وفيت و كفيت اليوم يمة و تشهد الوادم
و انة ابنج تعرفيني عنيد و بالحرب حازم
و سيفي يلعب على الروس شاهد راس ابن غانم

ها بسيفي توليتة الاكبل يمي و كرب

[سيف عبد الحميد ريسان]

يا علي يا امير المؤمنين

[سيف عبد الحميد ريسان]

اكتب صنف دمي عاشك اهل اليت واكتب حب علي سر نبظ شرياني
واكتب سر حياتي ذكر داحي الباب والشي هذا رباني
واكتب كل بحر دمي اسم حيدر بية و لو ما اسم ابو الحملات جا ما عشت انة زماني

ها

اكتب لا تهتم حيدر بظلوعي لكيتة

[ياسين حردان الساعدي]

من جرحك يضمد جروح كل مجروح ويشدهه
ومن ثارك عرفنه الثار ونار اعداك نخمدهه
ومن قصتك نحب الناس ونكرهه الي وگف ضدهه
ومن قدرة اله الكون روحك يوم اوجدهه
من روحك اخذ نفحات والارواح حددهه
ومن تربة ارض طفك طهرت هام ساجدهه
ومن دمك توضه الكون وصلاة الموت ينشدهه
ومن عينك سراج ينور وهج يضوي بمواقدهه
ومن نورك شمسنه ادور وتشع اعلا شاهدهه
ومن وجهك ضوه المشكاة كوكب دري فرقدهه
ومن شفتك طلع تسبيح والاديان وحدهه
ومن نحرك جرت نهران بجنان الخلد موردهه
ومن لاءك تطيح عروش والثوار تحصدهه
ومن چفك توزع ارزاق على الناس بموائدهه
ومن ارضك حجر للدين اساس لكل معابدهه
ارضك قبلة الكونين يسجد كل بشر عدهه
گبرك واجب نطوفه وسبع اشواطنه نعدهه
عبيد حسين انس وجان صاحت وانته سيدهه
انشوده ويالحن ثوار ثار الله رددهه
دمك قبلة الكونين بثبات وعزم ساندهه
يفاتح للجنان دروب طفك دم يعبدهه
تموت الثوره مهما تكون اسمك مايخلدهه
ضمير وصحوة الاحرار وكل ثوره انته رائدهه
ربح كلمن اخذ منهاج قصتك خسر جاحدهه
ياواحد فلا موجود مثلك وانته واحدهه

[ياسين حردان الساعدي]

يحسين جرحك دوه وضماد لجروحي
واشعر بنشوة فرح لو كثرت نوحي
وكل ماآهل الدمع بالجنه احس روحي
جربت كل الدوه ماداوه جرح البين
وماشفت يرهم كحل ثابت يلج بالعين
بس كحل واحد ثبت دمع الحزن لحسين
شنهذا سر الدمع ويكشف الاسرار
ترتاح بيه كل نفس لمن يهل مدرار
ماآحجي ساكت اضل واشعر بسري انهار
وكل دمعه تصبح رمح تطعن عدوي بثار
كل سر اسير العدو لو عرف خصمك بيه
بسر سرنه تاج وفخر من ينذكر طاريه
مزفت دربنه دمه بارواحنه امبلطيه
درب النبي وعترته حيدر علي حاديه
وارتاح سري انكشف ونعرف بين الناس
مو دمع ليلو نزل يتموج بالماس
وتحسف اعلا الدمع لو امسحه لو ينجاس
اتمنه اجمعه بسطل واغرف غرف بالطاس
وافتر واشيل السطل كل دمعه اجمعه
وتنزل عدل بالحلگ من عين دامعه
واصيح .. هنيال من صاحني هنيال جامعه
بس احنه نمسح طمع تدري اليحب طماع
لو شاف جيت محب يركض عليه بساع
آم ودمعتي ولد وتحضنه يوم وداع
هيچ انه آم وولد لو نزلَت گطره
چفيني تصعد عدل ولخدي اسطره
مادري چفي الصعد لو نزلت الخدين
ياس ونزل من جفن تتحرك الايدين
والياس يكثر عطر لو فرکت الچفين
مو ياس دنيه وزرع ارياح من جنه
والله ماينوصف صعب الوصف عنه
هنياله كلمن بچه وبدمعه اتحنه
ياعين هلي دمع دمعچ عطر فوحي
يحسين جرحك دوه وضماد لجروحي

[ياسين حردان الساعدي]

شفت زينب مشت للشام= گلت زينب سبت عباس
وشفت زينب صفت بس عين= ومدري شتحچي ويه الراس
وحس الراس مدري شگال= انتفض وعيونه صارن عالظعن حراس
عيونه بگصته صارن =والعينين فص الَماس
خنزر والتوه الحاجب= أرماح يصوب النبراس
تموت بخزرته العدوان= على چبود العده جياس
وچن عيونه تصرخ صوت= شلون الطاهره وي انجاس
زعل والراس ينگط غيض= غيره مغمسه بنوماس
ونبض عرق الهواشم بيه =وجعل ارض وسمه تنحاس
وارتج الرمح يبچي =بعين الشايله احساس
واشوف الراس دم يصب= نزل والرمح صار الكاس
تفيض دمومه بالغيره= اذا زينب نخت عباس
شرار عيونه تتجادح= اذا زينب دنتهه ارجاس
وسمع ام الخدر صاحت= انوليت وغربه هاي الناس
يكافلني وكفو منك= يلباس الكفاله ومدرع وطواس
وحيده شلون ترضاهه= ياخويه واگطع الآياس
خلافك خويه بالذله= عشت خوف وسبي اووهواس
ولن الراس ضل يفتر= مثل فرت خرز بالطاس
ومشه عنه ابتعد امتار =عجيبه ورضه بهل المقياس
شعجب هل الراس فوگ ارماح =وهو الچان ماينجاس
شو هسه تنام سهام =تحته وغفت بالاقواس
شعجب هل الراس گصه السيف =وعلى راس الرمح ركاس
وبچت مادنگت زينب= تحضنه وهامته تنباس
لآن شافت طفل بگماط =اختنگ والطفل طفل انفاس
وطفل ثاني عليه ركضت= وخافت على الطفل ينداس
وطفل ثالث صرخ عطشان= ورابع على الارض رفاس
ونداس بحوافر خيل= شاغ وسكْتت الانفاس
حارت زينب انشدهت= مابين الحرم والراس
ومن ركبت على الهزل= گلت هسه انذبح عباس
شلون اقنع تضل ساكت= وانته بجيش ماتنقاس
قياسك حيدر الكرار نزاع= الدروع وللعزم لباس
عباس اقتنع مسبي =وراضي بهل السبي الفراس
لان زينب مشت للشام= ومشه ويه الظعن عباس
اذن زينب سبت عباس= وبهذا السبي لاباس

[ياسين حردان الساعدي]

يهلنه بغير حبكم ماصحينه
ومثل طلعة شمسكم ماصحينه
نشم نشرب خمركم ماصحينه
مدمن خمرحبكم عليه

[ياسين حردان الساعدي]

اخوف ماخفت ماصحت ياذل
الجبل گدام صبري يخاف ياذل
بيك شلون راس اقتنع ياذيل
راسك والجدم عندي سويه

[ياسين حردان الساعدي]

رسك وينه ؟ واضح رسي آنه
شيعي وماآطخنْ راسي آنه
ولادورت مرسه وراسي آنه
راكب بالسفينه الهاشميه

[الحاج جاسم زرع الله]

شجرة ومن محمد صار فيهه

علي وفاطم وابو السجاد فيهه

ليتيم وسائل ومسكين فيهه

كرام وعلبشر بيكم سجيه

[ياسين حردان الساعدي]

