 |
|
 |
 |
|
 |
|
#1
27/02/18, 09 :30 09:30:06 PM
|
|||
|
|||
|
دمعة رافضيّة - قصيدة لشهادة الزهراء عليها السلام
آنه دمعة عيني تجري رافضيه – بيها اناغي دمعة عيون الزچيه من ضلعها او كسرته – هذا گلبي اوحسرته بيها اناغي دمعة عيون الزچيه ----- احچي بالصار – والگه روحي امن الالم تكتب قصيده كل حرف نار – تحرگ اچفوف الدفع باب الصميده بيها بسمار – ينبت ابگلب الكِسر ضلع الشهيده والسطر خد فاطمه – يشتعل بالحاطمه وانخه حمّاي الحمه , او حامي العقيده ما دريت ابفاطمه كسروا ضلعها – سكته طاحت ياعلي او محّد سمعها من عذاب الشافته – هذا گلبي اوحسرته بيها اناغي دمعة عيون الزچيه ----- آنه بالآه – احچي عن كسر الضلع وبروحي ناري آه اويلاه – من ونيني او دمعتي بانيها داري اشكي لله – عالظلم ام الحسن ليلي او نهاري ما ابطل شكوتي – تبقى ناري او حرگتي آنه اريد ابدنيتي , يرجعلي ثاري لو ظهر راعي الامر والرايه بيده – يلگه صوت الرافضه اينادي او يريده من هتاف النادته – هذا گلبي اوحسرته بيها اناغي دمعة اعيون الزچيه ----- ابقى بثنين – دمعة اعيوني او گلب ماتطفه ناره طول السنين – گلبي ينبض فاطمه ليله او نهاره يم الحسين – ضلعچ المكسور لا ما انسه ثاره يكتب ابخدي الدمع – يا لثارت الضلع وبونيني الينسمع , ارفع شعاره كل زمان او كل ارض انصب عزيّه – واحيي بدموعي ليالي الفاطميه والينادي ابدمعته – هذا گلبي اوحسرته بيها اناغي دمعة عيون الزچيه ----- اعلگ اشموع – كل ضلع شمعة حزن وبروحي نوره واجري الدموع – وارسم اباب الآلم للدنيا صوره بيها موجوع – كل گلب شيعي او محب يعلن شعوره عالنطق چلمة وَ إن – يكثر اعليه اللعن تكشف گلوب التون , بالدنيا دوره من حمل نار او حطب واعلن هجومه – واسس الجور او ظلم من ذاكَ يومه من هجومه او جرأته – هذا گلبي اوحسرته بيها اناغي دمعة عيون الزچيه ----- آنه بالنوح – اذكر الطفل الوگع يوم الرزيه مثله مذبوح – طفل الحسين الوگع بالغاضريه واذكر جروح – زينب الراحت على الناگه سبيه من أثر ذاك الجُرُم – صب على الشيعه الظلم شافوا الضيم او سُكم , من آل اميه كل زمان او طاغيه ايصوب سهامه – واحنه مانترك علي اليوم القيامه من علايم شيعته – هذا گلبي اوحسرته بيها اناغي دمعة عيون الزچيه ----- أحمد أبو طبيخ لندن 2015-03-02
__________________
مؤسس اول منتدى متخصص بالادب الشعبي (( زبدة الكلام )) |
|
 |
 |
 |
 |
«
الموضوع السابق
|
الموضوع التالي
»
| أدوات الموضوع | |
| أنماط العرض | |
النمط الخطي
|
|
مواضيع مشابهه
|
||||
| الموضوع | كاتب الموضوع | الديوان | ردود | آخر مشاركة |
| قصيدة لشهادة السيدة رقية عليها السلام / آنه بنت النبي | احمد ابو طبيخ | احزان المنبر | 0 | 09/10/17 02 :50 02:50:57 PM |
| ام المعاني - قصيدة بحب الزهراء عليها السلام | احمد ابو طبيخ | القصائد الوجدانية والوطنية | 1 | 29/05/11 03 :57 03:57:24 PM |
| صلوات بحب الزهراء عليها السلام | احمد ابو طبيخ | افراح المنبر | 0 | 07/06/10 09 :53 09:53:28 AM |
| مولد الزهراء عليها السلام | احمد ابو طبيخ | افراح المنبر | 1 | 06/06/10 05 :25 05:25:44 AM |
| ابوذيه في حق الزهراء عليها السلام | عدنان الحمامي | الابوذية | 14 | 19/05/08 06 :57 06:57:50 PM |
توقيت الديوان على GMT. الوقت الان.07 :05 07:05:56 AM.
 |
|
 |
