اخر عشرة مواضيع :         نهر الحياة (اخر رد : احمد ابو طبيخ - عددالردود : 22 - عددالزوار : 3794 )           »          قصيدة بذكرى استشهاد الامام علي عليه السلام (اخر رد : احمد ابو طبيخ - عددالردود : 0 - عددالزوار : 33 )           »          دارمي / لو يستحي المنشار (اخر رد : احمد ابو طبيخ - عددالردود : 0 - عددالزوار : 151 )           »          دمعة رافضيّة - قصيدة لشهادة الزهراء عليها السلام (اخر رد : احمد ابو طبيخ - عددالردود : 0 - عددالزوار : 156 )           »          قصيدة لاستشهاد الامام الحسن المجتبى عليه السلام (اخر رد : احمد ابو طبيخ - عددالردود : 0 - عددالزوار : 292 )           »          نقد قصيدة هذا نبي القوم للشاعر أحمد أبو طبيخ (اخر رد : احمد ابو طبيخ - عددالردود : 7 - عددالزوار : 1435 )           »          زينب ردّت امن الشام - يالكافل تلكَاها / فزّاعيّه (اخر رد : احمد ابو طبيخ - عددالردود : 0 - عددالزوار : 334 )           »          ما اريد الماي اشوفه ابعيني / لشهادة الامام السجاد عليه السلام (اخر رد : احمد ابو طبيخ - عددالردود : 0 - عددالزوار : 317 )           »          قصيدة لشهادة السيدة رقية عليها السلام / آنه بنت النبي (اخر رد : احمد ابو طبيخ - عددالردود : 0 - عددالزوار : 313 )           »          قصيدة الليلة التاسعة (اخر رد : احمد ابو طبيخ - عددالردود : 0 - عددالزوار : 403 )           »         
 

 
 
العودة   زبدة الكلام > قسم دواوين الشعراء > قسم الدواوين الاخرى
   

رد
 
أدوات الموضوع أنماط العرض
 
 
 
  #16  
قديم 03/01/07, 09 :25 09:25:38 PM
حسن التميمي
 

موال بدر


موال
يابدر لاتستحي حسين أشرگ بدر
تاج الامامه لمع ومرصعيمه بدر
عز وفخر للذهن حسين ذكره بدر
ياناس ماضن اجه بالدنيه مثله وحل
چم صدع بيده جبر چم شده فلها وحل
شاف الخليفه انحرف والدين دربه وحل
لآجل الآصلاح انتفض وبچفه راية بدر

تحياتي ابو محمد التميمي
رد باقتباس
   
 
 
 
  #17  
قديم 05/01/07, 09 :28 09:28:20 PM
حسن التميمي
 

تجاره


تجــــــــــــــــاره

حـب حســين للعاقل تجـــاره

وربح دمعك اذا لجله تجــــاره

مهو حسين واعمالك تجــــاره

ورجــحة كــفته القاط مـــــيه

ابو محمد التميمي
رد باقتباس
   
 
 
 
  #18  
قديم 05/01/07, 09 :37 09:37:57 PM
حسن التميمي
 

دارمي مصائب


الأصعب عـــل حسين ذبحة رضيعه
لـــو وگعة العباس يم الشـــريعه

ابومحمد
رد باقتباس
   
 
 
 
  #19  
قديم 05/01/07, 09 :51 09:51:16 PM
حسن التميمي
 

وشيعي


وشيعي
ابصبغ حيدر صبغت أنا وشيعي

وبقه أنا لعلي تابع وشيعي

دطشي اخبار عالدنيه وشيعي

بموالاتي لعلي حامي الحميه
ابو محمد
رد باقتباس
   
 
 