من بعيد نزورك ونكسب اجر= جيت ازورك عن گرب مو بيدي
بلهفة الماضاگ فرحه وطعم =عيد وانه بس يمك احس بعيدي
ــــــــــــــــــــــــــــــــــــــــــــــــــ ــــــــــــــــــــــــــــــــــــ
ياحُسين وانه من اندب حُسين =مثل ندبت آبن حنْ لوالده
وفرق بين اليندب ويـّمْه أبوه= وبين آبن الوكت غصبناَ شردّه
ياخليلي وماآليّ خلٍ سواك= ترضه خلك ياخليلي تبعدّه
وانه اجيتك انزف وكلـّي جروح =وعليّ تدري سيوف وكتي مجردّه
ومثل حرف الآلف صرت بوسط لام =وجرحي من لائك حُسين مضمده
اشكي صفناتي الذبح وسط الغروب= الدمعه بالصفنات تنزل شارده
اشكي دمعه ليل والحسبه صهيل= مهره ملجومه بسجن ومگيده
ياانيس الروح يل بيك النفوس =يطيب الـّه النوح والتغريدي
من بعيد نزورك ونكسب اجر= جيت ازورك عن گرب مو بيدي
بلهفة الماضاگ فرحه وطعم عيد =وانه بس يمك احس بعيدي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
بلهفة العايش غرب بيكم يلوذ= بغيركم مالاذ رغما ً عل العده
الهمه ماينزاح ينزاح بشعاع= الگبه لو لالت وعينه تشاهده
ومن يطب ارضك حضن گلبه التراب= والگلب گض التراب يناشده
ياتراب الماشفت مثلك تراب= خالدٍ يتراب بالـّي خلـّده
شلون ادوس عليك يتراب الطفوف= وانه گصتي اعليك فرضاً ساجده
مايصح اصلاً ركوع ولاسجود= الا فوگ تراب دمك أيده
نفحة الدم الذي ثار الله بيه= شلون ادوس تراب ربك مجده
وانه ادري بگصتي ماتمسهه نار= باليقين وهل الخبر متاكده
لآن سجدتت فوگ تربة ّ لامست= جسد مـّلاك الجنان وقائده
نزل گلبي وعگر جدمي من المسير= وجسمي فوگ تراب ارضك مدده
يريد كل جسمي ابد متمّسه نار= حتى يوم الحشر يعرض شاهده
خاف جسمي يروح للنار بذنوب= والذنوب هواي من حظي الرده
هناك يشهد يعترض يحچي التراب= هل الجسم بالجنه حتما ً مورده
زحفت جسم وروح متعني الضريح= وروحي مني بعيد فرّت شارده
گبلي تركض روحي وتشم الضريح= وترد ليه تعين جسمي تساعده
جسمي فوگ الروح يزحف على الجروح =وروحي فوگ جروحي تزحف عامده
ساعه بيه تصيح عجل بالزحوف= وساعه تركض للضريح تعايده
صاح جسمي لروحي رديلي تعاي= الجسم مابيه روح جثه هامده
روحي بخت جسمي من نفحة هواك= ياهواك الجنه بيه آمورده
وجسمي اصبح ريه ويشم بهواك= وروحي ريه وصرت كل ريه بحده
ومن ترد روحي الـّي انهض واطيح =مثل طفل اصغير بالممشه بده
ماطحت فد يوم بس يمك اطيح =جبل شامخ رغم جور الحاقده
طحت يمك والف هنيالي من اطيح= طيحت النجمات خرّنْ عابده
اصحه انهض انچبح اركض واگوم =گومة الملهوف عبد لسيده
مدري والله شلون طبيت الضريح ؟= وانه احس مشلول وأيِدي إمبريْده
لاحچيت ولاشكيت ودمعي سال =ودمعي يغسل همي مني يفرهده
نزل دمعي وصاح سلم على الحسين= آحسين بچفوفه لسلامي يردده
دموعي تقره زيارتك تبعث سلام =ورد عليه الصوت جرحك سانده
هلا بكلمن زارني وبيه عرف= نعم بالمگصود يعرف گاصده
گلبي بس يمك يحس خير وآمان =ومن يشم اطياف گبرك تسعده
روحي گبل الجسم طافت بالضريح =ثگل جسمي ونشف دم وريدي
من بعيد نزورك ونكسب اجر= جيت ازورك عن گرب مو بيدي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
گلبي ويه الآيد ويحب الضريح= مو ذهب حبيت احبنْ ساعده
ماشفت فضه وذهب شفت الحسين =واگف ايحيي الجموع الحاشده
وحس بيده يهفي وانشع من هواها =نام گلبي وحضن زنده اتوسده
وشم نسمة طيب نزلت على الجروح= ارياح جنه وعلّي هبت وافده
اشهگ وانشغ تفززني الدموع =وترد ليه الآيد وگلبي تهدده
ساعه تدمع عيني من غصبن عليّ= وساعة تدمع بالطمع متعمده
تطمع بلمسة حنان من الحسين= حتى خدي احسين بيده يمسده
وشفت كل خد الشرب دمع الحُسين =مثل خد الورد ويلامس نده
جيتك بلهفة غريب ومالي عون =وانته ادرى بغربتي وتشريدي
من بعيد نزورك ونكسب اجر= جيت ازورك عن گرب مو بيدي
بلهفة الماضاگ فرحه وطعم عيد =وانه بس يمك احس بعيدي

[الحاج جاسم زرع الله]

عيوني تربي للوطن يمته اللقاء
.....يا عراق الخير يل الكلك عطاء

ياعراق الخير انته قصٌتي ......وانته كل ساعه التمرٌ مصيبتي
ياعشك روحي الغريبه بعالمك.......ارد انشدك يمته تخلص غربتي
انهَ يمٌك صارت عروكي ونمت.......والعرك للشجره والهه ينتمي
مدٌت الشجره بغصن منهه بعيد.........والغصن صار ابٌعاده يلتوي
ذبل عوده وانتحل منه الورك........والثمر ظل بي جريد ومستحي
ولن فرد يوم وسال منهه غصن.......ليش حالك كلٌ يومٍِ ِ يرتدي
جاوبه بحسره وحنين ودمعته.........دمه سالت والكلب منه ايغلي
انه من شجره اصلهه يم علي ........وارتوت من دم شهيد بكربلاء
يا عراق الخير يل الكلك عطاء

[الحاج جاسم زرع الله]

فَضلَه من طين العجَن بيه الكرام
وماي صافي ومن نهر بالجنٌه ماي
رسٌك الطيب ومن رسٌ الامام
بعد شتريد والك مفخره هاي
وبيده جبرائيل داف الطين كام
انته فوك اوفوك عالي على الانام

[الحاج جاسم زرع الله]

البيزهَ هواي عن راسهَ وذيلهَ

لاشكلهَ ولاهدمهَ وذيله

هيجي اشكول احقٌرهَه وذيله

اسد خشمي ولمن اتمر عليه

[ياسين حردان الساعدي]

[

زرع آلله يجاسم منسبهم
هنياله اليناسب منسبهم
النواصب اجر نكسب منسبهم
ونسب كلمن عصر ضلع الزچيه

[الحاج جاسم زرع الله]

السواعد والنعم منكم سواعد

رجال الموزمه وللحك سواعد

يبن حردان تسلملك سواعد

بيهه ترفرف الرايه الابيه

[الحاج جاسم زرع الله]

وحك الفاتحه اوكوثر اوياسين
الك بالروح ياخويه يا ياسين
انه وياك نرجع تره الياسين
وجه الوجه بالجنٌهَ سويٌهَ

[ياسين حردان الساعدي]

الگال ربي علي شمحله الهه ورب
مو الله حيدر وصي ماعندي شك ورب
حبّه وشاحي ودرع صايه وعباتيْ وروب
والگلب لوما علي چان الگلب شربيه
والعين تربي لعلي لوما علي شربي؟
سكران وتلـّذلذت من حب علي شربي
والمزه شچوت علي زبده وحلِيبه وروب

[ياسين حردان الساعدي]

شكْـت يالهـي النـاس بالمذهـّب=حارتْ ضّيعـت ماتعـرف المطلـب
شكْت.. والاجتنه افكار مـدري منيـن =يوميه فكر علـى النـاس يتجـرب
عرجان الفكر اّمّيـه نـص لسـان =وكّله تصيح احنه السيـف المجـرب
زرازير وتعلت فـوگ راس نسـور =والسرحان دّوبـح والاسـد حـدب
طْعنوا بالعقيده ولّعبوا بهـل الديـن =والسفاح َوحّـده يصـول بالملعـب
الف شعيط يحتج يضد الـف معيـط =لاحجـه ودليـل والّـّلچذب انسـب
موذنبك ولك يشعيـط يبـن معيـط =ذنب الناس هاي تصـدگ المقلـب
سياسي ودبلوماسي وتحچي بالقانون =خيرك ماشفت بس حچيـك ملّبّلّـب
كل ساعه بشعار وبوق ينفخ بـوق =فارغ دوخه بوخه امْطعـج امـنگب
لاتنفخ ابوقـي مزنجـر ومطمـوم =تنـط وتختـنگ زبــادك يگبگب
بساميرك جَلب لاتـزرف الحيطـان =الحايط ملك ابوك بكيفـك تخـرب؟
من كثر الصور ضلت العين تشيـه =ياهو الي حمامه وياهو منهم ضـب
ماشوفن صور ملزوگه علىحِيّطان =چن صـدام رد بحـقـد مـتّـنْگب
عراقي ودمي حار شلون عندي نعال=ارگعكك بيه رگعه وصورتك تخـرب
لاتگلي عروبه ودين بـس ارهـاب =اعرفهـن هذنـّي بغيرهـن العـب
كل حچيك سراب وكل صدگ مابيـه =مثل الماي فوگ العلوه من يـنچب
اقوالك حُسين وشمر افعـالك=وًّيه ابليس گاعد تاكـل وتشـرب
ويّ ثوب الگصير تنام تاكل ليـش =ومحـزم معـاه اِمّـوزر مشرشـب
انه حسين مني ومنـه ابـن زيـاد=ويزيد شلون ويه حسيـن يتحبحـب
صحيح انه الفكر والنهج اهل البيت =وهم شايف صحيح يعاشر الاجرب ؟
بسك ماكفـاك الصـار والسويـ =تماتسمـع دمـوم اطفالنـه التثغـب
لو العب ويـاك وانـه كـل الزيـن =بسك مـن عرفتـك بعـد ماْلّعـب
ادري منين اجيت بيا ضلام الفيـت =والموطـن اعرفـه وويـن تتـدَرْب
اجيت اْمفول ومشحون عالي الگيـج =يجي يوم وتّچسي والشحن ينضـب
ساعـتـه اگص لسـانـك الچذاب =وعلى گصتك اعلگه يلولح يـذرذب
مراجعنه اسكتت مـو جبـن لاوالله بس= تعرف وكتنـه الصبـر يّطـّلّـب
بس تعرف وكتنـه الصبـر يّطـّلّـب

[ياسين حردان الساعدي]

زنبيل الحقد لوجاك عبله
وبچف التسامح كرم عبله
مثل عنتر تَعنْهّ وعشگ عبله
الشهامه تعتتني لذاته آبيّه

[ياسين حردان الساعدي]

