زبدة الكلام

زبدة الكلام (http://www.zibdat-alkallam.com/vb/index.php)
-   قسم مشاركات الاصدقاء في القصائد المنبرية (http://www.zibdat-alkallam.com/vb/forumdisplay.php?f=386)
-   -   قصيده بحق الامام موسى الكاظم عليه السلام للشاعر عبد الهادي العريفاوي (http://www.zibdat-alkallam.com/vb/showthread.php?t=3188)

عبد الهادي العريفاوي 09/07/08 07 :57 07:57:42 AM

قصيده بحق الامام موسى الكاظم عليه السلام للشاعر عبد الهادي العريفاوي
 
وصية موسى بن جعفر باجر عالجسر نحضر
كلوب الشيعه ملهوفه يطلع يمته ونشوفه
باجر عالجسر نحضر

عجيبه على النفوس النكرت القران لا ذرة ضمير ولا اثر وجدان
صارو بالنتيجه بأمرة الشيطان كالو عالرسول بلا وعي ووجعان
خلف للزمن لجمه جم كاتب ذكر اسمه
كال المصطفى يهجر

من صنعت سقيفه الزمره هالقذره وكتبوهه البنود التنكر العتره
اول فاجعه الصارت على الزهره وضلعهه بذمة المجرم كصد كسره
حقا يشهد البسمار يحجي الحادث اللي صار
جدام الخلك يضهر

اريد احجي ويه ناس التدعي الاسلام عقلهه شلون يتقبل تعيش اوهام
ويستنكر حجينه نكول يا ضلام ويعارض حجينه بصحة الاقلام
حجيك واضح بعينه عدو المصطفى ودينه
وانته البلحشر تخسر

يا موقف تنكره وتنكر علومه عدنه اكبر دليل كبور مهدومه
واهل البيت قتلى ومنهه مسمومه هاي الكم جرايم كلهه مختومه
انشطرت امة الهادي كل واحد صفه بوادي
اترك هالدرب واحذر

اذا تشهد محمد سيد الكونين تكول بأمره نمشي واحنه ملتزمين
جاشنهو الاجاكم صرتو ضد حسين وحاربتو الولايه وهيه اصل الدين
ذبحتو حسين واطفاله وسبايه راحت عياله
عجيبه شــــــــــــلون من منضر

نشدنه على الامام السابع وامره مضلوم بسجن بغداد والبصره
مر جم عام واحنه بلهفه ننتضره وهارون الينكره وما عرف كدره
هذا ابن النبي المختار هذا ابن الوصي الكرار
منــــــــــه شلــــــــــــــون تتعذر

منهو اللي يعرف الكاظم ووضعه لابد للقضيه نهيأ الفزعه
اجه المبعوث بشرنه ويهل دمعه كال أعله الجسر احضر ضحى الجمعه
علومك تطلب بشاره عيون الشيعه تتجاره
تكوم وخطوه تتعثر

وصلنه على الوعد من كال هذا اليوم لن صادق كلامه وهالوعد مختوم
لاجن يا حسافه على الجبد مسموم وكفنه بحسره وبونه وكلب ملجوم
بحديد مكيد ومطروح بيده من الحديد جروح
كلوب الشيعه تتفطر

جابوله الطبيب تفحص الحاله نصراني وعليه اختلفت احواله
كال السم غزير وصار جتاله وين اهله واخوته وجمعة عياله
غريب ولا اهل عنده عايش بالضلم وحده
يشيعه لدفنه نتحضر

بني العباس كفرت بالنبي ودينه وحكمهم كافر بكل محتوى سنينه
واللعنه بصددهم واجبه علينه تبليغ الرسول بكل مضامينه
عليكم واجبه يا ناس باللعنه لبني العباس
ضلمهم للصخر فسر

احمد ابو طبيخ 10/07/08 10 :29 10:29:15 AM

الاخ المحترم عبد الهادي العريفاوي حياك الله
اهلا وسهلا بك مع اخوتك من الشعراء والمهتمين بالادب الشعبي في منتدى زبدة الكلام
قصيدة ولائية جميلة ذكرت من خلالها مواقف من رحلة الامام باب الحوائج موسى ابن
جعفر عليهما السلام نسال الله ان يتقبلها منك باحسن قبول وتكون شفاعة لك بحق من كتبت لاجله
احسنت كثيرا واهلا وسهلا بك مرة اخرى

عبد الهادي العريفاوي 24/07/08 06 :52 06:52:02 AM

اخي العزيز احمد لي كل الشرف ان احضى بشكرك وتقديرك
لما اطلعته عليه في هذه القصيدة وهذا هو الشيئ القليل في
حق باب الحوائج ونسئل الله ان يتقبل دعائك والك مني فائق
الشكر والاحترام

علي طمه الكربلائي 27/07/08 08 :20 08:20:32 AM

السلام عليكم ورحمة الله وبركاته
اهلا وسهلا بك اخي بين اخوانك خدام اهل البيت عليهم السلام
احسنتم على هذه القصيده الولائيه وبارك الله بك وجعلها سند لك في الاخره
تحياتي

عبد الهادي العريفاوي 11/07/09 05 :25 05:25:27 PM

اقتباس:

أرسل أصلا بواسطة احمد ابو طبيخ (المشاركة 5130)
الاخ المحترم عبد الهادي العريفاوي حياك الله
اهلا وسهلا بك مع اخوتك من الشعراء والمهتمين بالادب الشعبي في منتدى زبدة الكلام
قصيدة ولائية جميلة ذكرت من خلالها مواقف من رحلة الامام باب الحوائج موسى ابن
جعفر عليهما السلام نسال الله ان يتقبلها منك باحسن قبول وتكون شفاعة لك بحق من كتبت لاجله
احسنت كثيرا واهلا وسهلا بك مرة اخرى

الاخ احمد ابو طبيخ
كل الشكر لك على مرورك العطر في مشاركتي
التي هي في رحاب الامام موسى ابن جعفر
عليه السلام جزيل الشكر لك

عبد الهادي العريفاوي 11/07/09 05 :46 05:46:13 PM

اقتباس:

أرسل أصلا بواسطة علي طمه الكربلائي (المشاركة 5391)
السلام عليكم ورحمة الله وبركاته
اهلا وسهلا بك اخي بين اخوانك خدام اهل البيت عليهم السلام
احسنتم على هذه القصيده الولائيه وبارك الله بك وجعلها سند لك في الاخره
تحياتي


اخي العزيز علي شكرا لك على مرورك النرجسي
في قصيدتي هذه ولك جزيل الشكر


توقيت الديوان على GMT. الوقت الان.08 :26 08:26:37 PM.

بدعم من vBulletin الإصدار 3.6.4
جميع الحقوق محفوظة ©2000 - 2017,لدى مؤسسة Jelsoft المحدودة.