اخر عشرة مواضيع :         نهر الحياة (اخر رد : احمد ابو طبيخ - عددالردود : 22 - عددالزوار : 3794 )           »          قصيدة بذكرى استشهاد الامام علي عليه السلام (اخر رد : احمد ابو طبيخ - عددالردود : 0 - عددالزوار : 32 )           »          دارمي / لو يستحي المنشار (اخر رد : احمد ابو طبيخ - عددالردود : 0 - عددالزوار : 150 )           »          دمعة رافضيّة - قصيدة لشهادة الزهراء عليها السلام (اخر رد : احمد ابو طبيخ - عددالردود : 0 - عددالزوار : 156 )           »          قصيدة لاستشهاد الامام الحسن المجتبى عليه السلام (اخر رد : احمد ابو طبيخ - عددالردود : 0 - عددالزوار : 292 )           »          نقد قصيدة هذا نبي القوم للشاعر أحمد أبو طبيخ (اخر رد : احمد ابو طبيخ - عددالردود : 7 - عددالزوار : 1432 )           »          زينب ردّت امن الشام - يالكافل تلكَاها / فزّاعيّه (اخر رد : احمد ابو طبيخ - عددالردود : 0 - عددالزوار : 334 )           »          ما اريد الماي اشوفه ابعيني / لشهادة الامام السجاد عليه السلام (اخر رد : احمد ابو طبيخ - عددالردود : 0 - عددالزوار : 317 )           »          قصيدة لشهادة السيدة رقية عليها السلام / آنه بنت النبي (اخر رد : احمد ابو طبيخ - عددالردود : 0 - عددالزوار : 313 )           »          قصيدة الليلة التاسعة (اخر رد : احمد ابو طبيخ - عددالردود : 0 - عددالزوار : 401 )           »         
 

 
 
العودة   زبدة الكلام > قسم دواوين الشعراء > قسم الدواوين الاخرى
   

رد
 
أدوات الموضوع أنماط العرض
 
 
 
  #1  
قديم 21/05/10, 01 :19 01:19:08 PM
حسام الصياح
 

قصيدة الرماد_بقلمي

آنه علمني الوكت خوض الصعاب
واشتباه الفرح من يلفيني
من رمل شطي نبت بس العذاب
عود أترجه السعد منطيني؟؟؟
مره وحده.....تحلمت ظكت الحنان
ومن فرحتي إتلاحمن جفنيني
قايضت لاجل الحلم شوفي بلسان
لكن سنيني اصبحت سجيني
كطّع لساني ومسح راسي الزمان
حد احس روحي إطلعت من عيني
آنه اوهس الروح ......عندج ظل امان
وتشرق آهات بكترجنبيني
جَرَد إعضامي الوكت بالامتحان
كطع إجلاي وصفر ينطيني
حطت الوادم ..نعم..للفاره اذان
وآنه اذاني النوح كال انطيني
آنه مستودع علوم النائبات
بهاي دهري ودنيتي مقدسيني
ومختلف طكات دهري معاكبات
ومهبط الآهات حك سميني
بلهموم إمعود آنه اصبح وابات
والصبر كبل الفطم ساكيني
حَرمتهه البسمه توصل لشفاة
ولابد اشكر حزني عن تمكيني
مثل يوسف راودتني وعلنجاة
لازم اكطع شفتي بسنيَني
آنه مرني الفكد والتايهات
وطاري الوداع اصبحت يحنيني
خاف ما اكول البعد هز بيه ذات
ولا اكول النوح صاير ديني
آنه بعيوني الرمش صايرسِتار
وحبس روحي بجسد مايعنيني
آنه اتنفس لأجل تبقالي نار
من رماد ظلوعي وتجويني
آنه من ريتي إجعلت للحسره دار
تلهب بصدري ودفك تدفيني
آنه مثل الفاكده ظلوع الزغار
بس فكد نحري البعد يطفيني


الصيــــــــــاح
رد باقتباس
   
 
 
 
  #2  
قديم 21/05/10, 03 :44 03:44:29 PM
صورة عضوية رئيس التحرير
رئيس التحرير رئيس التحرير غير متواجد حالياً
المشرف العام
 





السلام عليكم
*************
الاخ المحترم حسام الصياح حياك الله
اهلا وسهلا بك مع اخوتك من الشعراء والمهتمين بالادب الشعبي في منتدى زبدة الكلام
حياك الله وبياك
نص جميل احسنت كثيرا وننتظر الاجمل
واهلا وسهلا بك مرة اخرى
رد باقتباس
   
 
 
 
  #3  
قديم 23/05/10, 05 :32 05:32:08 PM
دكتور هاشم الفريجي دكتور هاشم الفريجي غير متواجد حالياً
مشرف وناقد
 





معان جميلة للشاعر حسام الصياح وصور مليئة بالاوان
رغم سوداويتها وتشاؤمها

رسمها الشاعر بريشة مآسيه التي جعلت حياته مسرحا للعاديات
انها لهفة روح معذبة لكنها لا تعرف الياس
وتتمسك بالحياة وتضحي من اجل البقاء