بالفلق اقسم قَسم= وبْطه وب.. ياسين
للعتره روحي نذر =الّ النبي.. ياسين
واشكر اله العرش= اسمي صبح.. ياسين
ولساني يلهج شعر= صوتي شبه.. حردان
أفرح لااسم النبي= هيهات اضل.. حردان
وخادم لشيعة علي= ياسين اَبنْ ..حردان
وحزام ظهر الآخُو= ماگصرت.. ساعدي
حميدان اصل الفخذ= امن الكورجه.. ساعدي
بالطف وگف جدنا= اسّهيل أَبّْنَ سهل.. الساعدي
ومن جدي وارث بخت= والبخت عد.. حمدان
ماانتخيّ للنذل =ولَلَزين اضل ..حمدان
وللباري اسجد شكر= طول الدهر ..حمدان
وغّيرت أسم المره= وسَمْيَتها.. ساره
لآن مقرون هذا الاسم= بالفاضله.. ساره
جابت وربت كنز =وّلّناضريّ.. سّره
بنتين جابت الّي= وثالث خلفتّيّ.. وْلَدّ
ادعو الاله الصمد= ماله شرِيكً.. وولد
احضى بلّم الشمل= الفرگه سمّْ.. وَألد
واشوف نور الهدى= وْمْن الهدى.. نوره
ولو مر عليه الحزن= واذكر اسم.. نوره
ينجلي الهم العّليّ= گلبي يشع.. نوره
وزينب اليّه ونس =فّيّ يقظتي وبّ ..الّطف
خادمةّ زينب نذر= لّلّخالده الّ.. بطف
ياربي اريد الستر= ياربي بّيّه اْل....طف
واحفظ ألّيه الولد= اْلّسميته نور ..الدين
ابني وذخر دنيّتيّ= وهو اليرد.. الديّن
لو جار وكتي علّيّ= لو گصرت الآيّ.. دّين
وارحم الّي واليدي= السمّاني اَسم ياسسسسسسسسسسين
يل تقرءرون الشعر صلوا على ياسسسسسسسسسسسين

[ياسين حردان الساعدي]

غّمْه الماعرف دربه ضميراك
الفقر مو عار لو وكتك ضميراك
الفقر لومات ياصاحب ضميراك
الغنى من ترفض المابيّه حميه

[ياسين حردان الساعدي]

جثه وبلايه الراس لايسره ويّمين
يلتم جسم عباس لو صاح الحسين

[الحاج جاسم زرع الله]

السلام عليكم اخي العزيز الاستاذ ياسين المحترم

التم لوَنيٌ تراب من بعد لسنين
هيج البخت ياناس يندهني لحسين

[ياسين حردان الساعدي]

عزيزي الفاضل الحاج جاسم زرع الله
وعليكم السلام وحياكم الله

يلتم جسم عباس باليقظه مو طيف
شالت رمح يسراه باليمنه كض سيف

[الحاج جاسم زرع الله]

ياحيف يمنه اتطيح واليسره ياحيف
يحش البكايه الروس جَن بيدهَ السيف

[ياسين حردان الساعدي]

شتظن نواسي احسين وبّجرحه نهتم ؟
لاوالله منواسيه لو نبچي من دم

[ياسين حردان الساعدي]

لـيــس للـبـدرشـبـيـهـاً=هـي طـرگاعـه وبـلـيـه
هــي كالشـمـس شعـاعـاً= سبـت گلبـي هـل البنـيه
خـدهــا الـوهــاج دومــاً= نار شـبـت بـين اديه
زاد في القـبِ احتراقاً= ماطفه وناري سريه
هي كالـسهم اختـراقاً=من تصـد بالعـين الـيه
ترمي فـي القلـب سهامـاً= بالعــيـون العـسلـيه
كـشـبـيهِ الدرعـنقاً = زاد عـلى الدرآلمعـيه
كشـبـيـهِ الـناي صـوتاً= بليل يعزف وبشجـيه
يـدخـلُ ألآذان سحراً=ايزيح كـل هـم العليه
هي كالصـبحِ سـروراً=حلـوه طلّـته وبهيه
وحياءاً وسروراً وسماراً= بيهن انجمعـن نويه
فـي هــدوءٍ واتـزانناً=حـلـوه مشيـتـه اِبهّـديه
كـغُـصـين البان خصـراً= يموج طـيـب واريحـيه
ورثت هــذا الجـمالاً= من اهّـلّه السومريه
يـاقـمر هـل بهـاءاً= غـروب وبنص المسيه
يانسيـماً هـب عـذبـاً= شلون وانه بطـرگ ريه
هــب عذباً بـانـسـيـابـاً= مـثــل ماتنـسـاب حيـه
لهـا عطــرٌ كـوروداً = ورد شـده بمزهـريـه
هـي وهجُ واحمراراً=هيـه هـيه شلون هـيه
حائرُ فـي الوصفِ دوماً= شـلون اوصفه خطـيـه
قـد اُسـيئ الوصـف ظلـمـاً=خـايف اتحمل أذيـه
كيف مـاءِ مـع نـارآ=انخبطـن انجمعن سويـه
طـرباً عـشت بهاءاً=مـن تجـي تسلـم عـليه
حائرُدومآ كـئيـباً=من تجافـيـنـي برديه
واقـُضي الـلـيـل حزنـاً=چني طايحـلي بهـبـيـه
نعـمة الحـب عـطـاءاً=نعـمـه مـن رب الـبـريـه
احـمـدك يـارب شـكـراً=كل وكت صبـح ومسيـه
يالهي الكـون دوماً=ديـم بارك هل العـطـيه
ياكريمآ في سخـاءاً =والنعـم هـاي الهـديه

[الحاج جاسم زرع الله]

منواسي لحظة ضيم لو نكطه من دم
من ادم الهليوم لو كلهه تلتم

تحياتي الخالصه وياحبذا بالتواصل

[ياسين حردان الساعدي]

المقطع الاول

الوطن ساحة قدم بي لعبت الانذال
والهدف صارالشعب والطوبه عد حيال
لاحامي ضل للهدف والهدف صارهدال
هذا الوضع بالبلد والوضع كلش طال
عصفور بيد الطفل هم يعلم بحاله؟
العصفور شايغ الم والطفل يحلا له
بهل الحاله صارالوطن بيدين نشاله
مجروح ينزف دمه منهوش بالفاله
بآسم الديانه انذبح والقاده حيّاله
تفرهد زكاة وخمس منهوبه امواله
واهل الديانه الصدگ سكتتّ على افعاله
واهل السياسيه العنب باگوه بسلالّه
منبوذ كلمن رفض والباگ هنياله
ومابين حلگ السبع صرنه باخس كل حال
الوطن ساحة قدم بي لعبت الانذال
والهدف صار الشعب والطوبه عد حيّال
لاحامي ضل بالهدف والهدف صار هدال
الوطن ساحة قدم بي لعبت الانذال

[ياسين حردان الساعدي]

لونگطع الاوداج منواسي ميمون
من رد بلايه حسين ويهل العيون

[ياسين حردان الساعدي]

المقطع الثاني
لاوين ننطي الوجه الروح محتاره
كلمن يصرح شكل يّتبآه بشعاره
كل حزب يفضح حزب ويطلع اسراره
واحد يگول المره المفروض تتداره
تتساوه ويه الرجل وتصير ختياره
وواحد يگول الرجل قوآم بفكاره
بآسم الشرع هل الحچيّ والفتوه طرارره
اشكال تسمع حچيّ ياحَچيّ تختاره؟
وذاك زعيم الحزب يشتري بانصاره
ولوشاف غيره احترگ يچمل بناره
يابس واخضر حرگ كلمن حرگ داره
ايران تحچيّ شكل تركيا عيّاره
الاردن يوزع حقد وحدوده خّرّاررّه
والشام صارت وكر لّلّي ذبح جاره
وحكام كل العرب بالقمم مكاره
وشيوخ اهل الغدر للخان تسّْياره
وللبعث صاروا سند وضيوفوا خطاره
واميركا بيّنه ذبح تقصف بطياره
باگوا نفطنه غصب بجيوش جرارره
وانطتنه ماي وخبز حسبته بقطاره
خير البلد والنفط لاوين مسياره؟
حمام دمنه رجع ودمومه فواره
چى وين اهل الوطن چى وين احراره
ياهيه سمر الزند ياخيرة اطهاره
ياهل المضايف هلي ياصفوة ابراره
يلطم مضيف الشيم وتهدل هطاره
هذا وطنه انتهه واسواره منهاره
اظهر يمهدي الامم جيب النه البشاره
واجلي الظلم والعدل خل تنجلي انواره
يم الحُسين السبط مذبوحه زواره
والدم صبح للركب ويوميه هل الموال
الوطن ساحة قدم بيه لعبت الانذال

[ياسين حردان الساعدي]

يامحمد حبيبي يامحمد
يامحمد طبيبي يامحمد
الكون ابميلادك ردد
اهلآ اهلآ يااحمد
ارض وسماء تنادي
نفديك يامحمد
ــــــــــــــــــــــــــــــــــــــــــــــــــ ــــــ
هالليله مولد انولد اشرف نبي بهل الكون
جبريل واملاك السمه خلف الرسول يصلون
بتكوين رباني انخلق اعجاز بالكاف ونون
قبل النبي مامش بشر بسم النبي يتسمون
لو اسمه مرعلينه= جن وانس صلينه
ياوالد الامجادي= نفديك يامحمد
ارض وسماء تنادي= نفديك يامحمد
ــــــــــــــــــــــــــــــــــــــــــــــــــ ــــــ
لو نسمع بأسم النبي نصلي اعلا اسمه واله
وكلمن يصلي ماخسر حصل مراده وناله
ونوالي اصحابه النُجب مو صحبته الدجاله
ولازم نصلي ابلا بتر مرفوضه هاي الحاله
كامل صلاة انصلي= والبتر خل يوّلي
ولّلّيبتر احنه نعادي = نفديك يامحمد
ارض وسماء تنادي= نفديك يامحمد
ــــــــــــــــــــــــــــــــــــــــــــــــــ ـــــــــــــ
فلقة قمر وجه النبي سبحان رب القدره
من ريحته جنة الخُلد فاحت بريحة عطره
صوت الله بلسانه نطق ووحي الالاه وسره
وتحمل بصدره الرحب ثقل الرساله بصبره
والله الجبل تصدع= لوأيه تنزل يخشع
صاح الجبل والوادي= نفديك يامحمد
ارض وسماء تنادي= نفديك يامحمد
ــــــــــــــــــــــــــــــــــــــــــــــــــ ـــــــــــــــ
مريم نزل الّه رطب وجابت نبينه عيسه
وامنه أمك بت وهب مريم اجتها ونيسه
وهاجر سعت مروه وصفه ويمك اجت محروسه
اسماعيل بسمك من ندب زمزم صفت متروسه
وهدالك العصه وسجد وصلى على اسمك موسه
وعيسى علآ مهدك رگع ورن بجرس ناقوسه
سليمان ببساطه هبط وعالخد طبعلك بوسه
كل نبي بهل الليله نزل وقدم الك قاموسه
كل نبي صاح ومرسل = ياأحمد انته الاول
ياطه انته الحادي= نفديك يامحمد
ارض وسماء تنادي= نفديك يامحمد
ــــــــــــــــــــــــــــــــــــــــــــــــــ ــــــــــــــــ
رحمه وسرور ومنفعه لو بشر يذكر اسمك
حكمه وأمان وموعظه كلمن نهل من علمك
عفه وطهاره وعاطفه فاز الذي يفتهمك
طيّبه وعليله ومنعشه كل نسمه مرت يمك
لگبرك اشتاگينه= لزيارتك حنّيّنه
نطلب نريد مرادي= نفديك يامحمد
ارض وسماء تنادي= نفديك يامحمد

