حسبة عرب

[رحيم الحسناوي]

امس دققت بسبب ضرب الحسين

بالقنابل والصواريخ التشع

وفكرت ليش اليوزر يوككفوه

ونحره بسيوف وخناجر ينكطع

وليش بس نذكر علي تكعع الوجوه

بغيض وبحركه المقابل ينلسع

وليش بس يردونه نترك كربلاء

وليش ينغزهم ندانه ويه الدمع

الله اككد بالسور للعالمين

يا محمد انته مرسل للجمع

وانتم تصيحون نؤمن بالكتاب

وحتى اذا مات الكلب عدكم سمع

زين خلونه نحط حسبة عرب

ولا تخلطون السوالف والوضع

الزهره ياهي الزهره مو بنت الرسول

وهيه ام حسين منشار بجذع

يعني جد حسين ابو الزهره البتول

وهوه دممه وروحه وبنفس الطبع

زين اذا منهجكم يقرر بمحمد

ليش ابو السجاد بالطف ينصرع

وليش مثلتو بجثث ال الرسول

وعالعقيله حشود منكم تنجمع

اقسم برب الخلك والراجفات

والكتب والدين والوتر وشفع

ما تحببون النبي وكلكم نفاق

وما يصح للدوم بيكم كل نفع

لن اصلكم عتبه والهند ووليد

وابو سفيان لمراجعكم نبع

وانه ادري السبب ليش تحاربون

لن علي الكرار قالعكم قلع

دك على صماخاتكم دك النعاج

وشللع من عيونكم للحك شلع

وابو فاضل سوه بيكم معجزات

ويبقى للمحشر يذلكم هالوقع

يا سلف تحجون عننه ويا صلاة

ويا اصول التدنه منكم يا شرع

انتم ويه اجدادكم والتابعين

فدوه كلكم للزجيه وللضلع

رحيم الحسناوي