 
  #20  
قديم 09/01/07, 08 :14 08:14:34 PM
حسن التميمي
 

درميات جرح زينب


دارميات اشخله عندي البين
***
اشخله عندي البين بالطف يجدي
حرمه وبنص اجناب لاوالي عندي
***
اشخله عندي البين بالطف يحيدر
ابعيني شفت احسين عالثره اموذر
***
اشخله عندي البين بالطف يقائم
خليت اخوي احسين عالترب نايم
***
اشخله عندي البين بالطف يشيعه
غاب الگمر عباس يم الشريعه
***
اشخله عندي البين بالطف يالاسلام
يبرالي راس احسين وي علي وجسام
***
يبرالي راس احسين وبصدري ونه
مگدر اصد اعليه مستحيه منه
***
مگدر اصد اعليه ونا يسيره
وادري العتب ياذيه صاحب الغيره
******
تحياتي ابو محمد التميمي
رد باقتباس
   
 
 
 
  #21  
قديم 14/01/07, 12 :06 12:06:21 AM
حسن التميمي
 

ليل الحزن


ليل الحزن هذا الليل
حيدر ابمحرابه انطبر
وبزينب انهد الحيل
چلنه حست بالخطر
**
ليل الفجيعه وألام
بعدك يحيدر ايتام
**
عليه صعب هذا الخبر
حيدر ابمخرابه انطبر**
*****
جبريل زمجر بالغضب
گال انكتل داحي الباب
وصار بگلب زينب لهب
من هالندء هواي ارتاب
وذكرت حزن المضه
من باللحد جدها غاب
وذكرت ذاك الحطب
ونار اللي وجت بالباب
ورد الزمن كسر الضلع
ومعلومه كل الاسباب
**
بمحرابه حيدر مطروح
وزينب يوالدها اتنوح
**
عليه صعب هذا الخبر
حيدر ابمحرابه انطبر**
*****
احزان زينب خالده
جدها اللي اخبر عنها
من الزغر وأم الحزن
كل يوم يكثر ونها
من فگد جدها المصطفه
لمها اللي راحتة منها
واليوم فگدك ياعلي
بظل الحزن دوهنها
موعوده زينب بالحزن
ودرب الصبر ديدنها
**
اخبرها جدها المختار
تفقد الخمسه الاخيار
**
عليه صعب هذا الخبر
حيدر ابمحرابه انكبر**
*****
الله ايساعد حالتچ
من شفتي حيدر مصيوب
ومن شفتي هامه وطبرته
ومن شفتي شيبه المخضوب
سيف اللي صوب والدچ
حز بشفيره الگلوب
هذا الجره عليه من غدر
من السقيفه محسوب
ودمه اللي فاض عالارض
بحساب حقه المغصوب
شنهو الذنب منه البدر
وبياجريره مطلوب
**
بالغدر حيدر طبروه
وشهر الصيام ايثكلوه
**
عليه صعب هذا الخبر
حيدر ابمحرابه انطبر**
*****
محراب حيدر ينتحب
وشهر الصيام ايواسيه
وقرأنه محزن يرتعد
منهو الذي يرتل بيه
المعروف من بعده انكب
والعدل هو الحاميه
لاعدل من بعده يظل
ولادين بعده النلگيه
يتم اليتم بعده اليتم
ولاأبو حاضر يمحيه
**
ياليتمت هالايتام
شلون باللحد وسفه اتنام
**
عليه صعب هذا الخبر
حيدر ابمحرابه انطبر**
*****
چم فرض ضاع ابغيبتك
والدين ركنه اتهدم
ومامثل دمك عالارض
شرفها من سال الدم
الموت مو ليك اعتنه
انت العليه امحتم
مشهوده يافارس بدر
چم سيف سيفك ثلم
وچم فارس اكبالك رجف
ومنهو العليك اتقدم
**
لا بالعلم والاقدام
من بعدك الدين انضام
**
عليه صعب هذا الخبر
حيدر ابمحرابه انطبر**

تحياتي ابو محمد التميمي
رد باقتباس
   
 
 
 
  #22  
قديم 14/01/07, 12 :31 12:31:01 AM
حسن التميمي
 

موال حسن


موال حسن
گالولي اكتب شعر عنوان حطله حسن
برمضان مومستب تكتب شعر ياحسن
گالولي مو كل شعر شعرك لآمام الحسن
گلت اكتب انا الشعر لآجل الحسن وانظمه
باقي عل حبهم ابد شمت بدلت انظمه
رهطك اميري علي ليه الشرف انظم اله(انظمه)
كل رهط يحوي القبح بس رهطه هو حسن