كلنا ذقنا بعضا من قساوة الحياة
وشربنا كؤوسا من علقمها وآهاتها
لكن المهم ان لا يتسرب القنوط الى قلوبنا
ونعمل لحياتنا كأننا نعيش ابدا

اخي المبدع ادعو الله ان يبدل تلك السنين العجاف
باخر سمان وسنابلك اليابسات باخر خضر انه سميع الدعاء
وبودي ان اقرا لك قصائدا تتحدث عن الفرح والامل والحياة..
__________________
د . هاشم نعمة الفريجي
مشرف وناقد في المنتدى
رد باقتباس
   
 
 
 
  #4  
قديم 21/07/10, 01 :24 01:24:34 PM
حسام الصياح
 

جديد الصياح_لاترجع

لاترجع
بعدهي إخدودي منك بالدمع ترضع
لاترجع..
بعدهي ليال جورك بالكَلب تصكَع

وبعدهي الماجزن من يوم شفتك بي

تشر بيهن إرموشي ويغسل المدمع
جلماتك اتخرمش بأذني موبأنصاف
والتشبخ دليلي إمن الهرِش تكَطع
أخذ كل الي جبته وياك مامشكور
منيتك وظلمك بالكَلب واطلع
ما محتاجلك وشلون بالله احتاج
ثوب ابيض نضيف وصاحبه إمركَع
أمس بخطوط جفي اتضيع بالراحات
هسه إمن الصفكَ حبك تريد اطبع
لاغلطان والوسط الجفوف انزال
مسحتهن الحسره اتبيضت تنصع
موش انته الي يرسم من مزاجه بكيف
مستقبل حياتي وأصفن اتنوع
كَبل خليت ودك بالوريد ايدور
أصفيك بدليلي وتطلع وتضلع
كافي إهواي غيرك بلسره امتانين
فضلتك عليهم وانته ما تسمع
تتوسل امثالك للجدام اتبوس
وانطيتك هواي وواجبك تركع
غضيت النظر عن شينك ومشيت
وافسحت المجال إلشان تترفع
لاجن هوه كَدرك بالحضيض تعيش
لاموطُعم حلكَك شيمتك تخضع
بعد بالي الفُضِي يتعكر بطاريك
مامجبور خابط رفكَتك اجرع
جربتك بضيجة خاطري ..اتسليت
ليش انطيك فرصه شمنك اتوقع
لو مدة عشرتك بيهه صم ارماد
جا ضميت منك فايده التنفع
معروف الرماد ايسد حلك لجروح
كل واحد بالاخر شانهم يبلع

حسام الصياح
رد باقتباس
   
 
 
 
  #5  
قديم 23/07/10, 08 :47 08:47:47 PM
دكتور هاشم الفريجي دكتور هاشم الفريجي غير متواجد حالياً
مشرف وناقد
 





اقتباس:
أرسل أصلا بواسطة حسام الصياح مشاهدة المشاركات
لاترجع
بعدهي إخدودي منك بالدمع ترضع
لاترجع..
بعدهي ليال جورك بالكَلب تصكَع

وبعدهي الماجزن من يوم شفتك بي

تشر بيهن إرموشي ويغسل المدمع


أمس بخطوط جفي اتضيع بالراحات
هسه إمن الصفكَ حبك تريد اطبع

لاغلطان والوسط الجفوف انزال
مسحتهن الحسره اتبيضت تنصع

موش انته الي يرسم من مزاجه بكيف
مستقبل حياتي وأصفن اتنوع

كَبل خليت ودك بالوريد ايدور
أصفيك بدليلي وتطلع وتضلع

كافي إهواي غيرك بلسره امتانين
فضلتك عليهم وانته ما تسمع

حسام الصياح
هذه بضع ابيات من قصيدة الشاعر حسام الصياح
التي وددت ان اعيدها هنا
القصيدة مفعمة بالمشاعر ...
تتحدث عن ( قضية ) ومعاناة . . ربما هي الحبيب او الصديق
اوصلها لنا الصياح عبر ابياته

اهلا بك هنا اخي الفاضل حسام الصياح
وعلى الرحب والسعة
ونحن بانتظار جديدك القادم
رد باقتباس
   
رد


أدوات الموضوع
أنماط العرض

قواعد المشاركة
لا تستطيع كتابة مواضيع جديدة
لا تستطيع كتابة ردود جديدة
لا تستطيع إرفاق مرفقات في مشاركاتك
لا تستطيع تحرير مشاركاتك

رموز الصور لا تعمل
رموز لغة HTML تعمل
الانتقال إلى


توقيت الديوان على GMT. الوقت الان.08 :10 08:10:11 PM.


بدعم من vBulletin الإصدار 3.6.4
جميع الحقوق محفوظة ©2000 - 2018,لدى مؤسسة Jelsoft المحدودة.
 

تصميم النادر