[الحاج جاسم زرع الله]

ميمون ياميمون وشلون رديت
جا وين ابو السجاد مطروح خليت

[ياسين حردان الساعدي]

http://youtube.com/watch?v=X34TnXwkD6g

اسمك علوم الله =ياصاق العتره
جعفر واخذ معناه= من كوثر الزهره
لمصابك ناح= كل منبر
بقيعك صاح =ياحيدر
ـــــــــــــــــــــــــــــــــــــــ
لگيتك ياابو موسه =نهج رب السمه القيوم
وللمختار قاموسه= لفاطم واثنعش معصوم
يفقه المهدي ودروسه = واذا قام القيامه تقوم
يظهر ويّ نبي عيسه= لو ظل بالدهر بس يوم
كلام الله دستوره
شعاع الدين من نوره
يريت نعيش لظهوره
ياليتنا وياه ونشاهد الطلعه
حتى الگبر نلگاه ونتعنّه للبضعه
يهد الحيل =هل المنظر
بقيعك صاح =ياحيدر
ــــــــــــــــــــــــــــــــــــــــــــــــــ ــــــــــــــــــ
ياوارث رسول الله = ورثت الصدق من جدك
يوارث فاطمه الزهره = مصحف فاطمه عندك
ورثت الهمه من حيدر =اسد غالب على الضدك
يمينك حمل ذو الفقار=واسم حيدر حرز زندك
الحسن غذاك من جوده
بكرم عباس وزنوده
ورثت حسين وصموده
ياوارث السجاد والباقر المظلوم
مثل الابو لليوم گبرك صبح مهدوم
ضريحك طاح= وتكور
بقيعك صاح=ياحيدر
ــــــــــــــــــــــــــــــــــــــــــــــــــ ـــــــــــــــــ
ياموسى اعلا كل فرعون= والفرعون غرگته
علمك هد عرش قارون=وسور الظلم هدّمته
يقينك بسملة ذا النون=وصبرك يوسف وقصته
وجودك حافظ اعلا الكون=وللاسلام ثبته
نشرت افكار اجدادك
ورويت اخبار احفادك
وبقية الثار باولادك
ياسيدي القرآن وضحّته بافكارك
وزدهردت الاديان من ومضت انوارك
ضيائك لاح= ياجعفر
بقيعك صاح =ياحيدر
ــــــــــــــــــــــــــــــــــــــــــــــــــ ـــــــــــ
انتقل صبر النبي بختمك= وگلت توقيعه توقيعي
دواته وريشته بقلممك= بالمنهج التحقيقي
ودم حيدر نفس دمك= بالواقع التطبيقي
ومثل سم الحسن سمك= منصور الدوانيقي
عشت عصرين يلصادق
ولسان الدين ظل ناطق
وفديت الروح للخالق
مثل الحسين افديت روحك يبو الكاظم
مثل الحسن عانيت لكل طاغي وظالم
هظيمه راح= ابن شبر
بقيعك صاح =ياحيدر
ـــــــــــــــــــــــــــــــــــــــــ
صبر ال النبي وبيته= تجسد سيدي بصبرك
اشكثر ظلع امك بچيته =وعلى الزهره لطمت صدرك
شكثر للحسن واسيته= ونعيت حسين كل عمرك
الدين بآيدك بنيته=وسافه ينهدم گبرك
صعب امرين عالطبره
صفن گبرين متفجره
تون للحين سامره
المشتكى لله ياصاحب العصرِ
حاشا الوضع ترضاه ياطالب الثارِ
متى الگبرين= تتعمر
بقيعك صاح =ياحيدر

[ياسين حردان الساعدي]

المقطع الثالث



لاتبيع گيرك علّي =مواحنه گياره
آمفتش ولك باللبن =شعبالك حجاره
قاريك وجه وگفه=ماتصيرالك چاره
ولّلممحي اقره عدل= ماحاجه نظاره
تاريخ عمرك غدر=معروفه اخباره
گلبك مزنجر حقد=ماطاح زنجاره
چذاب اعرفك صلف= صايرلي نغاره
هم شفت ذيب الطبع =تتبدل اطواره
الذيب طبعه يضل = ماينگلب فاره
ادري واعرفك نذل=والصفه غداره
حيه بسمومك ترش= وسمك غدر چتال
الوطن ساحة قدم=بيه لعبت الانذال
والهدف صار الشعب= والطوبه عد حيال
لاحامي ضل للهدف= والهدف ضل هدال

[ياسين حردان الساعدي]

الحسن يسئل اخوه حسين =وزينب تسئل العباس
دم الهادي لو حيدر= ينزف ونطبر ياراس
ــــــــــــــــــــــــــــــــــــــــــــــــــ ـــــــــــــــــــــــــ
ياراس انطبر هل اليوم =خويه حسين جاوبني
اشوف الدين شال دموم = ويصرخ ياعلي ادركني
ومن نحر وچبد مسموم= ونزل على الطبره متعني
أنخبط بالدم چبد مسموم= وعلى اركان الهدى يحنّي
يصلي وخاشع الانفاس
ويدعي باقدس الاقداس
الحسن يسئل اخوه حسين = وزينب تسئل العباس
ــــــــــــــــــــــــــــــــــــــــــــــــــ ـــــــــــــــــــــــــــــــ
حسن ياخويه هذا الدم= نفس دم آمي يوم الباب
ومثل دم چبدك ألينسم = من ترفض شريعة غاب
بدم نحري احس واشتم =طلع من دم علي من انصاب
چبدك نحري ظلع امي= شبگن هامت المحراب
كل قطره بنبي تنقاس
من دم حيدره النبراس
الحسن يسئل اخوه حسين= وزينب تسئل العباس
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
زينب تنشد الخوان= عباس وحسن وحسين
يخوتي انهدمت الاكوان= واشوف اهتزت الكونين
وطلع من الشمس دخان=وشگ بطن السمه نصين
كل نص كبر الآذان= وصاح انهدم ركن الدين
الصليب يصيح والقداس
حيدر منطبر ياناس
الحسن يسئل اخوه حسين= وزينب تسئل العباس
ــــــــــــــــــــــــــــــــــــــــــــــــــ ـــــــــــــــــــــــــــــــــــ
زينب تنشد الضرغام = والعباس رد بأه
چفوفه تصيح والصمصام= عونچ انه ياآختاه
يخويه المنطبر بالهام= شبه جدي رسول الله
وصرخ عباس وي زينب= وحسين وحسن وياه
ياجدي صفينه ايتام = حيدر مات ياجداه
راح الضيغم النبراس
سگف الدين تاج وساس
الحسن يسئل اخوه حسين= وزينب تسئل العباس
ــــــــــــــــــــــــــــــــــــــــــــــــــ ـــــــــــــــــــــــــــــــــــ
زينب صاحت ونادت= ياابو فاضل يلمنفل
بسجن روحي المحن زادت=وعلّي باب الفرح قَفل
وتعرف باختك شرادت =واعرفك بالشّيم تحفل
واذكرك خويه أبوّي شگال = بس عباس الچ يكفل
الكفاله تناشد النوماس
البساله اترجم الاحساس
الحسن يسئل اخوه حسين= وزينب تسئل العباس
ــــــــــــــــــــــــــــــــــــــــــــــــــ ــــــــــــــــــــــــــــــــــــ
دين الله ثبت بنيان= من كد حيدره وتعبه
امير اعلا الانس والجان= الملائك جنده وشعبه
الولايه بحب علي عنوان= الامامه بصلبه متشعبه
حيدر صاح من طبروهه= فزت ورب الكعبه
القلم والسيف والقرطاس
نزل دنگ عليه وباس
الحسن يسئل اخوه حسين= وزينب تسئل العباس
دم الهادي لوحيدر= ينزف ونطبر ياراس

[ياسين حردان الساعدي]

رد يخبر السجاد وعمته العقيله
على الغبره ظل حسين محد يشيله

[ياسين حردان الساعدي]