تحياتي ابو محمد التميمي
رد باقتباس
   
 
 
 
  #23  
قديم 16/01/07, 09 :57 09:57:31 PM
حسن التميمي
 

عباس چا وين الوعد


عباس چا وين الوعد مو واعدتني
انت التعدل هودجي وبيدك تردني
*******
عباس ماتدري الحرم ابولية اعداك
اختك وحشمك يالاخو متگلي اشجاك
مگدر اعيش اني العمر وحدي بلياك
ريت المحتم للگبر ياخذني وياك
يابو الفضل شنهو الجره وماجاوبتني*
***
عباس چا وين الوعد موواعدتني
انت التعدل هودجي وبيدك تردني
*******
عطشت يخويه اطفالكم والنهر يمي
وتدريني حرمه امروعه وشكثر همي
ياريت جدمي الكربله ماخطه جدمي
وريت السيوف الصابتك گطعت جسمي
مسبيه مو زينب صرة يالتعرف اسمي
وسياطهم يابو الفضل ورمت متني*
***
عباس چا وين الوعد مو واعدتني
انت التعدل هودجي وبيدك تردني
*******
تدري يبو فاضل گضه من بعدك حسين
بحسره وألم صد للحرم وشابح العينين
ريتك لخوك اتعاينه والچبد نصين
حين الوگع فوگ الثره وما عنده المعين
ولا زلم تفزله وصفت بس النساوين
واحزاني عباس المضت مافارگتني*
***
عباس چا وين الوعد مو واعدتني
انت التعدل هودجي وبيدك تردني
*******
عباس چم شده شفت منها الگلب ذاب
وهلي اللي خلصوا بالكتل شاب ابأثر شاب
والنار ياخويه اسعرت بعدك بالاطناب
وفرهود صاحوا بالخيم واصبحن اغراب
وظلت حرمكم بالعره مابين الاجناب
ولادار عندي ابكربله شلون وعفتني*
***
عباس چا وين الوعد مو واعدتني
انت التعدل هودجي وبيدك تردني
*******
عباس من شفن الضعن صحنه وبچينه
ترضه الشمر ذاك النذل يچتف سكينه
بعد الحسين اهل الغدر ردوا علينه
وبعد يعباس اشتضن من يحامينه
النسوه صاحن بالزلم عباس وينه
عباس ماترضه زجر منك يجرني*
***
عباس چا وين الوعد مو واعدتني
انت التعدل هودجي وبيدك تردني
*******
حادي الضعن بالعايله للكوفه من سار
مر بالمعاره وعاينت شنهو الجره وصار
شفن الجثث تحت الشمس بالحومه طشار
وصارة مناحه عل الهزل ازغار وكبار
وعل النهر عيني شبحت وبگلبي النار
والعلگمي شلون اوصله وماودعتني*
***
عباس چا وين الوعد مو واعدتني
انت التعدل هودجي وبيدك تردني

تحياتي ابو محمد التميمي
رد باقتباس
   
 
 
