عرض المشاركة وحيدة
 
 
 
  #1  
قديم 15/11/13, 06 :54 06:54:35 PM
دكتور هاشم الفريجي دكتور هاشم الفريجي غير متواجد حالياً
مشرف وناقد
 





زينب ما بچت بالطف !


( زينب ما بچت بالطف )

نظرة حقيقية لموقف الحوراء زينب عليها السلام في واقعة الطف


زينب ما بچت بالطف
زينب أصبر وألطف

هي صمام الأمان
هي من حور الجنان
هي مصدر للحنان

بالميدان ما تضعف
زينب ما بچت بالطف

***
أبد متهون دمعتها
ولا گصرت سجدتها
ولا گالت حزن فتها
ولو عنها الحزن ما كف

هيه بت بيت الرسالة
عدهم الذلة محالة
علموها اهل الأصالة

شلون بالميدان توگف
زينب ما بچت بالطف
***
زينب من مهابتها
عداها اتهاب چلمتها
صح عظم الحزن فتها
بس بايمانها الهم خف

زينب إتخوض القتال
بالصبر ويا الرجال
زينب إتسوي المحال

زينب بالمصاب أعرف
زينب ما بچت بالطف
***
صارت للصبر آية
أهلها أصل الولاية
كتمت بالجفن ماية
ولو عنها العدو ما عف

زينب من تعاليها
اليتامى اتحنت ايديها
صحيح الضيم واليها

بس طرف الجفن ما رف
زينب ما بچت بالطف
***
إسمع لا تگول شلون
ما تبچي اعلى ليموتون
عدها من الصبر مكنون
هيه بالوضع أعرف

من جدها النبي المختار
والوالد علي الكرار
عدها للعقيدة اسرار

بس حبر القلم ما جف
زينب ما بچت بالطف

د. هاشم الفريجي



__________________
د . هاشم نعمة الفريجي
مشرف وناقد في المنتدى
رد باقتباس