مجنونه روحي بعلي = مو حگي لو جنيت
اگعد اگومن علي= امشي علي ناديت
أضحك اگولن علي= حيدر اصيح أبچيت
محرابي هامت علي= بدم طبرته توضيت
لوثگل حملي علي= بس اندبهه خفيت
دمّي كتب ياعلي= فوگ الگلب خطيت
مكتوب واله علي= للگلب لوفتحيت
الهج باسمك علي= لو صبحت وامسيت
اطبر صحت ياعلي= بدم طبرتي تحنيت
شرياني يصرخ علي= جاوبني من لطميت
وعرفت زاير علي= من ريحته اشتميت
والگعبه گبة علي= زاير مشي تعنيت
مليون حجه لعلي= ماتكفي لو حجيت
احرامي بيرغ علي= من رايته التفيت
موسبعه شوط لعلي= سبعين الف فريت
معجون دمي بعلي= من تربته اترويت
مدهونه روحي بعلي= مثل الدهن للزيت
سجاده تربتة علي= مفروشه وين مشيت
بالشده اصيحن علي= تنحل اذا ندبيت
زيد الشدايد علي= بجاهك ياربي دعيت
حتى يجيني علي= بكل العمر ياريت
بلسم جروحي علي= من نورهه اداويت
طيبني طبك علي= مسني الجنون شفيت
محله الجنون بعلي= هايم همت هميت
شمحلاهه لايگ علي =مسودن علي اتسميت
بالكون لوما علي= كل حيّ نشوفه ميت
وكل حيّ يحضره علي= لوواله اهل البيت
ولّ مايحبك علي= من صحبته اتبريت
وعرفت الله بعلي= من رحمته تغذيت
صا دق يقيني بعلي =والله ماشكيت
نور الله حيدر علي= والله ماغاليت
توفيقي بالله وعلي= والله ماكفريت
اذان مابيه علي= والله ماصليت
شنوهذا حبك علي= اعجز اذا وصفيت
لو تفك گلبي علي= تگله علي خطيت
عاجز اوصفك علي= ياسيدي احتاريت
ياعلي انته علي= كافي وكفو وكفيت
عالي علي بعلي =برب العلا تعليت
اعرف معاجز علي= اتعب اذا عديت
بس انه اسائل علي= واعتب عليه ضليت
شمس الله ياابو الحسن= فاتك فرض رديت
واذن مليك السمه ومن= اسمعت صليت
شنهو السبب ياعلي= عن ابنك توانيت
رديت بيدك شمس= وللگمر مارديت
عباس على المشرعه= طايح عمود البيت
وعباس ندري گمر= وللگمر مارديت
ماشفت خيل العده= من داست الخدين
ماشفت رجت الارض= من طاحت الچفين
ماشفت حزن النهر= مالمسته الشفتين
ماشفت عين الگمر= عين بكتر عن عين
كل عين بيه خجل= حسره ودمع وونين
حسره ومراره وخجل= لاطفال عطشانين
ودمعة كفيل لااخت= واعدها يوفي الدين
والونه زينب بچت= فگدت حيود اثنين
ماشفت يبچي العرش =بكسر ظهر الدين
ماشفت ركضت اخو =يركض لااخوه الزين
ويصيح خويه ارحلت= ياخويه رايح وين
بلحظة وداع اطلبك =تحضرني خويه الحين
ساعة منيتي دنت =وردتك تغمض العين
رايد اشمك جسد= ونتحاضن الروحين
ماشفت غاب الگمر= وارتجت الثقلين
ماشفت راس الگمر =والجثه مفصولين
ماشفت الله بچه= من وداعاه حسين

[ياسين حردان الساعدي]

من جار وكتي علّي= عادوني جيراني
وألّي احسبه اخو= بجروحي خلاني
سد بابه عني ومشه= مايوم خاواني
مجروح يسمع يون= ماشفته داواني
وكل ماآطيب الجرح= يطعني بالثاني
ومن گتله افزع الّي= أرهابي سماني
حاچيته عن مبدئي= طائفي سواني
موعربي انه اصبحت =اصبحت ايراني
انه العراقي الجذر= اشوري كلنداني
وانه العراقي افتخر= وافتخر عدناني
تاج اعلا راسك اضل =شمس ونجم وهلال
الوطن ساحة قدم= بيه لعبت الانذال
والهدف صار الشعب= والطوبه عد حيال
لاحامي ضل بالهدف =والهدف صار هدال
هذا الوضع بالبلد= والوضع كلش طال

[ياسين حردان الساعدي]

انتَ وصُي الله= انتَ حبُيب الله
غيرُك لن نرضاه= انته ولي الله
علي سدي المنيعي
علي خلاني شيعي
علي يصبح شفيعي
ياللللللللللللللللللللللللله
ــــــــــــــــــــــــــــــــــــــــــــــــــ ــــــــ
ياابا الحسن شكرآالك= احمد بصادق نيه
عندي ابو يحبك علي= والوالده شيعيه
ومن والدي وامي= اسمعت اسمك علي يوميه
من اسمع بأسمُك= علي هواي اشعر بروحيه
اسمك حلو وكلُش جميل
اسمك حلو وماله مثيل
سّماك الرحمن= بحروف القران
إنتَ كتاب الله
انتَ سحاب الله
انتَ شهاب الله
انته ثواب الله
علي صومي وصلاتي
علي حّجي وزكاتي
علي يحضر مماتي
ياللللللللللللللللللللللللللللللللللللللللله
ــــــــــــــــــــــــــــــــــــــــــــــــــ ـــــــــــــــ
شمحله العشگ ياابو الحسن= مابينك ومابيني
لوما غرامك ياعلي= ماتسوه كل أسنيني
مطلوب الك كل العمر= وشلون ا سدد ديني
وكل ما امد ايديّ الك= اكثر بعد تنطيني
طبعك وفيّ= ولطفك عظيم
طبعك وفي= وجدآ كريم
تحضر بالشدات= بساعات الكلفات
آنتَ عطاءُ الله
انتَ سماء الله
انتَ كساء الله
انتَ بهاء الله
علي سلوة زماني
علي يلهج لساني
علي يحفظ كياني
يالللللللللللللللللللللللللللللللللللللللللله
ــــــــــــــــــــــــــــــــــــــــــــــــــ ـــــــــ
يابا الحسن عندي= طلب تقبلني عندك خادم
وبخدمتك اگضي العمر= وتفاخر اعلا الوادم
لو أشرت ازحف الك= عالراس اجيلك قادم
وهنياله كلمن يوصلك= ولّي تاخر نادم
ياسيدي احنه العبيد
ياسيدي نخدم نريد
ونأدي الطاعات= ياسيد السادات
انتَ كلام الله
انتَ امام الله
انتَ قيام الله
انتَ صيام الله
علي سيف الله زنده
علي كل احنه جُنده
علي يقبلنه عنده
يالللللللللللللللللللللللللللللللللللللللله
ــــــــــــــــــــــــــــــــــــــــــــــــــ ــــــــــ
ريت انحسب لاخر نفس= خادمك يابو السبطين
وعند الزچيه انقبل= ويم زينب ويم حسين
شرياني دّمي منحري= فدوه وهبِه للچفّين
وعين الّي ماتبچي الحسن= ريت العمه بهاي العين
لآل النبي فدوه نروح
لآل النبي ننزف جروح
ونهل الدمعات= في كل اوقات
انتَ دموع الله
انتَ طلوع الله
انتَ خشوع الله
انتَ ركوع الله
علي هو حبيبي
علي هو طبيبي
علي يصبح مجيبي
ياللللللللللللللللللللللللللللللللللللللللللللللله

[حيدر ال فتله السماوي]

السلام عليكم
الشاعر ياسين حردان هنيئا لك حبيبي
اسمح لي ان اضع هذا المقطع مع قصيدتك الجميله لينالنا الثواب معك انشاء الله

لجلك عمر يا بالحسن وسنينه كلهن فدوه
يل عالبشر واب كل دهر ماخذ وسام وقدوه
بس منهجك لنّه العدل ماي وتشلبه العلوه
يتأملك انته الكلب أيّسني من كل سلوه
يالمنهجك تاج وشموخ
كل علّه يم نهجك تفوخ
يمطيب العلّات
ومنشف اللوعات
انتََ نسيم الله
انتَ عليم الله
انتَ حكيم الله
انتَ كريم الله
علي اصبح ضميري
علي ايمامي واميري
علي بكبري سميري
ياللللللللللللللللللله

[ياسين حردان الساعدي]

السلام عليكم ورحمة الله وبركاته
الاخ الشاعر المبدع حيدر آل فتله
اني لم ادخل عرين احد الشعراء الا لٍمن فتح قلبه ليّ
وسررت اليوم عندما رايت شبلآ من اشبال ليث ا لقصيده الحسينه
وفارسها الشاعر الشيخ المرحوم عبد الاميرالفتلاوي
رآيتك اخي العزيز تتجول بين بيوتات قصيدتي الحسينه( انت وصي الله ) وفتحت البيوتات ابوابها سرورآ
مستبشره ومستقبله الشبل القادم من فرات الشعر وكحلاء وغراف وواحات آل فتله.....
واني لااعجب اخي حيدر... اذا رايت الشبل في واحات المنتدى يسائل ويتسائل عن الاوزان
... وهو ابن العشيره التي انجبت فطاحل الشعراء ومخترعوا الاوزان والالحان الفطريه الآاميون الذين تعلموا منهم من تاكدموا على انوارهم الوزنيه اللحنيه المعتمده على الاذن الموسيقيه....