 
  #24  
قديم 20/01/07, 11 :37 11:37:50 PM
حسن التميمي
 

مو وكت نومه


مو وكت نومه يسبع الگنطر*
وزينب اختك وحيده وحايره*
مانريد الماي أختك نادتك
هذا خوك حسين ظل أبعازتك
مابگاله اصحاب فارغ عسكره*
وزينب اختك وحيده وحايره*
**********
شلون ترضه اتنام وأبن أبوك اوحيد
وبيه حاط الگوم والنصير ابعيد
الناس راسه اتريد وتحظه عند ايزيد
ودونه چم فارس ضحه چم صنديد
وحنا ياخويه انواجه التهديد
***
نادت أبرهبتها بن فارس بدر
دارت عل حسين كل اهل الغدر
***
گوم رد الخيل يابن حيدره*
وزينب اختك وحيده وحايره*
**********
گوم خويه الگوم نادوا عل حسين
أو ودع اعياله وبدموع العين
وناد انصاره ومابگاله امعين
وحده للحومه نزل هذا الحين
عيونه الدربه وحنه مذعورين
***
من نزل وحده الساحات الحرب
وبالسرج مشدود والزينب گلب
***
والمثلث صابها بالخاصره*
وزينب اختك وحيده وحايره*
**********
أبد ماصارة هاي گبل اليوم
يظل وحيد حسين وبيه اتحيط الگوم
وزينب اتفزع وبالكفيل اتلوم
انكسر سيفك ليش لو أضن مثلوم
لو صدگ نايم ماكفاك النوم
***
گوم شوف حسين وحده محنته
وبالحجر عباس صكو جبهته
***
وبالسيوف عليه كلها شاهره*
وزينب اختك وحيده وحايره*
*********
شلون صارة هاي حسين عالتربان
وانت ياعباس تدري بيه عطشان
من العطش ذابت چبودها النسوان
وبالخيم ماتت من العطش رضعان
وبگلب زينب وجت النيران
***
وين ذاك الجود جود المرتضه
ماكو گطرة ماي لحسين الگضه
***
گوم شوف الشمر ساحب خنجره*
وزينب اختك وحيده وحايره*
**********
حسين طاح حسين أظلمت الأكوان
وصارة الهجمه وفرت النسوان
وبحوافر خيل انداست الرضعان
ماتت الاخلاق وانچفه الوجدان
انداس دين الله بخيل ابو سفيان
***
الجاهليه اليوم ردت بالطفوف
وجسم ابن طه توزع بالسيوف
***
ولا معين اوياه ظل ايناصره*
وزينب اختك وحيده وحايره*
**********
أنادي ياعباس صاحب الغيره
گوم شوف حسين وشوف تطبيره
ماأضن يرضيك زينب بحيره
والآمر بعدك صعب تدبيره
حرمه بين اجناب وحيرتي حيره
***
ثار مطلوبين احنا من الزغر
بينت غاياتها ارباب الكفر
***
هاي مو اسلام ردت كافره*
وزينب اختك وحيده وحايره*
*********************

ابو محمد التميمي

آخر تحرير بواسطة حسن التميمي : 19/02/09 الساعة 04 :51 04:51:00 PM.
رد باقتباس
   
 
 
 
  #25  
قديم 21/01/07, 11 :06 11:06:04 PM
حسن التميمي
 

وداعه


وداعه
من حيدر انا الايده وداعه
وشوف ابوجهه من صوبي وداعه
صدگ عالناگه ابو فاضل وداعه
وروح اميسره بيد أل اميه


ابو محمد التميمي
رد باقتباس
   
 
 
 
  #26  
قديم 24/01/07, 04 :14 04:14:13 PM
حسن التميمي
 

والدي جار المجير


والدي جار المجير
**********
(1)
نشتكي ذل سكينه والرباب
ويتامى الطف يعلوها اكتأب
لعلي المرتضى يبقى الجواب
أو ترضى زينبأ تعرى الحجاب
***
قيدوها بحبال
حاسره وسط الرجال
**
تندب الثكلا عليا اترى هذا يصير*
والدي جار المجير*
**********
(2)
زينب نادت أيا رمز الهدى
ياعليا اننا بين العدا
من لهذا السبط مطروحا غدى
ياعليا خنجر الشمرٍ بدى
***
طاعنآ صدر الحسين
يالا ثارت حنين
**
قد تنادا ذلك الجمع الغفير*
والدي جار المجير*
**********
(3)
أحرقوا الاطناب اوغاد لآم
بعدها جن على الافق الظلام
ويتاماكم على الترب تنام
مالي عيناك ترى صدر الامام
***
هشموا تلك الضلوع
بخيول وجموع
**
أمسى مقتولا وحيدا فوق رمضى الهجير*
والدي جار المجير
**********
(4)
ياأبا السبطين ياقطب الرحى
هذه الايتام مولاي الوحى
قد تعالت صرخة عند الضحى
فمنادٍ لسبا قد طوحى
***
هذه النوق جثتْ
وقيودٌ حضرت
**
وكذا يومٌ على السجادِ صعب وعسير*
والدي جار المجير
**********
(5)
أفَ ترضى سيدي رمز الخدور
زينب الطهر بديوان الفجور
كيف تسبا عند ضليلٍ كفور
حر قلبي فلذكرها يفور
***
ساقها وغدٌ عنيد
حيث ديوان يزيد
**
ولقد نادت عليا اترى هذا يصير*
والدي جار المجير