حيدر كل حچينه بحور فتله
انبرم غزل الشعر بمضيف فتله
لاتدرس اوزان الِكتب فتله
الاذن مقياس حسك شاعريه

[حيدر ال فتله السماوي]

السلام عليكم
الاخ الكبير الشاعر ياسين حردان
اشكرك لتقبلي وجزاك الله الف خير
واشكرك لكلامك الطيب الذي انا دون منه حقيقة
واسال الله ان لا يحرمك ولا يحرمنا من هذه الخدمة المشرفة في الدنيا والاخرة
كلامك سوالي واهس يا حبيبي الغالي فكتبت هذا المقطع الثاني فاسال الله القبول

انته الزكاة انته الخمس انته الصلا ياحيدر
انته الركوع انته السجود انته التشهّد واكثر
انته العمود الوكفة عليه السمه والمصدر
يالطاوعت امرك شمسنه وبيدك الكون افتر
انته امن اذكرك بالصلاة
احيي اي جزء من عدهه مات
دربك حك ممشاه
انته اقرب لله
انتَ جنان الله
انتَ امان الله
انتَ اذان الله
انتَ لسان الله
علي صيتي وجاهي
علي وبيك انه اباهي
علي وبيك ارضي الاهي
يالللللللللللللللللللللللللله

تحياتي للجميع
صغيركم حيدر

[حيدر ال فتله السماوي]

يياسين الشعر مطلوب وزنه=نحط عالقاعده بميزان وزنه
توازينه عله ظلمه بيوم وزنه=لجن طبّيت شو نور وزهيّه

[ياسين حردان الساعدي]

حيدر ما ْگلتّلك عوف وزنه
الورد لمّن تفرگه يفوح وزنه
انته تگول ظلمه بيوم وزنه
اتّوازهه شلون واهلك شاعريه؟

[حيدر ال فتله السماوي]

يياسين الاذن تخطي ال توازن
اهم شي ساس لليعله ابتوازن
ورود الروح عالافضل توزان
تشمهه عيون بس تخطي السهيّه

[ياسين حردان الساعدي]

عزيزي الفاضل الشاعر حيدر أل فتله
حياك الله على ماكتبت من ابوذيات على موضوعنا وهذا دليل شاعريتك وطبيت نفسك تسلم
واشكرك جزيل الشكر
واليكم هذه الابوذيه عسى ان تنال رضاكم
هله بلّي گصدنه وكتب شعره
وتشلبه اعِلآ القصيده وگلت شعره
مسودن مّاگطّعت ويّاه شعره
اَرحب بيك يل ذاتك ابيه
والف هلاوحياك ياابن فتله العزيز

[حيدر ال فتله السماوي]

واكثر بالمحيي
حبيبي الغالي الشاعر ياسين حردان يعلم الله ما هي منزلتك في قلبي يا خادم اهل البيت ع
اشكر كلماتك الطيبه في موضوعنا وهذا ايضا دليل شاعريتك وطبيت نفسك ومشكور
بس لو شويه تنطي للخط الحجم العادي لان مكبره زايد وانه احب الحجم الطبيعي المعروف
واشكرك مره اخرى
واليك هذه الابوذيه عسى ان تنال رضاك


كتبت ال حيدر بصك أو سوادين=فخر كون بعلي يطكني ال سوادين
انه تشلبيت بعيوني بسوادين=سوادي وياه سوادك للحميه

[ياسين حردان الساعدي]

اخي الفاضل حيدر الفتلاوي
احسنت واجدت واجرت واصبت واغنيت واثريت
موضونا الذي كان يخص الاوزان
ولنبتعد عنه بعد ان اغنيناه وتعبناه
ولنتحول عنه ان احبتت؟
سواء حصل خسر وكتي سواءدين
انه الرابح عشگ حيدر سوادين
يرن اسمك علي باذني سوه دين
ودندن بالائمه الجعفرررريه

[حيدر ال فتله السماوي]

حبيبي الغالي واخي الكبير الشاعر ياسين الساعدي
احسن الله اليك ولا حرمنا من وجودك يا طيب وانا وياك شنهي التريده حاضر مولاي الغالي
كول

ربحتك يا علي وما ضن خسرتك=اهن تكّين بفّاديْ خسرتك
ازامط بيك بسراريْ خُسرتك=انه اكدر ما اسر بس انته اليّه

[ياسين حردان الساعدي]

اخي الفاضل حيدر الفتلاوي
احسنت وبارك الله بك ياخادم اهل البيت
احسنت يامن جعلتني اكتب لاهل البيت وانا
اشكرك ياابن الاجاويد

اخو ضمضم عليه واخوسرني
وآخو احزن بجيته واخو سرني
سرني الماخسرته وماخسرني
الشيعي الخدم خدام الزچيه

[حيدر ال فتله السماوي]

سلام عليكم
جميل التواصل معك حبيبي الغالي ياسين الساعدي
احسن الله اليك بعد روحي يا طيب


اخو طرّك قميص الشر وخوشر=وخو يكبل هله ومرحب وخوشر
وخو ما ينحزر احْشر وخوشر=وخو اتّاني مثل جيتك اليّه

اليك هذه الابوذيه التي سترجعنا لعلي وانت معي


انه ال جسمي بعلي اتمغط وطكطك=وسولف بي حجي مفشّك وطكطك
عن الحاسد مثل حرمل وطكطك=طرد كل روح بيهه الشر اليّه

[ياسين حردان الساعدي]

احسنت واجدت وابدعت يالغالي
وحگ الكاف هاء يا عين وصه
محمد بس علي الكرار وصه
علي من مات شوف شگال وصه
الطبرني ضيف طول النفس بيه

علي بسيفه نصر دينه وطاه
علي الگلاب عاليها وطاه
علي الشجعان بنعاله وطاه
علي امفلش حصون الخيبريه

[حيدر ال فتله السماوي]

سلام عليكم
حياك الله مرة اخرى يا غالي واحسنت
معذرتا الاشارة ضعيفه عندي في البيت البارحه مساءا
متواصلين


طفل يبجي واجيب منين لبناه=خذاه حسين والمطلوب لبناه
اسف رد الجواب بساع لبناه=لجن راميه اكل جف الرميّه


وحك سورة سبا ويس والكاف=علي الما خاف طبْر الموت والكاف
علي الصال عله كلمن صال والكاف=علي الطشّر جموع البربريه

[ياسين حردان الساعدي]

السلام عليكم ياحيدر
السلام عليكم ياخادم اهل البيت يامن جعلتني وحفزتني الى الكتابه وخدمة اهل البيت
وبما انك خادم الى اهل البيت فاليتني اقبل تراب اقدامك
يامن شسع نعلك كعبتي
اتيك اليك في بادي الامر متحديآ وبعدها متنافسآ
والان اطلب منك المشاركه معك معآ لخدمة اهل البيت فهيا بنا انا وانت لخدمة
من تتفتخر وتتشرف الملائكه بخدمتهم

ابّدمه احسين گال الدين لبناها
اخذ بيده الرضيع وشال لبناها
وشرب دم السهم عطشان لبناه
وحضن چفه وتوسد للمنيه

اضل اخدم علي ونهجه ولاكف
انه مسدون عشگ حيدر ولاگف
بسبب ماصح بشر مثله ولاكف
محمد بس شبيه بهل الوطيه

[احمد ابو طبيخ]

السلام عليكم
***********
الاحبة
ابو نور
ابو كرار
احسنتم كثيرا فذكر علي عبادة
مشاركة متواضعه حتى ننال الثواب معكم اذا تسمحون بس هاي ماكو غيرها
***************
چِفوف الخطن الحيدر يسلمن
عليهن حور بالجنه يسلمن
دگلي الطايح بمعظل يسلمن
عمر لو بالحسن حامي الحميه

[حيدر ال فتله السماوي]

سلام عليكم
حياك الله مولاي الغالي سيد احمد واحسنت


يسل حيدر اكيد وكش لعمره
علي القدّم عمر طاهه اع لعمره
ذكر حيدر اجر حجّه او لِعمره
احج بي واعتمر صبح ومسيّه

حياك الله غالينا الورد ياسين الساعدي
استغفر الله انه حالي حالك
انه كتلك شنهي التريده وياك حبيبي الغالي ابو نور


شرف عندي اخدم اهل الله او شرفلك
وذا دنياك التْشكّك شرفلك
لجن لو آخر انفاسك شرفلك
ييسرولك اُهم عسر المنيّه


حُسين اللي جره دمّ ال محاير
عله اعداءه او اهو بنصهم محاير
محه ابدمه الظلم كلّش محا ير
محه وجر جثّته من الغاضريه


علي ونّيت لك حيدر ون هنا
اعوز هنا ولا تنشد ون هنا
علي هناك انه اصيحن لك ونه هنا
وجلّب بيك بالثنتين اليّه

[ياسين حردان الساعدي]

السلام علييكم
احمد ابو طبيخ الف هلا وحياك
كلمن ساند الباطل معاضل
وكلمن ناصر الظالم معاضل
هذاك الگال لوطحت ابمعاضل
اهلك بس علي يحل القضيه

اخي العزيز حيدر والنعم منك يابطل
اصاحب من يحب حيدر وشرفيه
وناقش راي من ضدني وشرفيه
وضد كلمن حقد يحمل وشرفيه
ثابت ماتزعزعني الّدِنَيّه
مادامت لغيري اخ دولمن
بس دولة علينه اخي دولمن
لوما حَيدرْ اخدّم اخدم ا لمن
افوز بخدمته الجنه الزهيه

[حيدر ال فتله السماوي]

السلام عليكم
حياك الله ابو نور الطيب مرات اخرى
احبك....... مثل الماي لو جره ما يلتفت لوره

اليك هذه الابوذيه ارجو ان ترضيك

جزيت الشوف ما شوفك تعالاي=انه امشي عله الارض مالك تعالاي
غدة روحي عله المشاتت تعالاي=انه اكدر ما اموت انه المنيّه


يجاسم حن عله الربّت ولمّاك=دفز للويل جوّانيْ ولمّاك
احير شلون اشيلنّك ولمّاك=اهن جفّين وانته اوذار ميّه


علي جفّ الله وي جفّه او معاضل=علي الما عصّت براسه ال معاضل
علي وهيهات اعوفنّه او معاضل=لون طاحت سمه وخسفت وطيّه

[ياسين حردان الساعدي]

http://www.haidaralattar.com




زينب يازينب يازينب =احنه الاحرار
زينب يازينب يازينب =هيهات العار
الله المعبود يحامينه
للحق جنود تسمينه
ــــــــــــــــــــــــــــــــــــــــــــــــــ ــــــ
يازينب وحق احسين=ما ننساچ ياحره
من صبرچ اخدذنه دروس =وزرعنه بكل درب ثوره
كل قطره بدمانه تصيح=عدونه لازم اندحره
نرد الصاع فوگ الصاع=بعزمنه العالم انبهره
ونضحي ادمانه= يازينبب احنه االثوار
ونبيد اعدانه=يازينيب نمّحي الاشرار
حاضرنه يقود= ماضينه
للحق جنود =تسمينه
ــــــــــــــــــــــــــــــــــــــــــــــــــ ـــــــــــــــــــ
على منهج اخوچ=احسين تعلمنه وتربينه
لا للذل ابد هيهات=من لائه تغذينه
احنه اسيوف ابو الاحرار= وللعباس چفينه
هتفنه وسمعت الاكوان=لعرش نمرود هزينه
لالا منساوم يازينب=نملك اصرار
نرفض ونقاوم يازينب=انرخص الاعمار
بالدم اعهود خطينه=للحق جنود تسمينه
ــــــــــــــــــــــــــــــــــــــــــــــــــ ــــــــــــــ
توضينه بدمع عيناچ=تيمننه بتراب الطف
وصلينه بجرح عاشور=وجرحنه بكربله ماجف
وتوشحنه بعلم عباس=مجدنه برايته تلفلف
وتربعنه بسمه العلياء=علمنه اعلى القم رفرف
ونّحير العالم=يازينب لامانحتار
ونرفض كل ظالم=يازينب من ناخذ ثار
ورايت السود= بيدينه
للحق جنود= تسمينه
ــــــــــــــــــــــــــــــــــــــــــــــــــ ــــــــــــــــ
من شيمت علي شربنه=وغذتنه الي ربتنه
سمعنه من المهد اسمه=من امنه الي جابتنه
نندب ياعلي الكرار=اذا عسرت شدتنه
معاذ الله ماننذل= الشرف والعز عقيدتنه
بنت الكرار=يازينب بنت الكرار
سيف الفقار=يازينب سيف الفقار
من حيدر زود= تغذينه
للحق جنود=تسمينه
ــــــــــــــــــــــــــــــــــــــــــــــــــ ــــــــــــــــ
نهتف صحنه يازينب=نسوان وزلم واطفال
قوافل للحروب نسير=ضحينه النفس والمال
عدونه احتار بالتفسير=لمّن نصنع الابطال
ذهلنه القاصي والداني =ضربنه اروع الامثال
كل ثائر منه= يازينب خلد تذكار
من دمه اتحنه=يازينب بساحات النار
ونصير حشود= لمهدينه
للحق جنود=ضحينه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
ذبحتي سيوف اهلأ الشر=وانتي بلا رمح لاسيف
لسانچ سيف على العدوان=ماخفتي واخذتي الحيف
مواعظ بالمدينه وشام=وبالكوفه كشفتي الزيف
رغم حرگ الخيم واطفال=عطشانه بسموم الصيف
ماهبتي الطاغي=يازينب
حاججتي الباغي=يازينب
ونعلي اسدود=هادينه
للحق جنود=ضحينه

[ياسين حردان الساعدي]

المقطع الرابع


من جار وكتي عليّ
عادوني جيراني
والي احسبه اخو
بجروحي خلاني
سد بابه عني ومشه
مايوم واساني
مجروح يسمع آون
ماشفته داواني
وكل ماآطيب الجرح
يطعني بالثاني
ومن گتله افزع الّي
ارهابي سماني
حاچيته عن مبدئي
طائفي سواني
مو عربي انه اصبحت
اصبحت ايراني
انه العراقي الجذر
اشوري كلداني
وانه العراقي افتخر
وافتخر عدناني
تاج اعلآ راسك اضل
شمس ونجم وهلال
الوطن ساحة قدم بيه لعبت الانذال
والهدف صار الشعب والطوبه عد حيال
لاحامي ضل للهدف والهدف صار اهدال
هذا الوضع بالبلد والوضع كلش طال

[الادارة العامة]

السلام عليكم ورحمة الله وبركاته
***************************
كل عام وانتم بخير بمناسبة حلول عيد الغدير ثبتنا الله واياكم
على ولاية المرتضى صلوات الله تعالى عليه
طريقه نحتفل بها هذا اليوم ويوم غد في الموقع في رفع عشر مشاركات
مايسعه الشريط المتحرك والمشاركات كتبها شعرائها للامام امير المؤمنين عليه السلام
جزاهم الله خير الجزاء ونرجو عذركم لاننا تجاوزنا على احد الشروط موقتاً .
كل عام وانتم بخير

[ياسين حردان الساعدي]

المقطع الخامس


الجولان راحت ولك منك تريد الرد
بوق العروبه اصبحت يل ضيعيت الحد
وهسه صرتلي وصي وتريد الّي تمتد
ايدك اگصهه وعلي ولگاعي اصيرن سد
سطار انه تعرف ومن اسطر اعلآ الخد
شنهو ضميرك صحه وعني اصبحت تنشد
صدام وانته وجه نفس الوجه وازود
البعث نفس البعث والقائد الاوحد
وعندك وراثي الحكم من الابو والجد
كل راس عندك عفن يحكم يقيم الحد
هيهات انضم ووياك ماانعد
ارفضك قول وفعل ياحامي كلمن ضال
الوطن ساحة قدم =بيه لعبت الانذال
والهدف صار الشعب والطوبه عد حيال
لاحامي ضل الهدف= والهدف صار اهدال
هذا الوضع بالبلد =والوضع كلش طال

[ياسين حردان الساعدي]

الدين يتوضه بنبض نحر الحُسين= وكل بحر بالجنه قطره امن الفرات
والفرات أتييمم بطف كربلاء= نشف مايهه گبال دمع الفاگدات
وسجدت انهار وبحار آوي الفرات= فوگ جدم احسين واصحابه الآبأت
الماي من حلگه ارتوه يشرب زلال= والشفايف عطش تدمي ويابسات
هم شفت ثغرالبحر منّه ارتوه= هذا ثغر احسين يروي المعصرات
هم شفت قصه الجبل اله بچه= على قصة احسين تبچي الراسيات
ركع دين الله ويصلي اعلا الحُسين= ورتل القرآن باحرف داميات
سجد خاشع فوگ كل ذرة تراب =لامست انفاس خير الكائنات
يبچي كل حرف بكتاب الله المجيد= شاف زينب تبچي گدام القسات
صفنت الايات من هول المصاب= گبال طف احسين ضلن حائرات
ومن صعد دمه يشگ بطن السماء =اتلگته الاملاك على الخد لاطمات
وهتف صوت امن العرش صاح الوحه= العجل حيه اعلى العمل باقدس صلات
وكبر الآذان من صاح الحُسين= ياسيوف اخذيني مااريد الحياة
مااريد الذله مااريد الخضوع= انه ابو الاحرار علذل ماابات
آيّديّ متساند ولاتصافح زنيم= رمح اصبع آيدي في عين الطغات
الدين مايندگ ولايثبتله ساس= الا دمي يحني اركان الصلاة
خل تحد ارماحهه وتبشط سيوف= بحر دمي يفيض موجٍ عاتيات
ذبح دمي سيوف قادات الظلم= وصعد راسي وداس فوگ الباشطات
ياحُسين وانته ابن اشرف ولي= وامك الزهراء خير الا مهات
ينتشر دين الله برياح الحُسين= لوله عطر احسين چى دين الله مات
ابد ماتجري ولاروجه ابحر= المامشت وي روج سيدالكائنات
غرگ كلمن جهل نجاد الغريق= والُحسين افضل سفينه للنجات
والُحسين افضل سفينه للنجات

[ياسين حردان الساعدي]

http://www.alhussaini.org/article.asp?id=26



الــف رحـمـه اعــلا خـدامك يـبو الـيّمه
يـهـنـياله الـخِـدم خــدام ابــو الـيـمه
___________________