أبو محمد التميمي
رد باقتباس
   
 
 
 
  #27  
قديم 03/02/07, 10 :20 10:20:53 PM
حسن التميمي
 

حقك ياعلي


حقك ياعلي
(1)
وسف يالكرار حقك يستباح
ونت ياحيدر الانشأت الصلاح
والله والوالاك نال عل الفلاح
وخاب من عاداك يوم المستقر*
**************
(2)
خاب من عاداك مگطوع النصيب
وأشهد الوالاك أبدن مايخيب
يلي بيدك جنته ونار ولهيب
وكلمن ايعاديك ينحاز الصقر*
**************
(3)
ختم للعاداك من جن وانس
انوصم يالكرار ظالم للنفس
شرد اگول الناس ماتاخذ درس
خلها خل تشبع ندم يوم الحشر*
**************
(4)
الندم حاله ولازمتها للابد
يلن عدها اخطاء لاتحصه وتعد
الجبت دون الله شورد وانعبد
والسقيفه الاكدت هذا الخبر*
**************
(5)
فدك مو بستان حق وينغصب
فدك دين وبالحشر عنه اشتجب
وياجواب ايرد حطيم ويلتهب
وياسبيل ايخلصك وشنهو المفر*
**************
(6)
ياعلي نبگه عل دربك مانزل
حته يالكرار لو نخلص چتل
نبگه نجهر بيك وبخير العمل
انصيح باعلى الصوت مانخشه الخطر*
**************
(7)
حبك الجنه وربح كلمن حواه
وضاع بالحسرات من دور سواه
ياشمس دنياي ياكوني وسماه
وعل حبك طيني مجبول انفطر*
**************
(8)
حبكم الفطره ولايتكم ضمير
وغير حيدر ابد مانقبل امير
خلها تمشي انحورنا لحز الشفير
وخلها تتفرعن علينا اهل الغدر*
**************
(9)
عمل ماينفعنه غير الصالحين
وحنه ابحيدر نلوذ اوبالحسين
بالحشر تشفع العتره الطاهرين
المثل هذا الناس خل تذخر ذخر*

مع تحيات ابو محمد التميمي
رد باقتباس
   
 
 
 
  #28  
قديم 25/02/07, 04 :16 04:16:02 PM
سيف عبد الحميد ريسان
 


ادري الوضع ياذية ما يرضة عباس
بصياطة شمر شلون يضربني عالراس
رد باقتباس
   
 
 
 
  #29  
قديم 25/02/07, 04 :24 04:24:47 PM
سيف عبد الحميد ريسان
 


اتعامل بكل طيب و اجني وجع راس
ما حصلت بس ضيم من جانب الناس
رد باقتباس
   
 
 
 
  #30  
قديم 26/02/07, 08 :43 08:43:27 PM
حسن التميمي
 


لو بس وجع بالراس هم هاي سهله
حچي الخلگ ياسيف ربالي عله
رد باقتباس
   
رد


أدوات الموضوع
أنماط العرض

قواعد المشاركة
لا تستطيع كتابة مواضيع جديدة
لا تستطيع كتابة ردود جديدة
لا تستطيع إرفاق مرفقات في مشاركاتك
لا تستطيع تحرير مشاركاتك

رموز الصور لا تعمل
رموز لغة HTML تعمل
الانتقال إلى


توقيت الديوان على GMT. الوقت الان.08 :14 08:14:29 PM.


بدعم من vBulletin الإصدار 3.6.4
جميع الحقوق محفوظة ©2000 - 2018,لدى مؤسسة Jelsoft المحدودة.
 

تصميم النادر