الــخَـدم مــن عـالـم سـيـدي تـبـعوك
وعـلـى حُــب الـزچيـه الـطاهره حـبوك
وتّـمـنـوا ابـمـجلس فـاطـمهiيـخـدموك
وبــمـجلس الــزهـره يـصـيح يـايـمه
يـهـنـياله الـخِـدم خــدام ابــو الـيـمه
آول مـــاأجــو لّـلّـدنـيـه خــدامــك
نـزلـت دمـعـه مـنـهم تــبچي لـيـتامك
وكــل دمـعـه نـهر تـجري عـله خـيامك
تــريــد اطــفـي الـمـالـها رحــمـه
يـهـنـياله الـخِـدم خــدام ابــو الـيـمه
تـعـلمنه خـدمـتك واحـنـه چنــه ازغـار
وكــل نـاعـي نـعـاكم صـار الـه تـذكار
مـثـل مُـلّـه وطــن خـادم عـلي الـكرار
عـلـى صـوتـه الـلـطم يـتـفاعل ويـحمه
((رحـنـه بـضـعينه هــل الـيـوم اجـيـنه
مـن كـربله رحـنه ايـتام للكوفه واليسرالشام
مــــــن يــــــدري بــيــنــه
هــاي الـضـعينه الچانــت ابـين اطـيباب
وبـهـيـبة الـولـيـان چانـــت تـنـهاب
لـــن الـدهـر خـلاّهـا مـابـين اجـنـاب
يـبـاريـه چتـــال الاخـــو والـسـلاب
وافـتـر دهـرنـه وهــل الـشـكل صـرنه
راحـت وجـوه الـوليان واحنه بشماتت عدوان
جـــارت عـلـينه هــل الـيـوم اجـيـنه))
يـامـحـله وطـــن يـامـحـله نـبـراتـه
يــون كــل الـصـحن لـوسـمع ونـاتـه
ولـلـعـباس وأمـــه تـعـلـه صـيـحاته
وصـــدى ام الـبـنـين يـجـاوب بـهـمه
((وتـوفوني واعـدتوني وانـه اعـرفكم تـوفون
ام الـبـنـين تـنـادي تـوفـني يـاويـلادي
وانـــــه اعــرفــكم تـــوفــون
تـجـمـعـهم بـسـاعـت وداع وهــجـره
تـحـاچيـهم بـلـوعـة فــراگ وسـفـره
اربـعـه وكــل واحــد گلـبـهه تـنـظره
كـــل واحــد اصـبـيّ عـيـنه تـعـتبره
تــنـاديـهـم يـــاگلــب امــمــكـم
يـــــاانــــوار الـــعـــيـــون
يـبدور بـظلمة لـيلي تـوفون بـرچت حـيلي
وانـــــه اعــرفــكـم تـــوفــون
تـوفـوني واعـدنـي وانـه اعـرفكم تـوفون
ام الـبـنـين تـنـادي تـوفـون يـاويـلادي
وانـــــه اعــرفــكـم تـــوفــون))
اذا طـــب الَــعـزه بـالـصحن يـامـحلاه
وگف حــيـدر عـلـي بـالـصحن يـتـلگاه
وعـبـد الـرضـا صـوتـه يـصيح واويـلاه
نــدب زيـنـب وزيـنـب شـاركـت هـمه
((زيــنــب يـاغـريـبـه الله شـمـصـيبه
وجـهچ يـازينب ويـن مـذبوح اخـوچ احسين
والــجـثـه سـلـيـبـه الله شـمـصـيـبه))
وشـعـبنه الـبـنجف عـبـد الـحسين الـحيد
لـلـشـعر الـحـسـيني يـنـظـم بـتـجديد
يـقـرولـه الـقـصـايد احـسـن رواديــد
كـتـب بـيـت الـقـصيده مـن حـبر دمـه
((زيــنـب الـلـيـله تــحـرس الـعـيـله
مـــن عگب الآخــوه حـرمـه وحـدهـه
مـــــــــن يـــســاعــدهــه
وضــع الـعـقيله مــن الـتـعب مـترادي
مــاتـدري الــمـن تـتـجـه وتــنـادي
تـنـظـر ضـحـايـا امـطـرحه بـالـوادي
بــس عـلـيل احـسين حـيل عـدنه امـنين))
وأطــب لـكـربله واسـمـع صـدى ايـحّير
گلـــت يــاصـوت هـــذا الـزاهـرالنيّر
الـف رحـمه اعـلا روحـك حـمزه اّلـصغير
شـجي الـبحه وعـذب هـل الـصوت بيه نغمه
((الــوادم لـو لـفاهه الـليل تـعدالليل لـلونسه
ونـه چم لـيل چم نـهار يجي ويروح من نفسه
الــوادم لـولفاها لـليل تـتهيئا لـذاك الـليل
لـلمسامر تـطيب نـفوس وجروح الحياة اتزيل
وانـه مـن يـوافيني اصـرخ والـدموع اتسيل
آآ يــالــيــل مـــاتــم حـــيــل
وابـــويــه غـــربــت شــمــسـه))
يــم ولــد الـحـسين الـشـعر يـتـونس
عـلـه صــدر الـخـدم بـالـلطم يـتـفلس
مــهـدي الـيـشـعر ومـنـظور يـتـفرس
يـكـتبون اعـلـه زيـنب كـل حـرف لچمـه
((گلــــي يـلـمـيمون ويـــن والـيـنـه
انـه يـلميمون بـيدي جـدمتك ونـخمش گلبي
مـن رحـت بحسين بالله ودعتك والباري حسبك
بگت روحـــي تـنـوح وانـتـظر جـيـتك
وعـــيـــونـــي تـــــربــــي
جـيـتـني خــالـي احـسـين چى ويـنـه
راح مـــــــــن اديـــــنــــه
((اذا صـوتـك عـلـه هــل الـصوت آلـمنه
وقـريـت الـنـه قـصـيده وصـارت بـدمنه
يـاسـيـن الـرمـيـثي يــجـذب الـونـه))
((يـحـسين بـضـمايرنه صـحـنه بـيك امـنه
لاصـحيت عـواطف هـاي لادعوه ومجرد راي
هــذه مــن مـبـادئنه صـحنه بـيك امـنه
بـتـكوين الـبشر يـحسين مـتساوين نـوعيه
جـسمه ومـحتواه واضـح مـعروف بـتساويه
الـشي الـبيه خـفي ومـجهول نزعاته النفسيه
هــي بــدوره تـكشفه وتـظهرلك مـخافيه
اتـكشفه امـن اتـجاهاته شـر يولا حسن النيه
واحـنه ابـنفسك امـنه مـن اعـرفناه قـدسيه
بـشخصيتك لـمسنه اوصاف منوجدت بشخصيه
لـمسنه بـيك ابـو الاحرار عرفنه الموت حريه
لـمسنه التضحيه بشخصك عرفنه الشرف تضحيه
لـمسنه بـيك ابـيّ وماتلين عرفنه الذل عبوديه
لـمسنه اعلى الكرامه اگضيت عرفنه انريده هيه
عـرفنه انـضل بدينه ايزيد من ايد القساوه انزيد
هذه من مبادئنه صحنه بيك امنه يحسين بضمايرنه))
ونــذكـر تـرجـمـان وبــيـه نـتـذكـر
مـديـنتنه الـنـجف والـصـحن بـيه حـيدر
بـصـوتـك تـرجـمـان الـصـخر يـتـفسر
((لـــوواه لــوواه يـابـني نــام لــوواه
يـبـني ابـنـومك اتـهنه وامـك خـله لـلونه
تـــمــســي وتـــصــبــح وي آلاه))
قـريـضـك كـالـدرر يـاقـوت مـصـفوفي
ومــن عـرفـان شـعـرك خـذت مـعروفي
يـاحـيـاك ســيـد مـحـمـد الـكـوفـي
وصــل تـكـبير صـوتـك حـتـه لـلـقمه
الله اللهُ اكــــــــــبـــــــــر
عـرش الله مـن الـباري استفسر هل هذا حيدر
الله الله اكـــبـــررررررررررررررررررر

[ياسين حردان الساعدي]

المقطع السادس

وابن البريّزه وشلن= الويل منه الويل
احدوده سدهن عليّ =وخلاني بطريبل
يقره زواجي بحقد =ويزيد بالتنكيل
بجروحي يلچم لچم= كل ساعه بيّه يعيل
ماشفت منه فضل= ماشفت كل تسهيل
كل قصده اركع اله= واخضع اله بتبجيل
شمعه انه طول العمر=اضوي بظلام الليل
مااطخ راسي لنذل =ماارضه بالتذليل
نخله نجنوب الوطن= بالخير اهل تهليل
بالوسط انه السهل= خيرات اهد كالسيل
وانه بشمالي جبل= لاانحني ولااميل
وانه الثمر والزرع= ولگاعي دمي ايسيل
ويبقى العراقي علم= نبراس للاجيال
الوطن ساحة قدم= بيه لعبيت الانذال
والشعب صار الشعب= والطوبه عد حيال
لاحامي ضل للهدف =الهدف ضل هدال
هذا الوظع بالبلد =والوضع كلش طال

[ياسين حردان الساعدي]

http://youtube.com/watch?v=lNIWcHYoeHI
لاتگول الگبه طاحت= گول راس وجمجمه
هاي گبة علي الهادي= آمن النخاع امهشمه
گول هاي الگبه عروه= وثقه بس مهدمه
ولو تگلي اضلاع طاحن اذن عصرو فاطمه
صيح نادي العجل ياابن الرسول
هشموا ضلعآ جديدآ للبتول
هذا راس انطبر بالنص= وعلى اليافوخ انطبر
شوفه ضل بلاعمامه= وطار من راسه الشعر
شلون اثق بخبر عاجل = شلون اصدگ بالاذاعه وبّالصور
صيحا اين امنتظر
العجل ياابن الرسول
هشموا ضلعآ جديدآ للبتول
شفت قرآن يتطشر = وصار كل ايه بكتر
من يلّمه ومن يشيله= ومنهو يحفظ هل الذكر
ماشفت طاحن شظايا= شفت اظلع تنكسر
شفت چفين ورؤس= وشفت اصبع منبتر
وشفت سامراء شمرت= احجار من نزلت صور
وشفت ذرعان وخيام= وعگلمي ومهر ونحر
وشفت جثه بلا چفوف =وحرمه مكسورة ظهر
اذن ..حّلتّ كربله= وحّلّ الشمر
نفس هذا الدهرْ= منْ ذاك الدهر
صيح نادي الغوث يامهدي البشر
العجل وينك ياابو صالح
الهادي ضل بلا گبر
الوحا ياابن الرسول
هشموا ضلعآ جديدآ للبتول
لو اصدگ حجر= هل الگبه وتطيح
تراب هل اللمعه= كحل للمؤمنين
اتفجرت يعني اجه= طب الشمر
للضريح وسمع =صوت الزائرين
تصيح فدوه انروح= كلّ احنه الى
لَلَتراب الّداسته =اقدام الحسين
حجر هل الگبه اذا= طاح انشطر
بكل حجر مكتوب= اسم الله المبين
انفجر حرف الله =طاح اعلا الضريح
انعصر حرف القاف= وازرگ لون عين
انكسر حرف الفاء = والف وطاء ميم
التاء ضلت خاليه= امن النقطتين
صيح نادي الذكر مذبوح ويگول
العجل ياابن البتول
هشموا ضلعآ جديدآ للبتول

[احمد ابو طبيخ]

السلام عليكم
************
الاخ المحترم ياسين حردان الساعدي حياك الله
قصيدة ربطت الطفوف بواقع الشيعة السابق والحالي وهذا هو المطلوب اسأل الله يعيدنا واياك الى عراق الحسين عليه السلام ويجمعنا مع اهلنا هناك .
احسنت كثيرا

[احمد ابو طبيخ]

السلام عليكم
************
الاخ المحترم ابو نور الف حياك
هذه القصيدة لي معها ذكرى جميلة جدا
احسنت كثير على النفس الشجاع والقوي
احسنت ابو نور
مشتاقين هواي